Bawiha chuan a bike ah chuan awlsam zet hian min thut tir leh, ka melh rawm rawm ringawt tawh, nui suk suk hian alo lawn a, 'khawiah nge?' atih sup chuan, 'Isua pian naah' ka lo ti hmak, nui chhuak hawk hian 'dangdai thei siah' ti sup in min tlan chhuah pui nghal, tlan pan chuan kan hostel awmna lai vel ka hrilh pah zel a, sawi buai lo chuan a tlan ve zel mai bawk. Hostel kan thlen chuan engmah sawilo in ka lut nghal daih. Ka thiante bulah chuan thil thlen dan vel chu lungawilo zet hian ka sawi char char, Rini chuan 'a star chiang che' nui vur vur hian alo ti a, Sawmi chuan 'amah pawh hian astar alawm'alo ti awlsam em em leh nghal, chapal chuan ka tin nghal, 'vawm pop in duh loh chuan sawi tawh su, ka ngei teh ania' ka tih vak chuan an nuih aza zual amaw ni, nui vak vak in min la chhai chhunzawm tho. Kar khat lai aral leh tawh Bawiha kha ka hmu tawh ngailo a, ka zawng ru ve pah ziah tho, ngei viau mah ila hmuh ka chak tho, mahse ka thiante bulah chuan engmah ka sawi duh lo, min chhaih leh vak vak dawn tlat. Class banah chuan ka thiante'n 'assignment tihna tur puanthan lei ang u' an tih avangin bazarah kan kal kual chiam a, Rini chuan 'ka chau altra' ti pahin a thu hnawk a, Sawmi chuan 'ka chau satui leih' tih pahin Rini bulah zawi zetin a thu thla ve nghal. An bulah ngawi reng ka ding a, ka thaw chhuak leh halh halh zel. Rini chuan 'M-i, khi i duhpa' a tih chuan a hawina lam chu ka en vat, Bawiha leh Hmeichhe pakhat hi an lo ding a, min hmu lo anih hmel, 'kal ang u' tih pahin ka kal san nghal nal nal. Phun zui hlak hlak in ka hnungah an lo kal ve. Ka rilruah chuan tu nge a hmeichhia kha ni ang tih ringawt alo lang.'ding teh' tih pahin tu emawni hian min pawt her nawk, ka en chuan Bawiha kha alo ni, hmeichhia kha chu ka hmu tawh lo, ka thiante pahnih kha ka en a, kan piah daihah chuan an lo ding, nui vur vur hian min lo en, an hmel en sawn min chhaih chak zek zek tih ka hre thei, ka melh rum vak ringawt 'enge ka buai' ka tih hmak chuan 'khawi i phone' ti pahin ka kuta ka phone ken chu a la a, ahmet nghal nuah nuah, password ka dah lo ka in chhir ber tum ala ni ang, 'i zak em?ka phone anih kha, ringawt ache' ka ti vak chuan min lo en zawk, nui suk hian 'eng vangin, ka bialnu phone en chu apawi viau ami? I au ring thei sia' mit hmul ti sang zeuh hian ati ve leh zat, ka va han beng chak tak, 'i zaklo e, zahna an sem lai kha i dawng ve lo ami?' ka tih leh hmuk chuan 'chutiang an lo sem ani maw?' nuih zat hmel zet chuan ati veleh. Ka phone chu min pe in 'zanah ka lo bia ang che' ti hmakin ka chhan ve hma chuan a kal nghal daih.
Zanah chuan ka phone chu ka en leh thin, enge ka beisei pawh ka hrelo, a khat tawk chuan ka phone ka en leh thin a, Sawmi ning lutuk chuan 'i phone awrh law law rawh' alo ti hmuk, Rini pawh chuan 'uite ek ang hian awm suh' alo ti a, Sawmi nen chuan a thu sawi awmzia hrelo zet chuan kan en hâ, Sawmi chuan 'Uite ek chu enge awmzia' mak ti zet hian ati ve leh, Rini chuan 'aww,, kha enge, hetia hetia awm kha' tih pahin a in sawi vak, Sawmi chuan 'Uite ek an ti lo, Uite ek chhuak ang mai an tia lawm' tih pahin a nui leh vak vak. Rini lah chu a nuih za berah atang leh a, kan vai chuan kan nui leh vak vak. Ka mut dawnah chuan ka phone ka en zawk a, whatsapp ah no lawng atang hian 'muttui' tih hi ka dawng a, ka en vat a dp ka en chuan engmah hmanglo 'tu nge?' tiin ka reply vat, 'i bialpa' a lo tih chuan tu nge anih rindan ka nei nghal, mahse ka fiam ve chak tlat 'nang ang dp pawh nei ngamlo, dawihzep deuh bialpa ka neih ka hrelo?' tiin ka va reply leh, keimah chuan ka nui thâ mai, 'awle' tih zawnga rawn thawn reilo te ah dp a rawn nei a, a dp chu ka en vat, awii,,ka thlalak ala hmang zui, 'hmeli emaw hmela, tu nge i nih ka thlalak kha ti nge dp ah i hman ve ngawt?' emoji thinrim hmel zet tam tawk nen ka va thawn, a seen tawh lo.
Zingah chuan ka phone ka en vat, nizan ami khan 'morning' tih alo thawn a, a dp pawh a thlak tawh, a dp ka en chuan Bawiha kha alo ni, a hming ka en chuan Zoremtluanga alo in ti, a hmingpum ka hre ta e, ka khi sak, 'imm' tih zawngin ka reply, 'tawi ve' alo tih leh chuan 'nia' ka ti leh hmak,seen pawh a seen tawh lo. Class kal tur chuan kan in zui leh ah, mahse kawnga ka mi hmuhte vang chuan ka kal lai chu ka tawp chat, che lo chuan ka en reng ringawt, kan piah a dawr chhungah chuan Bawiha leh hmeichhe chapo deuh kha dawr chhungah chuan an lo in din chilh a, Bawiha chu min hnungchhawn zawing ading a a hmel a hmuh that thei vak loh, mahse a pian leh in chei dan atang chuan Bawiha a ni tih ka hre thei. A bula hmeichhia chuan min lo en zeuh, a nui sak a, Bawiha a chet sawn deuh rual chuan hmeichhia chuan a kawr awmah pawtin a kiss anih chu, ka mak ti lutuk chu ka ang phuau ringawt, ka awm chhung hi alo na zawk mai, ka thiante pawh chuan an hmu ve aniang 'ehe,,an va han zak lo em em' an ti niah niah, chutia kan en reng lai chuan Bawiha chu alo in her a, min hmu thut chu mak atih hmel lutuk, ' kal ang u' tih pahin ka thiante chu ka pawt nghal dawr dawr, 'Bawihi' ti ri ka hriat chuan ahma aia chakin ka kal, Sawmi chuan ka banah chelh in 'M-i ding teh, sawi fel hmasa ru' tiin min chelh ding tlat , chutih rual chuan Bawiha pawh chu kan bul alo thleng zawm nghal, ka thiante chuan in be ru tih pahin min la kalsan daih zui. Zui ve mai ka tum chuan 'in bia ang' tiin Bawiha chuan ka banah alo chelh tlat, 'nga ti maw?' ka lo tih chuan, 'in sawifiahna hun min pe rawh, i hmuh ang kha anilo' atih chuan 'ti nge chu chu i tih ang? Enga ti nge i in sawifiah ang, enge ka hmuh ang nilo chu, I bialnu ka nilo, i duh duh kiss thei buaina ka nei lo, i tan engmah ka nilo, ka tan pawh engmah i ni lo' ka tih chuan rilru nat hmel zet hian min en, a rilru na hmel chu thinrim hmelah lo in thlak in ' a tha e, ka tan engmah i ni lo, in sawifiahna chhan tur ka neilo' ti hmukin a kal sawn a, keimah zawk chu ka na in ka hria, a tan engmah ka nih loh thu a sawi khan min ti na, ni lo, a tan engmah ka nih loh thu sawi hmasa tu zawk ka ni. Rilru mumal lo zet chuan class ka kal a, ngaihdam dil ka duh a, mahse ka be hmasa ngam silo, 'nilo, ti nge ka dil ang, a bialnu pawh ka nilo' tiin ka in be leh mawlh mawlh thin.
Thla thum lai a liam leh tawh Bawiha nen kan in hmu ngai lo a, a thianpa Zuala nen erawh kan in hmu leh zeuh zel, Bawih chanchin hreh deuh a ka zawh khan 'Puipui nen an in zuiin ka hria' ati a, Puipui chu kha hmeichhe chapo zet kha ani. Kha thu ka hriat atang khan Bawiha hmuh chakna ka neih te kha a bo vek, Zuala nen kan in hmuh a a chanchin sawi atum pawn ka ngaithla duh lo thin, theihnghilh tumin ka bei a, mahse a harsa ve hret chu ani. A chanchin ka hriat danin an hausa a, amah khan an hotel a enkawl bawk. Apa bank manager ania, a nu pawh doctor ani thin a, mahse a bang tawh an tia, amah lahin mizorama hotel lian ber a enkawl bawk nen kan dinhmun en ringawt pawhin theih nghilh chu ka tan thil tha ber niin ka hria. Ka class ban chuan ka ni te tlawh lawk ka duh avangin ka thiante chu hostela let hmasa mai turin ka ti a, kei erawh ka ni te tlawh turin ka kal a, rei ve tawk tak ka len hnu chuan ka haw a, bazarah chuan ka kal kawi. 'M-i, M-i kha i ni tiraw?' lo ti tu lam chu ka hawi vat, Bawiha nu kha alo ni, nui sang hian min lo en a, nui var var hian ka lo en ve 'aw ni e, i dam maw?' tiin ka lo chhang ve vat, 'aw, dam e, nang zawk?' atih chuan ka dam that thuin ka lo chhang vat, 'i hman chuan i be lawk ila' nui sanga a tih leh chuan 'awle' ka lo ti ve mai, dawrah chuan kan in zui kut a.
Kan thut fel hnu chuan 'englo ania, zawh awm che ni em chu ka hrelo a' in thlahrun hmel zet hian ati a, 'enge ni, min zawt la' ka lo ti ve vat, 'ka fapa nen hian in inthen em ni?' a tih chuan mak ti zetin ka en, ka mak ti hmel chu a hrethiam ani ang, 'aa,,englo, ka zawh chhan che chu, tun hnaia a awmdan hi a amak lutuk, in in zui lai kha chuan nui hmel te hi apu ve reng zel a, tun hnai tak hi a a awmdan adang lutuk a' a tih leh chuan, 'aa,, englo ania, ka pi' in thlahrung deuh a ka tih chuan 'nu' min ti mai la, nui sang hian alo ti a, za lo deuh chuan ka nui ve ringawt. 'nu, englo ania, kan in ngaizawng lo a' ka tih chuan mak tih hmel zet hian min en, ka lo nui lui sang ringawt, 'enge awm zia, a wallpaperah pawh i thlalak a hmang a , a room bangah pawh i thlalak te atar sia' hrilh hai hmel zet hian ati leh, amah ai pawh chuan mak ka ti zawkin ka hria, ti nge ka thlalak chu a tar ang tih chu ka ngaihtuah nghal. Za lo zet a lo nui chung hian 'ka hriat sual ani maithei' tiin a nui lui a, 'in damlo lo awmpui kha enge an tak?' tiin zawhna dang min zawt leh ta daih, chutia eng eng emaw sawia kan in biak mawlh mawlh lai chuan 'nu' ti sup ri kan hria a , ka en vat Bawiha alo ding reng, Anu chuan 'Bawiha hei M-i nen kan lo in hmu a' nui sang hian ati a, Bawiha chuan alu abu nghut ringawt. 'nu driver in tah khian a nghak che a, lo haw hmasa mai rawh, kei chu bike ka keng' ati sup, anu chuan min be leh luamin a kal nghal a, kal ve mai ka tum lai chuan a thu sawi vang chuan ka ding leh amah chu ka en vat, 'i hlim em?' a tih leh chuan 'nga ti maw?' ka tih chuan min lo en hian 'i hlim em? Ka tello khan i hlim tak tak em, min hrilh rawh, i hlim chuan i tello a hlim ka lo tum ve tawh ang' atih chuan 'ka tello a hlim te chu zir i mamawh ami? I hlim sa a lawm' ngeiawm zet chuan ka lo ti ve leh, ka dar a dawm ve ve pahin a hmer salh a, ka mitah chiang zet a min melh in keiin ka lo melh let ve kalh, en chian chuan kan in hmuh hnuhnung ber ai khan a cher deuh a, a hmel pawh a pawr deuh in ka hria, nge ka ngaihbel zawk, 'Bawihi ka tello chuan i hlim em?' ati leh, 'ka hre lo' ka lo ti ringawt, ni e, ka hrelo, ka hrelo tak tak ani, a tello khan ka hlim em ka hrelo, kan in hmuh apiangin in hnial in in ti thinrim fo mah ila ka hmuh phak loh a a awm chiah khan kimlo tlata in hriatna ka nei anih kha, 'Bawihi i hlim lo ti raw?' zawi sep a atih leh chuan ka lu ka lo ringawt 'aw nge aih' atih leh chuan 'i va han ninawm reuh e, hmelchhe viau suh' ka lo ti hluk, a nui suk 'ka hmelchhe lo, hmeltha min tih em kha' alo ti ve zat. 'I chanchin ka hriat dan kha chuan mipa tawngtlem tak leh nui hmel pu khat tak ani an ti che a,mahse ka bulah hi chuan i tawngtam mah mah anih hi mawle' melh rawm rawm pah chuan ka lo ti , nui suk hian 'i bulah chiah ka danglam' a tih leh chuan awih lo lutuk hian ka lo melh, 'le Bawihi, min chhang rawh le' a tih leh chuan 'eng maw ka chhan dawn?' ka lo ti, 'ka tello kha in hlim em' a tih leh chuan 'hlim lutuk' ka lo ti hlak, a hmui ti sawi zeuh hian 'anih chuan ka kal dawn' tiin a in her vut, 'i bialnu Puipui bulah khan va kal rawh' ka lo tih ve leh hmak chuan a lo in her leh vut, chiang zeta min melh pah hian 'tu nge Puipui chu ka bialnu ani ti?' chang zet hian alo ti, nichin maia a ahmel hlim zet kha a bo leh vek tawh, 'keiman' ka lo ti hlak chuan a nui leh suk, thaw hak hian 'i thik ani maw?' nui vur vur hian alo ti leh 'thik mai mai lo' ka tih chuan 'a tha, ka bialnu nilo,hmeichhe dang thik tur an awm anih chuan ka nu a niang' nghet charh hian ati leh.
