" ثـار بلا دم "

البارت الثاني

『بسم آللهہ‌‏ آلرحمـآن آلرحيم』

كأن فم الحياة يقول.....

لايليق بوجهك الجميل إلى الفرح..

ليصرخ الحزن قائلا

اتركوها انها لي وحدي

للكاتبه: سمو آل قحطاني
.
.
.
.
.
جبت قوري الجاي على الهيتر كل شوي اصب واشرب طبت

امي: تره خلصتي الشكر اذا شفتج بعد شاربه جاي اسود

عيشتج بلون الجاي كومي ودي القوري يلا بسرعه

تأفأفت ووديت القوري سمعتني

امي:راح اعوج حلج هذا الخايس

اثير (بصوت ناصي ) : تره حلكي يشبه حلكج ورثته منج

امي : شكلتي ؟؟؟

اثير : كلتلج تمونين يلغاليه

امي: ام حلك الفاهي هم صايره ترد

كعدت ادرس وادري الى ان احس نفسي سيطرت على المواد

ارتاحيت شوي طبعا نسيت اعرفكم على اخواني الصغار همه

توم بلال وطلال همه ملح البيت كلش مونسينه بكد ما احبهم

احس اني امهم اعمارهم 7 سنوات بوستهم

اثير: شكاعدين يسوون حبيبيني

طلال: احل رياضيات 5+5=11 صح؟؟؟

اثير : عفيه بالشاطر احسبهن بيدك

طلال: .1.2.3.4.5.7.8.9.10.11 صح؟؟؟

اثير: ارجع احسبهن بيد بلبل( بلال)

بلال : هاك احسب

طلال :1.2.3.4.5.7.8.9.10.11 شوفي صح

اثير : بلبل احسبهن انت

بلال :1.2.3.5.6.7.8.9.10.11 صحصح نفس ما حسب

طوطي

اثير: طلال عندك مشكله وي 6 وانت عندك مشكله وي 4

طلال : كله من المعلمه مالتنه

اثير : شبيهة

طلال: حلوه اضل صافن عليها وانسه الدروس

اثير : يعني تريد وحده مو حلوه ؟؟؟؟!

طلال لا ايع اريد ست هيفاء الصاكه