خالي كال هذا البيت بيتج وعيشي هنا !
عشت عنده اول يوم زينين وياي ورا مرور شهر.
مرته التعامل ماله مو حلو وياي كلش هيه نفسيته فكر كلش وحده ما شايفه
فا يوم من الايام كالت اريد اروح الاختي خالي كال امشي ويانه رحت وياهم
هيه عدهه ابن اخت عمره 19 شايفني وسائل عليه
بنت خالي الصغيره تكلي ابن خالتي سئلني عليج ويريد حسابج لو رقمج. انه ما ناقصه مشاكل وعيب من خالي ومن مرته. كتله شهل كلام هذا انتي بعدج صغيره شنو هيج تجين وتكليلي.
المهم سديت الموضوع من يمي
جان بليل يراسلني رقم. كلت منو كالت انه بتول. هيه اتصير اخته اخت الولد كتله هلا بيج المهم سلمت عليه.
جان دخلت ع التلكرام اشوف هذا الرقم شفت صور الولد رجعت البتول كتله منين جبتي رقمي كالت من مرت خالج. اخذته.
سكتت انه جان ورا سبوع اجت خالتي كالت اريد اكلج شي كتله كولي كالت زينب بنت خالج تكول انتي تراسلين ابن خالته كتله شكو سالمين هذا جهازي هاج شوفي هاي تريد تورطني لو اسويلي مشكله كالت خالتي دربالج منهه
انه رحت كلت آلامها كتله بنتج شنو تطعن بشرفي وتحجي عليه عيب هذا الكلام. يعني هيه هاي زينب عمرها 11 بس مصيبه سوده. تهجم بيوت
المهم امها حاسبته كالت عيب هذا الكلام ما يصير.
ورا شهر جان تجي مرت خالي تكلي عيب عليج وتلعبين من وراي كتله شصاير كالت انتي تراسلين ابن اختي كتله عندج دليل تكلي انتي ناطيه الزينب اليوزر مال انستا مالج كتله شوفيني اليوزر كالت بس اسمج بنين علي كتله الف حساب اسمه بنين علي. شنو حسابي موثق حته يعرفه ابن اختج.
كتله انه لو اريد انطي حسابي اكتبه بورقه ونطي شهل كلام كالت انتي جذابه كتله رحم الله والديج انه نقهرت جبت القران كتله شوفي هذا كلام الله وانه ما مجبورة احلف بكلام الله ع مودج لو ع مود بنتج. خليت ايدي ع القران كتله وحق هذا كلام الله لا دزه يوزر بيد بنتج ولا اريد احجي ويا ولا اي شي
هيه سكتت صاحت بنته تكول اي هيه نطتني تنكر كمت اصيح انه كتله خلي يجي خالي وانه اعرف شنو احجي مرت خالي خافت ع بنته كالت حته ابوها يكتله بسببج وبعد ما يخليني اوصل الاهلي ونتي راح تخلينه نتعارك كتله شوفي انه ما اخرب بيتج ولا ثوبي هذا بس بنتج جاي تخرب سمعتي كدام العالم ما يصير هيج. مثل ما انتي تخافين ع اهلج انه هم عندي ام وعندي خوال كالت. سدي الموضوع.
سدينه الموضوع
جان ثاني يوم انه صايمه لان شهر رمضان جان كعدت اصلي صلاة المغرب جان همه خلو فطور كالو تعالي اكلي يعني بشر جاي يصلي شلون ياكل. جان تدخل عليه تكلي اي اي صلي صلي ادري بيج ما تردين تاكلين انه نقهرت كمت ابجي يعني ليش هيج هيه وياي اشمر عليه بلكلام
ما اكلت انه رجعت نمت سحور ما سحرت بس اشرب مي
ثاني يوم هم نايمه كعدت دايخه صداع صليت وكملت ودزيت ابن خالي الصغير يجيبلي من المطعم اكل
وهيه رافعه خشمه عليه اتصلت ع خالي الثاني كتله اريد أشوف امي مشتاقه الهه لان كلش نفسيتي صفر واحس نفسي محد وياي ما احس بوجود انسان بحياتي
رحت الامي الساعه ب11 بليل وصلت لكيت امي نايمه. انه مقهوره ما حبيت ابين. الامي كتله يمه انه جوعانه. كالت هسه اصبلج اكل فرحت من اجيت. وأكامت تبوس بيه
اكلت جان خالي كال يلا امشي نروح انه امنيتي ابقى يم امي اعيش ويا امي حالي حال البنات بس ما عشت لا شعور الاب ولا الام ولا الاخ ولا الاخت الله كريم
طلعت وكمت ابجي لان امي كلش حنينه عليه ورا مرور كم يو صار العيد انه ما شتريت ملابس ولا اي شي عايدت امي بجهاز وخالاتي بس
3 ايام العيد انه خلصته نوم ما شفت احد آخر يوم العيد مرت خالي طلعو كالت طلعين ويانه كتله لا ما اريد مسويه اكل هيه كومي اخذي الاكل وياج وما خلولي اكل. انه كلت الله لا يعوزني الهم. كمت طلبت من المطعم
شكد شفت حقراء بحياتي بس نفسه ما شفت اصلي وصوم اكول هاي شنو من بشر شلون هيج هيه ما عندج ضمير تكولين شتاكل يعني هوا اكل نمونه.
جان اتصلت ع خالتي جايه خطار عد خوالي كتله خالي طلبت اكل خلي ابنج يجيبه لان خوالي ما عدهم بنيه تطلع وطب جان كالت انه مو هنا رحت لبيتي كالت طلعي انتي استلمي. جان طلعت لكيت طفل كتله جيب الاكل من الرجال جاب الاكل لان مالي خلك المشاكل
جان خالتي كالت ليش طلبين شنو ما عدهم اكل كتله هيج وهيج السالفه نقهرت عليه كالت راح اجي عليج بدلي اخذج وياي انه مخنوكه قصه بداخلي
كتله تمام اجت خالتي أخذتني واخذت المفتاح مال بيتهم خلته يم بيبتي. من طلعت شفت خالي الطردني وعيد عيب كلمن يتعامل بأصله سلمت عليه وع بيبتي. ورحت ويا خالتي
بقيت يم خالتي 3 ايام. أتونس يمهه عدهه صالون هيه وبنات وسوالف وضحك
جان اتمرض اسممت رحت لطبيب جان تخليلي كانونه غلط وخلت ايدي تنزف دم وانه منا لا اكل ولا شي دخت وطحت. جانت خالتي نورهان وياي نورهان روحي من دنيا هيه واكفه يمي وانه اصيح يا علي وابجي لان حيل تعبت من هاي الحياة اريد ارتاح ماكو كلش تعبت
رجعت البيت جدي وياهم لكيت جدو سلمت عليه جان كلي شبيج تبجين سولفتله كال بويه صدك جذب منج انتي اكبر من هذا الشي جدو كلش احبه انه
نقهر عليه كتله جدو مليت من الدنيا كال شسوين ما تكليلي هيه هاي حياتج تفرج ان شاءالله. أخذتني بيبتي للمستشفى خلولي مغذي نوب رجعت للبيت
جان تكلي مرت خالي ليش ما اجيتي شنو احنه ما نعجبج بعد كتله لا مو هيج بس مريضه انه ونعم منج وما قصرتي. بس انه تعبانه كالت تمام
تريدني اروح حته اخدمها ودرس جهاله 💔
