မည်သည့်ပန်းနှင့်တူပါသနည်း...
LGBT များအတွက်ကြိုးစားပမ်းစားလုပ်အားပေးနေပါသော ဆရာဝန်မလေးငြိမ်းသူ။ ငြိမ်းသူဟာသဘာဝနှင့်ဆန့်ကျင်နေသောလူငယ်များအတွက်အလွန်အားထားရသောဆရာဝန်မလေးဖြစ်ပါသည်။ အပြုံးချိုချို သဘောလဲအလွန်ကောင်းသည်မို့ဆရာဝန်မလေးငြိမ်းသူကိုမသိသူမရှိကြပေ။
ငြိမ်းသူသည် LGBT လေးများကိုကူညီပြီးတိုင်း တောရဘုန်းကြီးကျောင်းလေးတစ်ကျောင်းသို့သွားဖြစ်သည်။ ဘုန်းကြီးကျောင်းလေးသည်တောတောင်အရိပ်အမြုံခြုံကာအေးချမ်းလှသည်။ တရားမှတ်သည့်ကိုယ်တော်များအတွက်နေပျော်ထိုင်ပျော်ရှိလှသောအရပ်ဒေသလေးဖြစ်သည်။ ငြိမ်းသူဆရာတော်ဘုရားကြီးကိုကန်တော့ပြီး သွားဖြစ်သည်က ဦးဇင်းတစ်ပါးသီတင်းသုံးလျက်ရှိသောနေရာလေးပင်ဖြစ်သည်။
ငြိမ်းသူ ထိုအရပ်ဒေသကိုရောက်တော့ဦးဇင်းလေးသီတင်းသုံးနေသည့်ကျောင်းပေါ်တွင်လှူဖွယ်ဝတ္ထုအစုစုတင်ထားလိုက်သည်။ ဦးဇင်းလေးကတော့တောင်ကျချောင်းနံဘေးရှိရေတံခွန်လေးတွင်ဖြစ်လိမ့်မည်။ အတွေးထက်အလုပ်လျှင်မြန်စွာထိုနေရာသို့ဦးတည်သွားမိသည်။ တကယ်လဲရှိနေပါသည်။ စိမ်းလဲ့နေသည့်ရေကန်ကြည်ထဲ ငုံ့ကြည့်လျက်ပင်တစ်ခုခုကိုတွေးတောနေဟန်။ ငြိမ်းသူ ဦးဇင်းလေးအနီးသို့သွားလိုက်တော့သည်။
"ဦးဇင်းလေးဘုရား"
"ဒကာမလေး ဘယ်လိုများရောက်လာမိတုန်း"
"တင်ပါ့ဘုရား တပည့်တော်ဒီနေ့ပျော်စရာကိစ္စလေး လာတင်ပြတာပါဘုရား"
"ဒီနေ့လဲအောင်မြင်မှုတစ်ခုရခဲ့ပြီထင်ပါရဲ့"
"မှန်ပါ့ဘုရား မှန်ပါ့"
"ကဲကဲ ကျောင်းပေါ်တက်ရအောင်၊ ဒီနားကခနနေရင်ငှက်ကလေးတွေအစာလာရှာတော့မှာ"
"တင်ပါ့ဘုရား"
ငြိမ်းသူ ဦးဇင်းလေးသီတင်းသုံးနေသည့် ကျောင်းသင်္ခမ်းပေါ်သို့တက်ကာ ဦးဇင်းလေးနေရာယူထိုင်ပြီးသည်နှင့် ငြိမ်းသူလဲထိုင်ကာရှိခိုးကန်တော့ရသည်။ ဦးဇင်းလေးကတော့ပြုံးကြည်လျက်သာကြည့်နေသည်။
YOU ARE READING
မည်သည့်ပန်းနှင့်တူပါသနည်း
Short Storyဟောဒီ ဘဒ္ဒကမ္ဘာမှာကျင်လည်ကြသူတိုင်း အချစ်မေတ္တာတွေနဲ့လှပစွာရှင်သန်နိုင်ကြပါစေ...။ cover crd pinterest.. ေဟာဒီ ဘဒၵကမၻာမွာက်င္လည္ၾကသူတိုင္း အခ်စ္ေမတၱာေတြနဲ႕လွပစြာရွင္သန္နိုင္ၾကပါေစ...။ cover crd pinterest..
