နွေဦးလေအေးနှင့်အတူ ညနေ နေဝင်ဆည်းဆာသည် ကျွန်မအဖို့အင်မတန်ပနံရသည်ဟုယူဆမိသည်။
လှပလွန်းလှသည့်နေဝင်ဆည်းဆာနှင့်အတူသင်္ကြန်၏အမှတ်အသားဖြစ်သည့်ပိတောက်ပန်းပွင့်တို့အားကျွန်မငေးကြည့်နေမိသည်။ နွေဦးလေအေးကလူကိုလွမ်းဆွတ်ဖွယ်ဖြစ်စေသတဲ့။ ထို့ကြောင့်ထင်သည် ကျွန်မအကြိုက်ဆုံး နေဝင်ဆည်းဆား၏အလှနှင့်နှိုင်းယှဉ်ထားသည့် ကျက်သရေရှိသောအမျိုးသမီးတဦးအား လွမ်းဆွတ်နေမိသည် ......နှစ်တွေကြာသွားသော်လည်းရင်ဘတ်ထဲ၌သိမ်းဆည်းထားသောလူတယောက်......
၂၀၁၉ခုနှစ် ဧပြီလ
"🎶ချိုပြုံးရွှင်သော နှမပျိုငယ်
တကိုယ်လုံးပင်ချော အလှပိုတယ်
မြို့မနဲ့ တမိတည်းဖွားလို့ ဆိုတော့မယ်ကွယ်🎶"
သင်္ကြန်သီချင်းသံများနဲ့ပြည့်နှက်နေသည့်နေရာတခု လာမည့်သင်္ကြန်ပွဲတော်အမှီမြို့နယ်မဏ္ဍပ်၌ကပြဖျော်ဖြေရမည့်ယိမ်းအဖွဲ့က အကတိုက်နေကြခြင်းဖြစ်သည်။
ထိုနေရာသို့ကျွန်မဦးတည်ကာ စက်ဘီးလေးနှင့်ထွက်လာခဲ့သည်။ ပူပြင်းလှသောနေပူရှိန်က ကျွန်မကိုချွေးပြိုက်ပြိုက်ကျစေသည်။ ကျွန်မ၏ပင်ပန်းနွမ်းနယ်မှုကိုပြေစေသည့် အေးမြချိုမြိန်လှသည့်အပြုံးပိုင်ရှင်တဦးအားလျှပ်တပျက်တွေ့လိုက်မိသည်။ခါးကျော်သောဆံပင်နက်ရှည်များနှင့်နည်းပြအကဆရာမနှင့်စကားပြောနေသောအမျိုးသမီးငယ်တစ်ဦး။ ကျွန်မတခါမှမမြင်ဖူးပေ။အဖွဲ့ဝင်သစ်ဖြစ်မည်ဟုတွေးနေခိုက်......
"ဟေ့....နှစ်ဦး ငါတို့နင့်ကိုစောင့်နေတာ"
"ဟဲ့...နှစ်ဦး ငါတို့ခေါ်နေတယ်လေ"
ကျွန်မသည်အေးမြချိုမြိန်သောအပြုံးပိုင်ရှင်၏အပြုံးအောက်တွင်ကျွန်မ၏စိတ်သည်ကားနစ်မြောနေမိသည်။မပြုံးပဲေနရင်ေင်ေတာင်ချိုနေသောမျက်နှာပိုင်ရှင်။
"အော်အေး ဆောရီး ငါအတွေးလွန်နေလို့"
"အေးပါ။နောက်ကျနေပါပီဆို ဒေါ်နှစ်ဦးမေတို့ကအတွေးလွန်နေသေးတယ်"ဟု ငုဝါကဘောက်ဆက်ဆက်ပြောလိုက်သည်။
"ကဲပါ အပြစ်တင်မနေနဲ့ သွားကြရအောင် တီချယ်ကမိတ်ဆက်ပေးစရာလူရှိတယ်လို့ပြောတယ်"ဟု ဧပရယ်ကပြောသည်။
ထို့ကြောင့်ကျွန်မတို့လည်း ခန်းမဆီသို့အမြန်သွားကြသည်။
YOU ARE READING
Once
Romanceနှစ်ဦးမေ-ဘဝမှာတစ်ခါတခေါက်သာချစ်ခွင့်ရပါလျှင် ထိုချစ်မိသောလူသားအားတခါတခေါက်မျှသာပိုင်ဆိုင်ချင်မိသည်။ နွေအတာ-မဖြစ်နိုင်တဲ့အရာတေကိုစိတ်ကူးယဉ်ပြီးမျှော်လင့်ခြင်းက နာကျင်မှုကိုဖြစ်စေတယ်ကွဲ့
