[ Unicode version ]
" ဒီနေ့လည်းနောက်ကျတာလား ကွမ်းကွမ်း "
တံခါးကိုဖွင့်ပြီးဝင်လာချင်းချင်း ဧည့်ခန်းမှာထိုင်နေတဲ့ကိုကို့ဆီကမေးခွန်းကြောင့် ကျစ်ကွမ်းက နှုတ်ခမ်းကိုအသာစေ့ပြီး ကိုင်ထားတဲ့အိတ်ကိုစားပွဲပေါ်ချကာ ကိုကို့ဘေးနားမှာသွားဝင်ထိုင်လိုက်ပြီး ကိုကို့လက်မောင်းတွေကိုဆွဲကာပင် သူ့ဘက်ကိုလှည့်လိုက်သည်။
" ဒီရက်ထဲ ပရောဂျက်ကအရေးကြီးနေလို့ပါ ကိုကိုရဲ့၊ ဒီတစ်ခေါက်ပရောဂျက်ပြီးသွားရင်တော့ အချိန်ပိုလည်းဆင်းစရာမလိုတော့ဘဲ နားရက်လည်းပိုရလာမှာပါ "
ဟုတ်တယ်။ ကျစ်ကွမ်းက ရှန့်ဟိုင်းကိုရောက်ကတည်းက ကိုကို့ ကိုအချိန်မပေးနိုင်တော့ဘူး။ နဂို ကိုကိုနဲ့အတူမနက်စာမစားပေးနိုင်တာကနေ အခုဆိုရင်အချိန်ပိုကြောင့် ညစာကိုပါ အတူမစားပေးနိုင်တော့ဘူး။ ကိုကိုက ကျစ်ကွမ်းကိုငြိုငြင်နေတာမျိုးမဟုတ်မှန်း ကျစ်ကွမ်းကသိတယ်။ ကျစ်ကွမ်းလည်း ကိုကို့ ကိုဒီထက်ပိုပြီးအချိန်ပေးချင်ပါတယ်။
ကိုကိုက ကျစ်ကွမ်းစကားကိုဘာမှမတုန့်ပြန်လာသည့်အခါ ကျစ်ကွမ်းက စကားလမ်းကြောင်းလွှဲဖို့ပြင်လိုက်တော့သည်။
" ဒါနဲ့ လုကောရဲ့ တူမလေးကိုစာသင်ပေးရတာဘယ်လိုလဲ အဆင်ပြေရဲ့လား "
ကျစ်ကွမ်းမေးခွန်းဆုံးသည့်အခါ ကိုကိုက တစ်ခဏလောက်ဆက်ငြိမ်သက်နေပြီးတော့မှ ခပ်တိုတိုပင်ပြန်ဖြေလာသည်။
" ပြေပါတယ် "
ကိုကို ကျစ်ကွမ်းကိုနည်းနည်းတော့ စိတ်ကောက်ချင်နေပြီဆိုတာ ကျစ်ကွမ်းကသိလိုက်ပြီ။
ကျစ်ကွမ်းက ကိုကို့ ကိုပွေ့ဖက်ကာပင် ကိုကို့ပုခုံးပေါ်မှာမေးထားလိုက်သည်။
" ကိုကို ကျွန်တော့်ကိုစိတ်ဆိုးနေတာလားဟင် "
ပုံမှန်ထက်ပိုပျော့ပြောင်းပြီး ငိုသံနဲ့ ပြောလိုက်တဲ့ ကျစ်ကွမ်းကြောင့် ကိုကို့ဆီကသက်ပြင်းချသံသဲ့သဲ့လေးကိုကြားလိုက်ရသည်။
" ကိုကိုမင်းကိုစိတ်ဆိုးတာမဟုတ်ပါဘူး ကျစ်ကွမ်းရဲ့ ဒါပေမယ့် ကိုကို ဘယ်လိုပြောရမလဲ ၊ ကိုကို .... "
YOU ARE READING
𝚄𝚗𝚌𝚘𝚗𝚍𝚒𝚝𝚒𝚘𝚗𝚊𝚕𝚕𝚢 | 𝚉𝚑𝚒𝙹𝚞𝚗
Fanfictionအချစ်ကဆူးညှောင့်ခလုတ်တွေကြားကနောက်ဆုံး ဆုလာဘ်လေးတစ်ခုဖြစ်တယ်။ 𝚇𝚒𝚊 𝚉𝚑𝚒𝙶𝚞𝚊𝚗𝚐 ღ 𝙷𝚞𝚊𝚗𝚐 𝙹𝚞𝚗𝙹𝚒𝚎 𝐒𝐭𝐚𝐫𝐭 - 𝐌𝐚𝐫𝐜𝐡 11 , 2024 𝐄𝐧𝐝 - 𝐌𝐚𝐲 13 , 2024
