بيبدأ مسلسلنا مع البطل « جين إي سو » الابن الاصغر لمجموعه هانسو .
و معروف بـ أنه الابن الطائش في العيله و الا دايمًا باباه بيقوله أنه يفضل هادي و ميعملش مشاكل عشان باباه أتقدم لأنتخابات انه يبقي رئيس مدينه « سيؤل » و لكن ابننا شقي حبتين .
بتبدأ الحلقه الاولي انه بيعمل محاكاه كأنه ظابط شرطه و فيه ضحيه مخطوبه في مركز تجاري كبير فـ يروح بالفعل و بينقذ الضحيه و فريق الشرطي الا معاه بيفوز .
خلص المحاكاه و راح النادي مع صاحبه
« كيم يونغ هوان » .
زهق من النادي و مكنش لاقي صاحبه فـ طلع بره النادي و لقاه قاعد في العربيه بيتعاطى مخدرات و الدنيا كانت بتشتي في الوقت ده فـ خد جين اي سو منه كيس المخدرات و رماه في المياه بتاعت المطر .
بعد كده جات له مكالمه من اخوه الكبير فـ نزل من العربيه عشان يرد عليه و اخوه قاله انت فين مجيتش ليه المؤتمر الصحفي بتاع بابانا الا كان من شويه فـ رد عليه جين اي سو و قاله ان هو كده كده بالنسبه لباباهم شخص بيعمل مشاكل و خلاص و ان وجوده مش مهم ده غير انه كان لسه مخلص محاكاه .
فـ رد عليه اخوه و قاله خلاص في مؤتمر تاني بعد تسع ساعات و انت لازم تحضره فـ رد عليه انه هيحاول .
خلص المكالمه مع اخوه و رجع تاني للعربيه و لكنه ملقاش صاحبه فيها فـ قعد يبص حواليه لحد ما لقى صاحبه بيجري بعيد عن العربيه .
فـ راح وراه لقاه بيطلب حد من حد ماشي في الشارع ولاعه و طبعًا جين اي سو كان لسه لابس لبس الشرطي بتاع المحاكاه فلما الراجل الغريب ده شافه قام مطلع سكينه و معور صاحب جين اي سو في ايده و طلع يجري فـ جين اي سو طلع يجري وراه .
و في الوقت نفسه كان في قضيه في مركز الشرطه مش عارفين يقبضوا على القاتل بتاعها بقالهم شهرين و لكنهم لقوا شريك ليه في الجريمه و قالوله اتصل بـ شريكك ده وقوله انكوا تتقابلوا فـ عمل ده فعلًا ولكن شريكه مجاش و المطعم اللي كانوا هيتقابلوا فيه قفل وطبعًا ده كله كان تحت مراقبه الشرطه و انهم كانوا محاصرين المكان بس و هما متخفيين .
فـ بعد ما المكان قفل عرفت الشرطه انه خلاص شريكه مش هيجي فقرروا ان هم هيرجعوا تاني مركز الشرطه و لكن و هما راجعين قائده فريق العنف رقم واحد لقت ان فيه اتنين بيجروا ورا بعض في الشارع فـ راحت تشوف فيه ايه .
نرجع تاني لـ اي سو و الراجل .
فضل الراجل يحاول يهرب من جين اي سو و لكنه فشل فـ قعدوا يضربوا في بعض و حاول الراجل دا انه يطعن جين اي سو و لكن جين اي سو كان متعلم الفنون القتاليه المختلطه و كان شاطر فيها فـ قدر ان هو يدافع عن نفسه بسهوله .
