~သံယောဇဉ် ~
အပိုင်း(၂၆)
"ဓာတ်ပုံထဲမှာ ကျွန်တော်တွေ့ကတည်းက မငုဝါနွယ်ကို စိတ်ဝင်စားနေခဲ့တာပါ....ကျွန်တော့်ကို အတည်တကျမတွဲချင်ဘူးဆိုရင်တောင် ခဏလောက်လေးတွဲကြည့်မယ်ဆိုလည်း အဆင်ပြေပါတယ်..... "
သူ့စကားပြောပုံတွေ....နေပုံထိုင်ပုံတွေနှင့်
အသံနေအသံထားစသည့်
တချိူ့သောအရာတွေက ကိုကိုနှင့်တူပေမယ့်
ငုဝါသဘောကျသည့် ကိုကို့အပြုံးတွေနှင့်တော့ မတူပါ...
ရုပ်ရည်ကလည်း တစ်ချက်တစ်ချက်ဆို ကိုကိုနဲ့ဆင်တူသည်။
သူကလည်း သူ့ပုံစံနှင့်သူ တစ်မျိုးချော်ပေမယ့်
ကိုကို့မျက်နှာအတိုင်းတော့ မဟုတ်ပါ....
ငုဝါနွယ်ရယ်.. ကိုကိုနဲ့တစ်ထေရာတည်းတူရအောင် သူက
ကိုကို့အမွှာမှမဟုတ်တာ..ဘယ်လိုလုပ်တူနိုင်မှာလည်း....
ငုဝါ ကိုယ့်စိတ်ကိုသိ၍ ပြန်ထိန်းလိုက်သည်။ ကိုကိုနဲ့အနည်းငယ်တူပေမယ့် အများစုကမတူတော့ အဆင်မပြေဘူးဆိုသည့်စိတ်ကဝင်လာတာကြောင့် ကိုယ့်ကိုကိုယ် ပြန်ပြီး စိတ်ဖြေလိုက်သည်။
"တို့က လူတစ်ယောက်ကို မမေ့နိုင်ဘူးဆိုတာကို မင်းသိထားတယ်လို့ပြောတယ်...."
"သိပါတယ်.... အရင်ကချစ်ခဲ့ဖူးတဲ့သူရှိတယ်ဆိုတာကို...
ဒါပေမယ့် မပူပါနဲ့ မမ ကျွန်တော်နဲ့တွဲရင် သူ့ကို မေ့နိုင်မှာပါ"
"အဲ့လောက်မလွယ်ဘူးထင်တယ်.......သူ့ကို
၈နှစ်လောက်ကြာတာတောင်မမေ့နိုင်တာ..မင်းနဲ့တွဲပြီး ခဏလေးနဲ့မေ့နိုင်မယ်ဆိုတာကြီးက မဖြစ်နိုင်တာဘဲ..."
"ကျွန်တော့်ကို ငြင်းနေတာလား.."
ဒီလို တစ်လုံးချင်းပြောသည့် လေယူလေသံတွေက
ကိုကိုနှင့်ဆင်လေသည်။
"အဲ့လိုလည်းမဟုတ်ပါဘူး....တို့ပြောတာက မေ့နိုင်ဖို့
အဲ့ဒီလောက်မလွယ်ဘူး ဆိုတာကိုပါ...."
"ဒါဆို ကျွန်တော်နဲတွဲကြည့်ပါလား...ကျွန်တော့်ဘက်ကတော့
မမကိုမြင်မြင်ချင်းချစ်မိလို့ မမအနားမှာ နေချင်မိတယ်..
ကျွန်တော့်ကို စိတ်မပါလို့ အပျော်တွဲလည်း အဆင်ပြေပါတယ် "
YOU ARE READING
~သံယောဇဉ်~
Romance. ကိုကို.......ငုငယ်ကို မချစ်ဘူး..... ကိုကိုချစ်တာ ရနံ့မွှေးတဲ့ပန်းတစ်ပွင့်ကိုဘဲ..... ငုဝါလို့ ပန်သူမဲ့တဲ့ပန်းကို ကိုကိုချစ်ဖို့ ကြိုးစားမလာဘူး.... သံယောဇဉ်ဆိုတာ မထားသင့်တဲ့အရာတစ်ခုဘဲ.....သံယောဇဉ်တွယ်မိသွားရင် အရာရာဟာ အရှုံးပေးဖို့ဖြစ်တည်လာတာ...
