EPISODE - 4
တစ်ဖက်ခြံက ကောင်လေးကို အပြတ်ပြောလိုက်ပြီးတဲ့နောက်ပိုင်း သူနဲ့ကျွန်တော့်ကြား ပတ်သက်မှုက ဒီလောက်ပဲလို့ထင်ခဲ့မိတယ်။ ကျွန်တော့်လို ဆွံ့အနားမကြားတစ်ယောက်ကို သူလက်လျှော့သွားလောက်ပြီလို့ပေါ့။
" သား ယောန်ဂျွန်း အောက်ထပ်ကို ခဏလေးဆင်းခဲ့ပါလား။ အမေတို့ ပြောစရာလေးရှိလို့ "
ဖုန်းမျက်နှာပြင်ပေါ်က အမေပို့လိုက်တဲ့ စာတိုလေးကိုကြည့်ပြီး ကျွန်တော့်စိတ်ထဲ ထွေထွေထူးထူးတော့ မတွေးမိခဲ့ဘူး။ ကျွန်တော့်အခန်းထိ လာမပြောချင်လို့ အောက်ထပ်ကို ဆင်းခဲ့ခိုင်းတယ်ထင်မိတာ။
ကျွန်တော့်ဘဝထဲရောက်လာမယ့် ငရှုပ်တစ်ကောင်ကို ခေါ်လာခဲ့မယ်လို့တော့ မထင်ခဲ့မိတာ အမှန်ပါ။ ဒါပေမယ့် အောက်ထပ်ရောက်ခါနီးမှာပဲ လှေကားပေါ်ကနေ သူ့ကို လှမ်းမြင်လိုက်ရပြီး ဆက်ဆင်းရမယ့်ခြေလှမ်းတွေပါ တုန့်ဆိုင်းသွားခဲ့တယ်။
" ဒီလောက် အပြတ်ပြောလိုက်တာတောင် သူက အိမ်အထိလိုက်လာရဲသေးတယ်။ မင်းမှာ ဘာအကြံအစည်တွေများ ရှိနေတာလဲ "
ဒီအတွေးနဲ့အတူ ကျွန်တော့်ခြေလှမ်းတွေက ခဏတာရပ်တန့်သွားခဲ့ပြီး ဧည့်ခန်းက ကျွန်တော့်ဂုဏ်ပြုမှတ်တမ်းတွေ၊ ဆုတံဆိပ်တွေနဲ့ အမှတ်တရဓာတ်ပုံတွေကို ရှိသမျှသွားအကုန်ဖြီးပြီး အပြုံးသားလိုက်ကြည့်နေတဲ့ ဘေးအိမ်ကကောင်လေးဆီ အကြည့်ရောက်သွားမိတယ်။
ရဲတင်းလိုက်ပုံက အဖေတို့ အမေတို့ရှိရက်နဲ့တောင် ကျွန်တော့်အိမ်ဧည့်ခန်းထဲ ပတ်သွားပြီး ကျွန်တော့်အကြောင်းတွေ စပ်စုနေတာများ သူ့အိမ်သူ့ရာအတိုင်း။
အဖေတို့ အမေတို့ကလည်း သူနဲ့မှ ဘာဆေးတွေမိထားသလဲမသိ သူပြောသမျှကို ပြုံးပြုံးကြီးပြန်ဖြေနေတော့တာ။
သူတို့ ဘာတွေပြောနေလဲ ကျွန်တော်မကြားနိုင်ပေမယ့် အတင့်ရဲလွန်းတဲ့ ဒီကောင်လေး ကျွန်တော့်မိဘတွေနဲ့ အပေးအယူတည့်ပြီး အဆင်ပြေနေပုံပါပဲ။ ကျွန်တော့်လို အရာရာကန့်လန့်တိုက်တတ်တဲ့ သားမျိုးထက် ဒီလို အတင့်ရဲတဲ့ မျောက်လောင်းလိုသားမျိုးကို သူတို့ ပိုသဘောကျနေတာထင်ပါရဲ့။
YOU ARE READING
Can You Translate My Heart
RandomMoonlight Chicken Seriesထဲက Second Coupleဖြစ်တဲ့ Limingနဲ့ Heart ဇာတ်ကောင်တွေရဲ့ ကာရိုက်တာကိူ Inspireယူပြီး ဒီဇာတ်လမ်းကို ဖန်တီးထားပါတယ်။ Soojun Vibe ရအောင် Plotကို ဆန်းသစ်ထားပြီး အပိုင်းနည်းနည်းပဲရှိပါမယ်
