حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 36 -

واصل لهالبارت حط نجمة ومتابعة يا قلبي ✨
قراءة ممتعة ..

عايض /

بس انصدمت لما شفته وقف سيارته عند بيت مساعد !

هذا وش ناوي عليه ؟ .. جنني وطلع لي قرون في راسي من وراه .. ما كأنه الكبير فينا والعاقل .. وش اللي خلاه يفكر يخطب من عند مساعد ؟ .. هجمت عليه أحاول أتدارك الموضوع وأخليه يعيي يتزوج أخت مساعد أو غيرها .. وبعدين حميد وش دراه بخوات مساعد وأهله ؟! .. استغرب حميد مني ومن تصرفي .. غير ان والله العظيم اني ماني مستعد الحين مساعد يكب عفش اللي خبيته شهور ولا كان ودي ينفضح لأهلي .. وش بيقول في الجلسة اليوم ؟!! بيقول عايض لعب على بنتنا وزوجناه وفضحنا وراعي سوالف هياته وعياره وتبون مره ثانية تاخذون بنت من عندنا !؟ .. ماني بقادر أستوعب اللي بيصير بعدين وخايف أطيح من عيونهم وأنا من الأساس ما سويت شيء !! .. ماني بمستعد أشوف وجه عمي حسين أول ما يسمع هالكلام من مساعد عني .. وأنا كاذبٍ عليهم انه زواج عجله وغيره .. وأكيد عمي بيصدق كلام مساعد لو تكلم لأن موضوع زواجي من الأساس مو مترقع وللحين زوجتي محد شافها غيري وخالتي ساره وبنتها ولا غيرهم لا ..

استسلمت لواقعي وسميت بسم الله ودخلت للمجلس معاهم .. حميد غرييب وضعه أحسه مستانس بزياده واللي يشوفه يقول انه يوم زواجه مو خطبه وبس .. هذي أول مره أدخل فيها لداخل بيت مساعد من بعد الزواج .. اختفى شوي عننا ورجع ومعه القهوة والتمر .. تقهوينا وعمي مدري وين حاله عباله اللي بيننا عسل وسمن والحقيقة سم ونيران .. الأجواء متكهربة بيني وبين مساعد ونظراته اللي ما سلمت منها طول القعده .. وأعوذ بالله من هالدقيقة اللي قال فيها حميد انه جاي يتقدم لأخته على ما أعتقد اسمها لمياء .. تغير لون مساعد ١٨٠ درجة وانعقد لسانه لدقايق .. طالع فيني وبلعت العافية واستأذن مننا وقام .. اختفى وبعدها رجع .. أنا داري ان هالزواجه ما منها نصيب ولا بين حميد والبنت حياه لكن احيانًا تصير ..

........................

مساعد قبل مده /

كنت جالس بالصالة ألف مسبحتي يمين يسار وأدورها في اصبعي ولاني داري وين الله حاطني .. دق علي رقم وأصر علي غير ان والله مالي خلقه إلَّا اني رديت ولا شفت المتصل حتى ..

مساعد: ألوو

حميد : ( تنحنح ثم قال ) هلا والله أخوي مساعد كيفك وش أخبارك طمنا عنك عساك طيب ؟!

مساعد: ( وخر جواله عن اذنه وشاف المتصل ثم رجع يسمع وقال من غير نفس ) طيب طيب انت كيفك وكيف أخونا عايض ؟

حميد : كلنا أطياب طاب حالك .. بغيتك في سالفة أخوف مساعد عندك وقت الليلة ؟! موجود في البيت ؟