بسم الله
مـقتطف 1
ـــــــــــــــــ
سمعت الخـبر صاعقه بالنسبه الي
دخت رجفت ايدي عيـوني غوشت
لا ستوعبت ولا ناويه استوعب عقلي وگـف
صرت ما اسمع شي صوت وشوشه بأذني
عيـوني تشخصت على فاتـن
اريدها تنطق وتگول لا چذب ماكو هيج شي
بس للأسف صاحت بصوت عالي
فاتـن:- مااااات
مـسره:- مااات؟
فاتـن:- اييي اييي ماااتت وعااافنااا فـ فاتن
مات؟
ليـش يموت؟ هـوَ مو گـال ما اعوفكم!
هـوَ مو سَندنه؟ ليـش عافنه هسه
رفَعت عيوني عـليهم اختي فاتـن تبجي
وتصرخ
وامي ماتقـل عنـها وحالهـا اسوء
ڪعدت بالگاع عقلـي مُشوش
شويَ شوي بدأ يستحلني ضَـلام غمضت
عَيوني
فصلت من واقعي ومستسلمه للنوم
.
.
.
.
اسمَع اصوات بس ما اميز منو الي ديحجي
بس كلمه فاتـن وهيَ ترن بأذني "مـات"
فتحت عَيـوني
ابـاوع على ايدي الي بيها كانيولا
وجهاز الاوكسجين على وجهي عيوني
يادوب مفتحات شويه
حولت نضري ادور احد لمَحت مرت عمي
تبجي وعمـي واگف بصف راسي لابس اسود
يباوعـلي وعيـونه مدمعه
وخرت الاوكسجين من وجهي وصرخت
بعلو صوتـي رغم متشحرج ومابيه حيل
بس الم گلبي طاغي
مـسره:- ارييدهههه يربييي هـوَ گااال
مااعووفج
ليـش عاافنيي هااا لييش هـوَ مو يگول
اني الصغيره المدلله مالته ليشش هيجح سوهه
احچي بحرگه محد يحس بيها بس اني
واصرخ ودموعـي غرگت وجهي
وعمي يباوعـلي ويبجي مابيده شي يسوي .
مقتطف 2
ــــــــــــــــ
اجيت للدوام وجهي شاحب
وضعي مو طبيعي بسبب الي صار
ماگدرت اتخطى ولا راح اتخطى
طبيت لدائره العمل
اول يوم الي ما اعرف احد بيهم الناس كلها
غريبه عليه واني طبعـي انطوائيه كلش
الي يحجي وياي على گد السؤال
اجاوب وخلص
سألت على مَكتب المدير
دلوني عليه
طرقت الباب اجاني صوت
:- تفضل
أنت تقرأ
زهـره التوَليــب
General Fiction(عـراقية) هذه أنـا فتاة تـهـوا العَـيش وسط من تُحـب، حُـرة، بسيـطه، كـانت بنفـسها مكتفيـه، وكـانت لِـنفسها كل شيء يعجز وصفـي عن كونـها فتاة جَـميله من جميع النَـواحـي..
