Unicode
ရှီရှန်းကမှောင်မည်းနေသော ကောင်းကင်ကြီးကို စိုက်ကြည့်ရင်း သက်ပြင်းချလိုက်မိသည်။ ပြတင်းပေါက်မှ ၀င်လာသော ခပ်ဖွဲဖွဲမိုးစက်တို့က သူမ၏ ဆံနွယ်များ၊ပါးပြင်နှင့် ပခုံးပေါ် ကျရောက်ကာ အေးမြမှုအရိပ်အမြွက်ကို ယူဆောင်လာခဲ့သည်။
"မိန်းကလေးကျွမ့် မင်း ကိုယ့်အကြောင်းစဉ်းစားနေတာလား"
ရှီရှန်း ၏ မျက်လုံးများ ဖျက်ခနဲပွင့်သွားကာ ပြတင်းပေါက်အပြင်ဘက်တွင် အဖြူရောင်ရုပ်ပုံသဏ္ဍာန်တစ်ခုကိုတွေ့လိုက်ရ၏။ သူမဘေးနားက ပန်းအိုးကို ကောက်ကိုင်လိုက်ပြီး ပုံရိပ်ဆီကို လှမ်းပစ်လိုက်သည်။
'နင့်အမေကြီးတော်! ညနက်သန်းခေါင်အဖြူရောင်ကြီးဝတ်ပြီးဘယ်ကနေ ထွက်လာတာလဲ ဘာလဲ? ငါ့ကိုသေအောင်ခြောက်ဖို့ကြံနေတာလား'
မင်ကျင့်က ပန်းအိုးကို ဖမ်းလိုက်သည်။
"မိန်းကလေးကျွမ့် ပန်းအိုးတွေက အချစ်သင်္ကေတတွေ မဟုတ်ဘူးလေ"
သူ၏နွေးထွေးသော ရယ်မောသံက မိုးသံခပ်ဖွဲဖွဲကြားမှ ကျယ်လောင်စွာ ပေါ်ထွက်လာ၏။
သူ့အမူအရာကို မမြင်ရသော်လည်း ရှီရှန်းအတွက် ဘယ်လောင်တောင် စိတ်ညစ်စရာကောင်းနေမလဲဆိုတာကို စိတ်ကူးကြည့်နိုင်ပေသည်။
"ဒီနေရာကို ဝိုင်းထားတဲ့ အစောင့်တွေရှိတယ် ငါအော်ပစ်လိုက်မှာနော်"
ရှီရှန်းသည် ပြတင်းပေါက်ဘောင်ကိုမှီ၍ အဖြူရောင်ပုံရိပ်ကို မည်းမှောင်နေသော မျက်၀န်းများဖြင့် စိုက်ကြည့်နေခဲ့သည်။
မင်ကျင့်သည် မိုးရေထဲမှ ထွက်လာပြီး ပြတင်းပေါက်ဆီသို့ ချဉ်းကပ်သွားသည်။ ထူးခြားချက်မှာ သူ့အဝတ်အစားများက ခြောက်သွေ့နေကြခြင်းပင်။
သူက ပန်းအိုးကို ပြတင်းပေါက်ဘေးတွင် ချထားလိုက်ပြီး ရှီရှန်းနှင့် မျက်လုံးချင်းဆုံလိုက်သည်။
အားနည်းနေသော ဖယောင်းတိုင်မီး၏ ရောင်ပြန်ဟပ်မှုက သူ့မျက်လုံးများတွင် တဖျပ်ဖျပ်ဖျပ်ခတ်နေသဖြင့် သူ့မျက်နှာကို ပို၍နွေးထွေးနူးညံ့စေသည်။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
