عيونً عشتها شعر وشعور..

التاسع والخمسون

(بسم الله الرحمن الرحيم)
"الـــــبـــــارت التاسع والخمسون"✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
لمى:لنا ساعه نسكتك يكفي دموع خليك
قويه هو بخير وان شاء الله يصحى من
الغيبوبه اللي هو فيها ولا تطول
وعد:اهمشي يكون بخير ذا الشيء يكفيني
"بعد مرور ايام"
بعد الحادثه عاد الوضع تدريجياً لطبيعته
في الجامعه
كانو متجمعين حول بعض
سيف: اليوم بيبدا موعد الزياره لمشاري
تركي:اي ولازم كلنا لنروح له
حنين:فيه وقت محدد ولا
سيف:مدري لكن اكيد فتره معقوله
اماني:متى بتروحون له متى
سيف:بعد الجامعه انا بروح واعلمكم بكل شيء
فما يحتاج تجون بهالوقت
تركي:يلا انا استأذن ويطالع في لمى
بروح للمكتبه
زياد:ترى الموضوع بسيط لا تصعبه
لمى تعالي نروح للمكتبه
سيف يضحك:ياخوي مكشوفين ومنتهيه اموركم
تركي:ممكن لمى تجين
لمى بهدوء قامت وراحت معه
سيف يطالع بزياد:صرف عمرك وياشر
على اماني وخذها معك
حنين تعانده وتضم اماني:من قال بتروح عني
اماني بعدت عنها:خليك مع زوجك يلا زياد
سيف فطس ضحك:ووواااقق مردك لي
حنين:انا اوريها بعدين
سيف قام من مكانه وجاء جلس
بالكرسي اللي بجنب حنين
حنين:ياربي ما احب كذا
سيف يضحك:ليه
حنين:استحي خلك قدامي افضل
سيف قرب لين تلامست اجسادهم ببعضها
ويشدها له بيده ويضمها بخفيف
حنين ماعادت تتحمل:سيف خلاص
سيف بعد عنها:فكيت سراحك هالمره
حنين:اي خلك بعيد حبك يزيد وش زينك كذا
سيف: كل ما طال البعد بصير افكر بغيرك وقتها
حنين خافت:ياويلك تفكر بغيري
سيف: ماسويت شيء انا هاذي سواياك
تتحملينها انتي تهمليني فطبيعي بيجي غيرك يهتم
حنين قربت منه:خلاص ضمني
سيف يضحك ويضمها:يازينك ياحنين
وبقلبه متى تنتهي هالمسرحية
وحنين بقلبها ماتوقعت تكن له مشاعر بيوم
"عند تركي ولمى"
يوم اجلسو مقابلين بعض
لمى: لا عاد تسوي كذا ما احب ارسل واتس واجيك
تركي:عادي شفيك مكبرتها
لمى:بس ما ارتاح
تركي:لمى انا احبك
لمى نزلت نظرها تحت وسكتت
تركي:انتي تحبيني صح ولا
لمى:مدري
تركي:كيف ماتدرين انا بديت احب الجلسه
معك وافقدك اذا جاء يوم ما شفتك فيه
لمى:ما اقدر اقولك الان
تركي:براحتك متى ما تاكدتي من مشاعرك
اتمنى تقولينها لي وباسرع وقت
لمى ابتسمت له
تركي:يلا نغير الموضوع ونسوالف طبيعي
لمى:اي افضل
وكملو سوالفهم المعتاده
"عند زياد واماني"
كان الصمت سيد الموقف
دق جوال زياد وكانت المتصله ريما
رد زياد:هلا والله
ريما:اخبارك وش مسوي
زياد:الحمدالله وانا مشغول الان اكلمك بعدين
ريما:دقيقه بسالك قبل تروح
زياد:هلا اي
ريما:اسم جامعتك ابي اعرفها ناسيتها
زياد قالها لها وقفل بسرعه عنها
اماني:من اللي يكلمك
زياد:واحد
اماني:غريبه يبي اسم الجامعه
زياد: لاتهتمي بسالك
أماني:اي اسال
زياد:ليه طالعه اليوم المفروض جالسه ولا طلعتي
اماني:تستهبل واترك الجامعه يعني
زياد:مستغرب المفروض ماتكوني فيه اساسً
اماني:زياد بتتكلم ولا كيف اخلص
زياد يبتسم:لانه مو طبيعي وياشر بيده
فوق الشمس وياشر بيده لي اماني والقمر
ما يجتمعون حدَث كوني غريب صح
اماني:يعني انا قمر
زياد يضحك:واحلى من القمر
اماني:يووه زياد وش هالغزل صدمتني
(ذيب يعرف يصرفها بكم كلمه)
عند ختمة وعبدالعزيز***^^^
#انتهى