قدر مراهقة 2

الجزء 20

قدر_مراهقة2
#ميرال_مجد
#بقلم_فريال
الجزء 20
بقيت نطلع ونهبط مخي تحرق مابردش قلبي حتى فركت الشومبرة كامل مالقيت حتى اثر تاع مرا هنا من غير قشي انا الي مش فاهمة وش جابو هنا مستفو وحتى تصديرتي وجابها الحمار هذا ماخلاش حاجة كلش كلش جابو والي لفت نظري زوج خيوط الي كنت شاريتهم في جهاز ومخبيتهم في فاليزة لقيتهم ذوك محطوطين في جيهة من لخزانة ماحشم ماقال عيب حوس وجابهم وفوقها حاطتهم هنا وانا مش موجودة والله مانفوتهالو وش يضمنلي بلي ماجاب حتى مرا هنا وملبسلهاش قشي باش منشكش فيه. بقيت على اعصابي نغلي هبطت لتحت وقعدت نستنى فيه باش غير يدخل نهجم عليه الكلب الخاين كان يبعثلي لجين تقعد عندي نهار كامل وهو يبقى مع الهججل يدور ويشبع منهم. مع سمعت صوت طوموبيل دخلها للڨاراج تحزمتلو حطيت يدي على جنبي ووقفت في نص الكولواغ وننسف زي ثور تاع صح قلقت وبزاف تاني اي وحدة كانت في بلاصتي راح تتقلق ونقلب دنيا كلش كلش والخيانة نقتل على جالها عادي. مع دخل وشافني متخزمتلو فهم بلي كاينة حاجة قبل ماننطق قالي فوتي نتعشاو اسع من بعد نتعاركو علبالي ذوك تبداي متسكتيش لهذا خلينا نعمرو كروشنا باش تبقالنا طاقة للعراك، فات للكوزينة وانا تبعتو عندو الحق اهم شي نعمر كرشي باش نكسب شوي طاقة يمكن نقرر نقتلو ولازم ندفنو في الجاردا وهو زي الثور مانجي نكركرو نموت خلي ناكل مليح باش نقضي عليه وليد الكلب(حاشا شيخي ناس ملاح ربي يحفظو بصح نحب نسب ونقولو هكا ومنقصدش شيخي كلام خارج من فمي بدون معنى). كليت حتى شبعت ماخليت والو جاب هو جاج وفريت وروز وكبدة مشرملة وكوكا، انا ناكل ونتخنزر هو مداهاش فيا كلا خلص قالي راني طالع نشوف لجين وبعدها نهبط ونتفاهمو على لخريج هذا والهملة تاعك بلا ماتشاوري ولا تخبرينا_شوفها واهبك نتفاهمو على فعايلك ياسي مجد _خير يالالة وش درت _ درت بزاف حوايح خلي نكمل ماكلة ونتحاسب معاك ليلة تسلك كلش وتكذب عليا راس يطير _ خفتك راني نرجف _ صامط رهج متضحكش _ انا صامط وانت مقودة في عوض ماتخافي مزالك تشركي فمك لوكان نقتلك هنا واحد مايجيب خبرك _ ضربة وحدة بالمقلة ونخليك تسمع ثلاث اسئلة _ انا مانخدم لا بالمقلة لا والو كف واحد يدوخك وتبالي مكيش حابة تجربي لكفوف تاعي كولي وبلعي. هو طلع وانا بقيت ناكل ونخمم كيفاه نقتلو اذا ظهرو شكوكي صح حتى ومنقدرش نقتلو نخليلو كاش اعاقة والله ماتفوت على خير ليلة راح تكون اطول ليلة في حياتو ليلة الحساب.
#فريال