قعدت فايا باستغراب تفكر في اسد اللي طبعه اتغير مرة واحدة معاها و نامت مكانها
صحيت في اليوم التالي و غيرت هدومها و سرحت شعرها فشافت بقع دم صغيرة و خرجت من اوضتها و نادت على اسامة اللي طلعلها بسرعة
اسامة: في ايه يا فايا مالك
فايا: الجرح بينزل دم مش عارفة ليه
اسامة بص على الجرح و قالها: انتي سرحتي شعرك؟؟؟
فايا: ايوة
اسامة: انا قولتلك متسرحيهوش او سرحيه بالهداوة عشان جرحك لسه جديد
فايا: ماشي شكرا
اسامة: شكرا ايه ده انا دمي في عروقك دلوقتي
فايا: هو انت هتذلني بقطرة الدم اللي اخدتها منك
اسامة: قطرة يا مفترية ده انتي اخدتي لتر تقريبا ده انا لحد دلوقتي معوضتش الدم اللي اخدتيه و بحس بدوخة
فايا: ارتاح شوية و هردلك دمك يا اخويا ليحصلي حاجة من قرك ده
اسامة بضحكة: لا يا اختي خلي دمك عندك لا جنانك يتنقل ليا و انا مش ناقص
فايا: انت بتقصد ان انا مجنونة مش كده
اسامة: انا !!!!! امتى انا قولت كده
فايا: ايه الصوت ده طنط يسرى بتصرخ ليه
اسامة: مش عارف تعالي نشوف
نزلو تحت و كان اسد واقف و جامبه واحدة و يسرى في وشه و مصدمة اسامة راح لامه اما فايا فوقفت على السلم بتراقب اللي بيحصل
اسامة: في ايه يا ماما صوتك عالي ليه
يسرى: اسال اخوك
اسامة: في ايه يا اسد و دي ايه اللي رجعها
اسد: انا رجعت صافي لذمني
يسرى: انت اتجننت يا اسد رجعتها بعد كل اللي عملته فيك
اسد: انا مش عايز اي حد يتكلم معايا في الموضوع ده
صافي بدلع و برائة مصطنعة: في ايه يا طنط كده مش عايزاه يرجعني و انا اللي كنت فاكراك انك هتاخديني بالاحضان
يسرى بصتلها بقرف من فوق لتحت اما فايا فوقفت مصدومة من اللي سمعته و بتبص لاسد و اسد بيتهرب من نظاراتها صافي لاحظت ده و قالت
صافي: ايه يا فايا مش هتباركيلنا
فايا بصتلهم جامد و بدون اي مقدمات رقعت زغروتة سمعت بيها الشارع من اوله لاخره خلتهم كلهم مصدومين من ردت فعلها
فايا بابتسامة: الف الف الف الف مبروك اخس عليك يا اسد كنت قولتلي انك هتجيبها عندنا النهاردة كنت فرشنا الارض ورد
باسم بصدمة: هو انتي كنتي عارفة
فايا: طبعا يا عمي مش تبليغ الزوجة الاولى من الاعراف برضو بس كنا على اتفاق انه لما يجيب التانية تكون ورقة الطلاق في ايدي و لا ايه يا اسد
اسد: ايوة فعلا انا قولتلك كده
فايا: و ملتزمتش بالاتفاق ليه انا مخاصماك
سكت الكل لدقايق و هي كملت و قالت بحدة: هما ثلاث ايام بس تكون ورقتي عندي و الا المحكمة بينا يا اسد بيه و اياك اشوفك قدام باب اوضتي من غير الورقة
طلعت السلالم و وقفت و قالتله: ثلاث ايام بس خلي بالك
و دخلت اوضتها و الكل طلع وراها للاوضة
صافي: هي فعلا كانت عارفة مقولتليش يعني
اسد: ماجاتش مناسبة اقولك تعالي ندخل اوضتنا ده انتي حتى عروسة النهاردة
و طلعو على الاوضة اللي جنب اوضة فايا
يسرى: انتي ازاي عارفة و مقولتيش
فايا بدموع: انا مكنتش عارفة من صدمتي قولت كده
باسم: ازاي رجعها ده كان مش طايق يسمع اسمها
فايا: هو ممكن اعرف هي مين دي
اسامة: دي مراته الاولى
فايا: و انتو ازاي خبيتو عليا موضوع زي ده
يسرى: احنا افتكرنا ان اسد قالك
باسم طبط على فايا و قال: متزعليش يا حبيبتي احنا كلنا معاكي و مش هنسيبك
اسامة: هو انتي بجد هتطلقي
يسرى: فايا انتي مش هتعملي كده انا خلاص اعتبرتك بنتي
فايا نزلت راسها بدموع و سكتت
يسرى: مش معقول انك تسيبي اسد للحرباية اللي برا تاخده منك
فايا: تشبع بيه هما اصلا زبالة زي بعض
يسرى: انتي هتطلقي اه بس بعد ما تعملي معاهم الصح و لا ايه
فايا سكتت شوية و بعدين قالت: ده انا الايام اللي فاضلين لي هنا هدوقهم المرار و قولو فايا مقالتش
اسامة: هي دي فايا اللي اعرفها
يسرى: يالا قومي امسحي دموعك و خدي دش خفيف و اتشيكي على ما الخدم يحضرو الغدا
فايا بابتسامة خبث: ماشي
انس: ها قولي عملت ايه و لا قولي الاول انت سليم محصلكش حاجة مفيش كسر في الجمجمة و لا اعاقة
اسد: لا الحمد لله طلعت سليم
انس: طب حصل ايه
اسد حكاله على كل حاجة عملتها معاه فايا
انس: احب اقولك يا اخويا انك هتشوف ايام سودة على دماغك و دماغ اللي خلفوك
اسد: ما تحترم نفسك يا حيوان
انس: دي الحقيقة المرة ابقى اعمل حسابي على الغدا انا جاي اتفرج
اسد: حد قالك اني فاتح سينما هنا
انس: تصدق فكرة جامدة ده انت هتكسب من وراها الذهب
اسد: و حياة امك انت بتستعبط انا الغلطان اني مكلمك عشان تشوفلي حل مع فايا
انس: حل ايه ده انت لو جبت الخوارزمي مش هيحل مشكلتك مع نفسك بقى سلام
اسد: اااااه يا ندل
خرجت فايا من الحمام و هي بتدندن بكلمات اغنيتها المفضلة و كانت لافة على جسمها فوطة سمعت صوت دق على الباب
فايا: مييييين؟؟؟؟
روزا: ممكن ادخل
فايا: اتفضلي
روزا دخلت الاوضة و قفلت الباب وراها
فايا: و يا ترى يا ست روزا جاية تشمتي فيا و لا ايه
روزا: ابدا و الله انا جيت اعتذرلك على اللي اسد عمله
فايا: و تعتذري ليه انتي ملكيش ذنب
روزا: انا عارفة انك مش طايقاني و انا كمان المرة الاخيرة اتصرفت معاكي بطريقة مش كويسة فبعتذر
فايا: و انا كمان انا اسفة على ضربي ليكي الصراحة انتي كنتي ملزقة جدا و عمالة تبوسي و تحضني في اسد
روزا بابتسامة: هو حرام الوحدة تحضن اخوها
فايا: اختي ازاي انا اللي اعرفه ان اسد عنده اخ واحد بس
روزا: انا ابقى اخته في الرضاعة لما ماما و بابا ماتوا خدتني ماما يسرى و رضعتني مع اسد و لما اتخرجت من الكلية و اشتغلت خدت بيت لوحدي
فايا: ما كنتي تقولي كده من الاول
روزا: يا ستي اديكي عرفتي ها قوليلي كنتي بتعملي ايه
فايا: لسه خارجة من الحمام
روزا: طب يالا اجهزي بسرعة عشان الغدا قرب يجهز و عايزاكي تلبسي احلى حاجة عندك
فايا: ليه هو العيد
روزا: اعملي كده بس و هفهمك بعدين
خرجت روزا و فايا لبست سولوبيت و تحتها تيشرت ابيض باكمام مفتوحة و سرحت شعرها على خفيف و عملت روج هادي جدا و نزلت و لقت الكل قاعد على السفرة و كان اسد قاعد في مكانه و صافي قاعدة في المكان اللي كانت بتقعد عليه
يسرى: تعالي يا حبيبتي اقعدي جنبي انا و روزا
روزا بهمس: انا قولتلك تلبسي احلى حاجة عندك تروحي لبسي ده ليه طفلة
فايا بنفس الهمس: هو ده اللي عندي انا مش هغير مرتاحة كده
روزا: بعدين ابقى اوريكي
و قاطع همسهم صوت موبايل فايا اللي رن برفم ليان
فايا: عايزة من امي ايه
ليان: تصدقي اني بنت جزمة عشان اتصلت بيكي
فايا: كويس انك اتصلتي
ليان ليه حصل حاجة و انا مش موجودة
فايا: ده حصل حاجات
ليان: احكي احكي
فايا حكت لها كل حاجة من الافعى حتى جواز اسد تحت مسامع كل العيلة اللي سابو الاكل و ركزو في كلامهم لان موبايل فايا كان بيسمع
ليان: و ملطشتيش امه بالقلم ليه
يسرى: و انا مال اهلي
ليان: طنط يسرى حبيبتي واحشاني
يسرى: و انتي كمان انتو ناويين ترجعو امتى
ليان: كمان اسبوعين
يسرى: توصلو بالسلامة
ليان: بت يا فايا
فايا: نعمممم
ليان: ناوية تعملي معاه ايه
فايا و هي بتاكل: و لا حاجة هستنى الثلاث ايام دول لو مطلقنيش هجرجرو في المحاكم
ليان: في حد عايز يتكلم معاكي
فايا باستغراب: مين ده
.........: وحشتيني جدا يا فوفا
فايا بصدمة: عااادل
VOUS LISEZ
متاهة الحب في عالم الظلال
Misterio / Suspensoفي عالم مليء بالأسرار والخيانة، تتقاطع طرق ابطالنا. صلة غامضة تجمعهما، وماضٍ مظلم يهدد بالكشف. تتشابك الأحداث وتتعقد العلاقات، وسط أجواء من الشك والإثارة. ستكتشف في هذه الرواية الغامضة أن الأحداث ليست كما تبدو على السطح. ستنغمس في عالم المؤامرات وال...
