هو شاب قدر له أن يحمل عار أبيه على عاتقيه وهو يردد من يعيش في خوف وظلم لن يكون حراً أبداً هل يخضع أيوب لقدره أم له رأي آخر
( أحداث قصة حقيقية 100٪ لكن لا تخلو من خيال الكاتب وتستحق دعمكم )
( لا أحلل بنشر الرواية بأي برنامج كاملة )
اتمنالكم قرآءة ممتعة + لا تنسون التصويت والتعليق بين الفقرات حبايبي ❣️
والمتابعة الحساب ☺️🌼
بقلم غزل حسين 🖋️📖
بناتي حبيباتي الغاليات حابة أخذ رأيكم بشغلة اكو بنات يجن علية يكولون لهجة القصة مو حلوة واكو يكولون ما نفهمها شتكولون أغير اللهجة لو اتركها ترى للعلم هي لهجة جنوبية بحت سماوة ديوانية وناصرية وعمارة وبصرة واكو بيها من كلمات من أرياف الموصل لان أني من الموصل وشكراً 😘❣️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ياسر : منور بيكم يمة سمعت صوت وراي انداريت شفتها وفتحت عيوني أعلى وسعهن
ملاذ : بدموع لهنا وكافي أنه بعد ما أتحمل شلون أنه وياه نعيش بدار
ساهرة : مشيت الها حطيت وجها بين أيدية يمة بنيتي هدي روحج والله تعبت عليش ما تحسين بية سنين وأنه حال الضيم حالي هو بعيد وانتِ يا أمي حالتج ما تسر لا صاحب ولا عدو لشوكت أضل أعاني بينگم هساع لون اخوج راح ترتاحين احجي يمة احجي حبيبتي عليش البجي ولج مو الفراك ما ينحمل وهد حيلي يا يمة وأنه تعبت والله تعبت
ياسر : خلص يمة أنه أروح لساع جاي احجي سمعت صوتها
ملاذ : بدموع عليش ما بعدته عني عليش تركته ياذني لون أنت منعته وحميتني منه جان موش هاي حالتي الحز أنه أخاف من كلشي أخاف أمشي بالشارع وحيدي أخاف إذا واحد عايني بنظرة طول الوكت خايفة من الحوالية ومالي ثقة بأحد ياسر أنه جاي اتعالج والدكتورة يأست مني لكت أنه ما يأست دوم اردد أنه قوية وداخلي مهشم ياخوي
ياسر : ذبحتني بجلماتها وخصوصاً من كالت ياخوي من يوم الحادث وأنه انطرها تعاتبني واليوم دموعها كسرتني عاينتها وحجيت وأنه ملاذ بعدني واكف هناك بنفس المجان ما تحركت لليوم وخيالج يطاردني خيتي سامحيني مشيت الها ترددت احضنها لكن قويت روحي وحضنتها حيل ضميتها بضلوعي واحسها ترجف سامحيني ملاذ انكسر ظهري خيتي من حمل ذنبج كلش ثكيل والله سنين وأنه شايلة لا ليلي ليل ولا نهاري نهار تعبت ولج حتى عيوني جافاها النوم من كثر الكوابيس
ملاذ : بدموع كوة طلعت الجلمة مني وأنه منو يشيل وجع روحي وأنه بعد تعبت
أيوب : أنه اشيله بنيتي حضنتهم اثنينهم أنه اشيله جعل وجعگم بگليبي جعلني تعبت بدالگم اااااخ ملاذي تدرين انه من سميتج ملاذ جان قصدي أنتي بر الأمان لأخوتج ملاذنا كلنا انتِ أتمنى الگه دربْ يودي ل كلبج واغسل همومج بنيتي
