وتضيقُ دُنيانا فنحسَبُ أنَّنا
سنَموتُ يأساً أو نَموت نَحيبا
الكاتبه :نيلان
~~~~~~~~~~~~~~~~~~~~~~~~~~~~~~~~~~~~
سلسبيل:ابــوي من كال هيج مااعرف لـــيش بــس احس قلبي انقبض رغم بعده ماكال شي ضلينا كلنا نسمع له استرسل بالكلام وكال
الاب : مااحس نفسي راح اعيش كثير ممكن اتعالج والحمد الله على كل حال والاعمار بيد الله بــس هذا احساسي انتن بناتي وكلجن كبار
مُلار :قاطعت ابــوي واني قلبي مقبوض من كلامه ورديت عليه وكلت : بابا هذا مادام الاعمار بيد الله لا تفكر بهذا الشي وان شاء الله عمرك طويل وانت خيمتنا ومن دونك نحن ضعاف لا تفكر بهذا التفكير نحن نكسب قوتنا منك من دونك نحن ولا شي
رفيف: ضليت اسمع ابــوي وخواتي والكل تركت نفسي والحرب الداخليه الي اواجهه وكعدت اعتني بابوي وادقق بوضعه ثواني من تكلــم وقال ممكن مااعيش كثير هنا احس خلاص انفجرت ولاول مره اطلع كل الي بداخلي وكلت
علموووود منووو تعوفنا ؟؟ آي حياه تحجي عنها بعد موتك لاسامح الله ؟ انت تعرف روحي داتحترق بكل يوم عليك انت تعرف العالم هذا شكد متوحش علمود منو تعوف اربع بنات وبرقبه منووو واني واني من ضمن الاربعه ويـــن اروح ؟؟ بابا انت اكــثر شخص يعرف حياتنا شلون عايشينها وتعرف كلش زين انا من شــنو عانيت ولحد لان صامده غصب بابا انا دااحارب العالم كله علمودك وعلمود خواتي واحارب الصراعات الداخليه وانت هيج تقول
قربت يمه مسكت ايده وانا دمرعي استرسلن على خدي وقلت بابا مالنا غيرك لا تعوفنا ضل ساكت شويه وقال
لاب: اذا صار لي شي روحو لعمكم ابو جاسم
رفيف: هنا الكل ضل صافن محد يعرف شنو يقول وانا احس قلبي وقف يريدنا نروح لاكثر انسان اذانا يريدنا نروح للي دمر حياتنا يريدنا نروح للي خلانا حتى بالكوابيس نشوفه
مُلار: استغربت منو عمنا ابو جاسم الكل تجمد بمكانه بــس الي عرفته هذا الشخص دمار لنا وقفت ليار بأستعجار وبفزع وقالت ماراح يصير شي خلاص سكرو الموضوع
سليل: عطوني مجال احجي ترا انا ميته من الجوع اريد ثريد وهذا ابو جسومي شدخلنا بي عود اذا كلش كلش اتزوج غني واشيلكم واحطكم يمي
سلسبيل: علمود تخليجن تدمنها وتصير مثل خوات سندرلا
رفيف: متنا من الضحك على سليل وسلسبيل وكلعاده يبدن بالعركه ومايسكتن الا بابا يعيط بيهن عاط بيهن وسكتن شويه والكل قام يسوي شغله ضلينا بين الشغل وبابا لثاني يوم الصبح مجهزين اغراضنا وكل شي
اديب :طلعت من بيــت ابو لياري وانا تارك قلبي ببيتهم مااعرف شــنو الي خلاني احبها بــس كان اجمل حب بحياتي اول مره يدك قلبي لبنت اول مره بنت تسلب مني راحتي وتفكيري وقلبي بــس تعبي بالتفكير فيها كان اجمل راحه تمر علي كنت اضوج وانقهر على اصدقائي وشلون مدمرين بــسبب الحب بــس هسه فهمت لـــيش يكولون اجمل دمار دمار الحب طلع الحب شي يخبل شعور ماينوصف تمنيت ننجمع انا وهي تركت التفكير ورجعت للبيت
من وصلت جمعت مل اخواني وكعدت اشرح لهم عن ابو ليار
أنت تقرأ
هدران 588
Randomكيف أصف ما بداخلي أن عَجِزت جميع حروفي عن البوح بما اشعر ،أتتني رغبه البكاء. لم أعد أستطيع التحمل ، تأتيني أفكاراً سوداوية جعلت من تحت عيناي حدائقً سوداء ، حزنً لا يفارقني ، اكتئاب دائم ، خيبات لا مفر منها ، حياه قاسية و الأقسى منها إنك تريد أحداً...
