'i bialnu pawh ka nilo' ka lo tih chuan 'keiman ka bialnu nghal hmiah che' alo ti leh, chhan vak ngaihna pawh ka hre tawh lo. Ka kutah kaiin a bike dahna lam min pan pui a, rin aiin alo tlai tawh. Kan hostel thleng min thlah a, bike atanga ka chhuk chuan 'ka lawm altra pro max' ti sup a luh mai ka tum chu ka bana lo vuan pah hian 'Bawihi,theihnghilh i nei' alo ti sup,'enge?' tih paha ka hawi let chuan min pawt hnai thut in ka hmuihah chuan alo kiss, ka meng zau kawk in ka hria, in la hrang pah chuan 'i mawl ami? Khaw lai anih hi' ti pahin min hmu tu an awm leh awm loh en in ka hawi kual nghal, an awm loh anih hmel ka thaw nghal hawk, ka melh rum leh hrep, alo nui suk duh lek leh nghal, 'i first kiss ka ru' a tih leh sup chuan meng leh kawk in rum zet hian ka melh leh thinrim zet chuan 'min pe kir rawh' ka ti leh ringawt, ka thusawi ka hriat chian chuan ka en leh vat, a hmui chu kawk zeuh in 'lo la let la' ati leh sup a nuih azat hmel em em leh nghal, 'hmela ' ti vakin ka tlan lut nghal daih.
Thil thlen dan ka thiante ka hrilh chuan an nuih aza hlawm lutuk, fiamthu nan min hmang a, min chhaih char char. Mut dawn thleng pawh chuan Bawiha message ka hmu miah lo. Zingah pawh chuan beisei nei zetin ka phone ka en leh thin a message reng reng a awmlo, a mood pawh fuh thei lo, classah pawh chuan ka thu tum bur ringawt, ka thiante lah chuan 'a fiam che nih kha' tiin min lo sawi thaih ve chhen bawk nen ka awm anuam lo lutuk. Class banah chuan Zuala nen kan in hmu nui sang hian 'kan va in hmu khat ve a' alo ti a, 'i in duh em alawm' ka lo ti ve vat, 'ka in duh loh teh, duhtu pawh ka neih loh hi, ka duh ve ber lahin ka thianpa i lo nih pui daih sia' fiamthu zet hian alo ti ve leh, ka thiate bulah chuan 'in thiannu hi ka lo hawh lawk ang aw, in phal em?' a ti leh nghal zat, 'ti nge ?' ka lo ti hâ mai, Rini chuan 'Kan pe nghal ache' alo ti hmak, rum zet chuan ka melh, alo la hrelo der zui, Sawmi pawh chuan 'nei rawh, i duh loh hunah i paih leh mai dawn nia, kha tiang tê si, thinchhe si, feet 5 boruak hip pha ve tawk tawk kha enga tan mah kan ti lo ' alo ti ve leh zuah zuah, Zuala chuan ' i thiante chuan an va hlut lo che ve' nui vur vur hian alo ti. Ka thiante rum zeta melh pah chuan 'hmeltha leh sang tha deuh hi in ang hi ka tia, eng in ni bik lo tih te hi in hre ru' ka ti ve hmak, 'nang aiin ka tha' an lo la ti hram, ka hnial peih tawh lo e a.
Zuala chuan dawr pakhatah hian min luh pui a, achhung chu nuam reuh tak ani, a changkang viau bawk. Thawmhnaw chi hrang hrang atam a, puanthan nalh zet zet hmuh tur a awm teuh bawk.'Mizoramah hetiang hi alo awm ani maw' ka tih chuan nui chung hian 'i hawi nasa lutuk, i ring i herh ang' alo ti 'ka herh let leh mai ang' ka lo ti awlsam leh then, anuih a zat hmel lutuk. Hneichhe pakhat thau ve lam pang hi kan bulah chuan a kal a 'ehe,, hei tu nge lo kal hi,hmeichhia te alo hruai ve leh nghal a' nui sang hian alo ti, a hmel en chuan tawng duh deuh anih hmel, mahse a pawi sawi chuan a nasa viau ang tih tur ang chi hmel apu. Zuala chuan 'hei fashion designer lar la ni mai tur ka lo hruai, chuan' min lo melh zeuh pah hian 'Zo-a bialnu' nui sak hian ati leh, Ka lo melh hrawk, chu nu chuan 'ehe, Zoremtluanga chuan bialnu te alo nei ve tawh ani maw? A gay a maw tih laiin' nui vak vak hian alo ti, Zuala bawk chuan 'Umanun kan nula hian kawr kha ha chhin se ka duh a' thu deuh zawk a atih chuan Umanuni a tih chuan min lo en pah hian 'monu hual chu aw,,' nui hak hak hian ati leh, an thusawi awmzia hre lo zet hian 'eng kawr nge?' tih pahin ka melh tawn chhen, Zuala chuan 'va kal la i hre mai ang' tih pahin ka hnungah alo nam det, Umanuni pawh chuan 'lo kal rawh' tih pahin step ah chuan min pawt chho nghal dawr dawr.
Darthlalang lian zet hmaah chuan ka ding a, ka mokawr hak chu in hmeh in ti zet hian ka in thlek kual vel, chutia mawi in ti zet a ka in en lai chuan Zuala chuan 'hei mopa pawh lo thleng' atih chuan an lam ka hawi vat, Bawiha chuan min lo en reng. Zuala chuan 'awii,,a changtupa chuh a mit atla tep' tih pahin a nui vur vur, Umanuni pawh chuan 'ti khan in nei nghal law law ru, Zo-a tah sawn i kawr tur a awm va ha ve rawh' atih pawh chuan Bawiha chuan che miah lo hian min la en char char, Umanuni leh Zuala chu eng eng emaw ni sawi hian inhnuai lamah chuan an in zui thla nghal daih. Bawiha chu ka lam pan hian alo phei a, ka hma a adin chuan chiang zet hian min en 'i mawi lutuk' ati sup chuan ka lai lutuk. Hre chhuak thut in 'ti nge min lo biak loh?' ka ti nghal zat, 'min lo ngai ani maw? Nimin ka haw lam kha ka phone ka thlauh a,a chhia a, vawinah a thar ka lei chiah, min lo ngai viau ami ?' atih leh chuan Zahzelah 'ti nge Zo-a an tih che a?' ka ti ta ringawt, ka hriat chak deuh pawh ani, 'Bawiha tih hi chuan ka tana mi pawimawh tak takte chiahin min ko se ka duh' a tih chuan ka en chho hâ 'anih chuan kei,,' ka tih leh chuan 'aw, Bawihi ka tan i pawimawh'alo ti ve sup. Bawiha pawh chuan kawr chu aha a, thla te kan lak chiam hnuah dawr atang chuan kan in zui chhuak, Zuala chuan ' ka third wheel peihlo, ti khan va in thlah haw ru, changtunu ka va rim a nge' tih paha kal mai atum chuan 'chhunah hian maw?' mak ti zet hian ka lo ti, Bawiha chuan 'khatiang changtunu a sawilo' nui suk suk pah hian alo ti, hrilhhai zet chuan ka en tawn chhen, Zuala chuan a mit siai zeuh hian 'bro thuruk kan thuruk aw, mother-i hrilh chi miah loh' tiin Bawiha darah chuan a veng thak a, a kal nghal nal nal. 'kal ila' Bawiha'n alo tih chuan 'enge awmzia?' Zuala kalna lam en pah chuan ka ti leh 'hriat vek tum lo la, i hahdam ani mai' ka dara kuah pah hian ati ve mai, keipawh chuan zawt buai tawh lo in ka zui ve mai, zawh vak khan awmzia awm dawn chuanglo, he mipa luhlul lutuk hian a sawi dawn chuanglo.
Hostel kan thlen chuan luh mai ka tum a 'Bawihi naktukah ka nu in kan in a leng tur in a duh che' alo tih chuan ka en vat 'ka duh teuh lo over altra den ' ka tih vak chuan nui hawk in 'teh chiam a che, kan seh lo ang, ilo kal ringawt dawn alawm' atih leh pawh chuan 'naa,, mi duh lo chung chung an hruai ngailo, mak viau suh' ka la ti hram, 'i tawngkan te lah hi amak mai sia' nui suk suk hian ati leh, 'ka lo hruai tho ang che' ti sup in a tlan chhuak nghal daih.
