يا غلطة ظلم باكت لذة العشرين

بارت ٢٥

السلام عليكم
*********

# بقلم/ الكاتبه - سانسا
****************

: وخلصت ريوك وطلعنه وكعدت بل حديقه
اني وماما وخواني يلعبون يمنه وخطر على
بالي غصون ليش هيج تكرهني وسئل ماما

:ماما اريد اسئلج سؤال

ماما- اي ابنيتي اسئلي

: ماما غصون ليش تكهرني هل كد واتضوج
مني واني ما سويتلها شي والله من اول يوم
أليه هيه تكرهني وتوز بيبي ام همام عليه
دائمآ وتهددني

ماما - شوفي بنتي ام غصون من اتوفه عمج
ابو علي ام غصون ورى فتره من موته اتغيرت
لان هيه جانت بعدهي اصغيره ضلت تحف
وتصبغ شعرها واترتب نفسها من جان عمج
مارتبت نفسها وعمج مصايله سنه من متوفي
وأحنه تعرفين عشاير وعيب هذا الشي صدك

بقت لابسه اسود على عمج بس ورى فتره
عمامج شكو بيها طلعاتها وطباتها ابكيفها ولم
راقبو تصرفاتها ووضعها ولمن عرفو تحجي ويه
شباب وتطلع وطب ابكيفها وأبوج تعرفينه من
عرف راح للبيت وكتلها وطلعت من بيت عمج
ووداها الأهلها هوه وعمامج واخذو غصون
منها خافو عليها لا تتعلم من امها وهيه

عرضهم وصارت مشاكل كلوميه مشكله
اتريد الجهال وهيه تحجي على عمامج
وأكثر شي ابوج وعيب هذا الشي ومن
هذا السبب غصون اتضوج منج لان ابوج
سوه هيج ويه امها وأبوج خله الجهال
يرحون ٣ ايام على امهم ماحرمهم منها
وهيه ام غصون اتحرض بنتها حتى من
يرجعون من امهم تجي غصون مكلوبه
علينه وتغلط وتجاوز لحد ماعلمتها عل
حقد عل كل

: صدك ماما تحجين اشكد عيب بس بابا
ما أله ذنب أمها جان تصرفها غلط

ماما-  بس ماما لاتحجين هاي السالفه اتضل
بيني وبينج

: لا ماما ماأحجي وهذا السبب ألي غصون
اتضوج مني بس اني مالي علاقه
وضلينه انسولف واخذنه الوقت وحبيت اسوي
غده
ماما اليوم اني اطبخ الغده

ماما - اي شتردين أطبخينه

: انتي شنو مشتهيه

ماما -مندي دجاج

: تمام لعد خلي اكوم ودخلت المطبخ وطلعت
دجاجه تبلتها ودخلتها الفرن وستوت التمن
وسويت زلاطه وكملت ورحت صليت احس
نفسي فرحانه ابوجودي ابيت اهلي  احس
نسيت كلشي من تعب ومن هم ومن ضيم
ونسيت حتى عمو همام لان تعبت منه
وفرشت السفره وكعدو ياكلون ماما
واخواني

ماما - عاشت ايدج بنتي يخبل الأكل

محمد - اي والله خوش اتطبخين ضحاوي
صارلنه اهواي ماماكلين هيج أكل طيب

: شكرا حبيبي بلعافيه

ماما - ولك محمدو ليش اني مو هم اطبخلك

محمد - يمه انجيبين طبخج على ضحى

ماما - ولك هوه منو علم ضحى عل طبخ