بستان الضلمات

البارت 18

#بستان الضلمات للكاتبه زهراء

كلشي بارد
حتى ملگاكم
رسايلكم
حچيكم
ماچواني
وانه شايلكم
چنت ماي بصواني
"" "" "" "" "" "" "" "" "" "" "" "" "" "" "" "" ""

لاتنسون التصويت والتعليق بين الفقرات..

""""""""""""""""""""""""""""""""""""""""""""""

مروه:: كعدت وحدي وانا افكر شلون رجعت وثقيت بي معقوله بعد مايضربني بقيت صافنه بالفراغ وانا ميته رعب اخاف يكعد ويضربني لان شاهر ما اله امان.

كمت غسلت وصليت ودعيت كون الله يهدي ويصالح اخوي ونرجع احباب.. كملت كلشي نزلت جوه لكيت نرجس كاعده وحدها وتبجي.. استغربت رحت يمها..

ليش تبجين صاير شي؟
نرجس:: مروه انا ماعندي حظ بالدنيا حبيت اخوج وعافني و من القهر شللت وبعد ماكدر امشي مروه انِت ما تعرفين الي بيه وحق الله يوميه اصبر نفسي و اكول ان شاء الله باجر اتحسن واصير مثل قبل بس ماكو اي فائده..

مروه:: نرجس خلي ايمانج بالله قوي وان شاءلله ترجعين مثل قبل واحسن بس انِت ادعي وصلي بلكت رب العالمين يستجاب دعائج..

نرجس:: ان شاء الله حبيبتي تعرفين انِت احسن مره اخ شفتها بحياتي ومن شردتي من عدنه انا متت خوف عليج ودعيت الربي كون ترجعين النه بسلامة..

ضحكت ياروحي انِت صحيح رجعت الكم بس رجعت ورده ذبلانه..

نرجس:: مروه انا اسفه لان فتحت جروحج..

لاعمري عادي أصلاً ما ناسيه حتى ذكريني الكوابيس مايخلني انسه واعيش حياتي نرجس الي صار وياي حتى العدوي ما تمناه..

نرجس:: ضحكت وكلت يعني اخوي عدوج؟

هههه لا اكيد اخوج حبيبي وكلشي بحياتي..

انا اعرف بس حبيت الطف الجو وهسه اريدج تاخذيني للمطبخ نسوي غده لان امي راحت لزياره هي وخالتي..

صدك يمته راحت ان شاء الله يوصلن بالسلامة..

امس بليل طلعن المهم يله امشي نسوي غده..

مروه:: شنو نسوي غده اليوم يعني الولد شنو يحبون؟

نرجس:: يعني تعرفين طبخين؟

مروه:: اكيد اعرف شنو تردين اسوي بالخدمة

نرجس:: تمام لعد عادي طبخين مطبك لحم.. لان شاهر يحبه.

مروه:: ابتسمت تمام راح اسويلكم احلى غده ادللو عيني..

نزلت نرجس بالكاع وانطيتهه الحم حتى تكصصة وانا غسلت التمن. شوي واجه شاهر باوعلي وغمز..

فديت مريتي النادره ابوس ايدج الي طبخين بيها..

انا هنا متت من الخجل وماكدرت احجي هوه يسولف وانا ساكته شوي واتقرب يريد يبوسني وانا ابتعدت..