كسر التراَئب

الكـسر التاسع

#كـسـر الـتـرائـب

#الـكـاتبـة:هـبـه جـاسـم

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•

حوراء::

وآنهہ‏‏ بروحـي حِـزن ديرة
  ومَلامح خوف
وحَرب چذبة، وحِلم تايه
ونَـهر ثالث حُفر خدي
غـَريب بگاع مـَتلمني
    چم ليله
أذب دمـوعي ؏ الماشي
     ولا ادري.

__________________

بوقـت دوامي ضهري طلعت من المـدرسة ورحـت مشي للبيت، واني امشي چان الشارع فارغ، طبگت عليه سيارة بيهه ثلاث ولد ضخام وملثمين.
اني من نوع القوية والجريئة ابد ما اخاف من اكبر واحد.
نزلو ثلاثتهم عبالهم رح اصرخ او شي، واحد منهم جراني يريد يدخلني للسيارة اني بقيت ادافع ع نفسي وضربتهم ضرب مصاير بس هم مصرين ميعوفوني،  من شفته طَلع ابرة تخدير ضربته بقوة بحافه السيارة بقة راسة يجري دم.

رگضو جماعته الباقين عليه وواحد منهم لحگني، اني اريد اركض بس حيل ما بيه حيلي مهدود وگوة اسحل بروحي بس حاولت، لحد ما ما احس اله انسحب بقوة وجسم ضخم يحضني بقوة.

وبنفس اللحظة سمعت اصوات طَلق ناري صار اندار واشوف الشرطة لازميهم، انداريت ع الشخص السحبني.
وشفته وياريت مشفته بهاي الحالة،  حَسن چانت ملامحة كلش تعبانه وحاضني حيل ويباوعلي عبالك أب راد يفقد بنته.

دفعته مني وگلتله: شكو منو هذول؟؟

حسن:  احمم اسفف مجان قصدي ألمسچ بس چنت مضطر و..
ما خليته يكمل شفت الساعه بأيدي تأخرت، وخفت حيل من الي حيصير وخصوصاً انو احنه بفرع بي بيت گرايبنه وعدهم كامرات.

ركضت اريد بس اوصل للبيت، هو اجة بسيارته.
حسن: صعدي اوصلچ وياي.
_وخر من يمي تأخرت حيل وبعد لا تحچي وياي.
تذكرت اخر مرة شصار وياي جسمي كله بقة يرجف، وصلت للبيت ولگيتهه واگفتلي بلباب ولازمه عودة الماسحة بأيدهه.

رنا: ليش تأخرتي وين چنتي؟؟!!
_مالچ دخل انت مو امي حتى تتدخلين بيه.
_مو امچ بس زوجة ابوچ غصب ما عليج اعرف وين چنتي لو تريدين تصيرين مثل امچ، من لزموهه وي ابو الاسواق.

اني هنا فار دمي من هيچ گالت، ركضت عليهه دفعتهه ع الباب وجريت الماسحة منهه كسرتهه تكسر،  صح هيه اكبر مني بس مو معناها اقوى مني اني شوي ضخمة ف اگدر اسيطر عليهه.

حوراء: جايبتلي ماسحة تريدين تضربيني بيهه، اليوم اله ما اخلي عظم بيچ صاحي.
فقدت بقت ما تحرك لا إيد ولا رجل، واني بقيت اتذكر واصرخ وابچب واضرب بيهه بكل قوتي.

دخل عمي بيتهم بصف بيتنه يركض عليهه يريد يهدهه مني وما يگدر.
اخر شي دفرني برجله وگعت بصفهه ما بيه بعد اتحرك جسمي  احسه حيل بايد، نزلت دموعي چوت خدي.
اني الي چان محد يشوف دمعه مني صار ياهو اليجي يشوفهه بسبب الأذيه الي بيه دموعي تنزل بدون ما احس او ادري.