Magical Love || MinSung FF One Shot

Magical Love

မနက်စာဝယ်ရန် အပြင်ထွက်သွားပြီး အိမ်ပြန်လာချိန် အိမ်တံခါး​ပေါက်ဝတွင် နံရံကိုမှီကာ ကျွန်​တော့်ကို ​ပေ​စောင်း​စောင်းကြည့်​နေ​သော လူအား တွေ့လိုက်ရသည်။

ဘာ​တွေမ​ကျေနပ်သလဲမသိ။ ကျွန်​​တော့်ကိုကြည့်​နေပုံက စားမတတ်ဝါးမတတ် ​တွေ့ကရာနဲ့​ကောက်​ပေါက်​တော့မတတ်။

Changbin Hyung နှင့် Chan Hyung တို့မှာလိုက်​သော ကြက်ရင်ပုံသားနှင့် အ​အေးဘူးတို့ကိုပါ သယ်လာရသဖြင့် မနိုင်မနင်းဖြစ်​နေ​သော လက်ထဲမှ အထုတ်အပိုးများကို ​​တွေ့ပုံရသည်။ သို့​သော် ကူသယ်​ပေးရန်ချဥ်းကပ်မလာဘဲ လက်ပိုက်လျက်သာ နံရံကိုဆက်မှီ​နေပြီး ကျွန်​​တော့်မျက်နှာကို ​ပေါက်ထွက်မတတ် စိုက်ကြည့်​နေစမြဲ။

"​ရောက်​နေရင်လည်း အထဲမဝင်ဘဲ ဘာရပ်လုပ်​နေတာလဲ။ တံခါး password ​မေ့သွားလို့လား။ Chan Hyung တို့က တံခါးလာမဖွင့်​ပေးဘူးလား"

လက်နှစ်ဖက်လုံးနှင့်သယ်ထားရ​သော စားစရာအထုတ်များ၏လက်ကိုင်ကို လက်​ကောက်ဝတ်​ပေါ်ပင့်တင်လိုက်ပြီး အိမ်တံခါး၏လျှို့ဝှက်နံပါတ်ကို ရိုက်ထည့်ရင်း ​ပြော​တော့လည်း ထိုလူမှာ မတုန့်ပြန်။ မျက်ခုံးများတွန့်ချိုးကာ စိုက်ကြည့်​နေဆဲ။

"ဘာဖြစ်​နေတာလဲ။ အိမ်ထဲမဝင်ဘူးလား"

သူ၏မျက်နှာကို ​ပေ​စောင်း​စောင်းပြန်ကြည့်​ပေးလိုက်ကာ ထပ်​ပြော​တော့ ကျွန်​တော့်ကိုစိုက်ကြည့်​နေ​သော သူ့အကြည့်မှာ မ​ကျေနပ်​သောအကြည့်မှ မယုံကြည်နိုင်​သော အကြည့်သို့​ ရုတ်ချည်းပြောင်းသွားသည်။

"မင်း.. မင်းငါ့ကို​ပြော​နေတာလား"

ကျွန်​တော် သက်ပြင်းချမိသည်။ ဤလူ၏ထူးဆန်းပုံမှာ တစ်​နေ့ထက်တစ်​နေ့မရိုးအီရ။ တစ်​နေ့တစ်မျိုးရူးတတ်သည်မှာ သူ၏​နေ့စဥ်တာဝန်ပင်ဖြစ်​နေ​ချေပြီ။

"ဒီ​နေရာမှာ ကျွန်​တော်နဲ့ Hyung အပြင် ဘယ်သရဲရှိ​နေတာ​တွေ့လို့လဲ။ Hyung ကိုမ​ပြောရင် ကျွန်​တော်က ဘယ်သူ့ကို​ပြောရမှာလဲ"

ထိုသို့​ပြောလိုက်လျှင် အီမျိုးနွယ်လူထူးဆန်းမှာ နံရံကိုမှီ​နေရာမှ ဆတ်ခနဲမတ်မတ်ရပ်လိုက်ကာ ကျွန်​တော့်ပါးနှစ်ဖက်ကို အသည်းအသန်ဆွဲညှစ်ပစ်ရင်း ကျွန်​တော့်မျက်လုံးများထဲစိုက်ကြည့်လာသည်။