غادة في التليفون: انتي فين يا بنت الكلب
فايا: و بتشتمي ابويا ليه سيبي الراجل يتهنى في تربة امه
غادة: بقى بتهربي من جوزك يا جزمة و محدش يعرفلك طريق جرة
فايا: جوز تيران لما ينطحوه انتي معايا و لا معاه
غادة: معاه قصدي معاكي يا فايا اعقلي و ارجعي لبيت جوزك ده انتي حامل طب عشان البيبي اللي هييجي
فايا: علي الطلاق من صباع رجلي الصغير ما هارجعله ابدا و لو على موتي ده هزقني و مرمط بأمي الارض كله الا الكرامة الا الكرامة
غادة: بالراحة على نفسك يا ست رضوى الشربيني انتي عارفة انه جا للصعيد و فتش المنطقة حتة حتة
فايا: يا ماما انا مقدرش استحمل كل اللي بيعمله فيا و الله تعبت
غادة: انا عارفة انه غلطان و انتي غلطتي لما هربتي على العموم يومين كده و راجعين عشان الامتحانات الاسبوع الجاي
فايا: اوعي يا اما تعملي حركة غدر بيا و تروحي تقولي لهولاكو على مكاني
غادة: يوووه اخس عليكي يا بت تعرفي عني كده
فايا: انا فكرتك بس يالا الحق اذاكرلي كلمتين ينفعوني
قفلت معاه و دخلت غرفتها عشان تراجع شوية (للعلم فايا شطورة جدا و من الاوائل و فيها ميزة انها حتى لو مراجعتش بتجيب مجموع كويس)
اسد: في ايه يا صافي ايه الدخلة دي
صافي: انا عايزة اتكلم معاك يا اسد في موضوع
اسد: انا مش فاضي بعدين
صافي: بس ده يخص فايا
اسد: ايييه هو؟؟؟
صافي بخبث: بس ياريت نكون لوحدنا لان الموضوع حساس
انس قام و قال: اشوفك بعدين يا اسد
اسد: استنى قولي اللي عندك يا صافي انس مش غريب و عارف عن كل واحد فيكم كل حاجة
صافي: اسامة
اسد: ماله
صافي: كل يوم بيكلم فايا على التليفون و يبعتلها مسجات حب و غرام و هي كمان و هو اللي ساعدها انها تهرب عشان يتجوزها
انس: مستحيل اسامة عمره ما يعمل كده متصدقهاش يا اسد
اسد بغضب: صافي مبتكدبش فايا مش هتقدر تهرب لوحدها الا لو في حد من القصر ساعدها
صافي: طب حتى و انا نازلة سمعته بيتكلم معاها
انسو اسد بصو لبعضهم و بعدها اسد خرج و وقف في نص القصر و قال بصوت عالي: اسااامة يا اسااامة اننننزل
يسرى: مالك يا اسد بتنادي على اخوك بالشكل ده ليه
اسد: ابنك الحيوان بيكلم مراتي من ورايا و قاعد يحب فيها
اسامة نزل و قال بعضب: انت بتقول ايه ايه الكلام الفارغ ده انت اتجننت
اسد: انا فعلا مجنون لما فكرت ان امنك على مراتي
اسامة: لا انت زودتها اوي
يسرى: اسد ايه الكلام اللي بتقولو لاخوك ده
اسد: اخويا بيحب مراتي يا يسرى هانم عايزاني اعمله ايه اسقفله و اجيبله هدية
اسامة: مستحيل فايا اختي الصغيرة و انا مستحيل ابصلها غير كده طب حتى التيليفون ع.....
اسد قاطعه و قال: انا هعمل خاطر عشان الدم اللي ما بينا لم هدومك و اخرج من البيت و لو لمحت خيالك هنا مش هتعرف هعمل فيك ايه
اسامة طلع و لم كل هدمهم و اخد تليفونه و عربيته و خرج من القصر
اسد خرج قبل ما تتكلم معاه يسرى و لحقوا انس اما صافي فطلعت على اوضتها و يسرى لمت هدومها و سابت القصر هي كمان بعد ما قالت لرانيا انها متعرفش حد اما روزا و باسم فكانو في اجتماع بيخص الشغل
فايا: الو مين معايا
يسرى: انا يسرى يا فايا
فايا بفرحة: طنط يسرى ازيك
يسرى بحزن: الحمد لله و انتي عاملة ايه
فايا: اهو كويسة بس انتي صوتك ماله انتي تعبانة؟؟؟
يسرى: قوليلي على بيتك انا جايالك
فايا: انتي فين دلوقتي
يسرى: مبعدتش كتير عن القصر
فايا: خليكي مكانك انا جايالك
يسرى: مش خايفة اسد يشوفك
فايا: متجبيليش سيرته لما بسمع اسمه بتعصب
يسرى: طب انا مستنياكي متتاخريش
فايا: هوا
بعد مده من الزمن وصل اسد للقصر و عرف ان امه سابت البيت و مشيت و مبقاش فاضل فيه غير هو و صافي
اما يسرى فوصلت عندها فايا و ركبو تاكسي و رجعو للحارة و طبعا حكتلها على كل حاجة حصلت في غيابها و حاولو انهم يتصلو باسامة بس مفيش فايدة
بعد ثلاث ايام رجعت غادة و ليان من الصعيد
قعدو الاربعة مع بعض بعد الغدا و هما بيشربو الشاي
غادة: و هنعمل ايه هنسيب العقربة دي في بيت تمرح فيه زي ما هي عايزة
يسرى: اكيد لا الاهم من ده ان اسد يعرف ان اسامة و فايا ملهومش علاقة ببعض
فايا: ابنك ده حمار يا سوسو عقلو في و سكتت
ليان بخبث: ما تكملي جملتك
فايا بغيظ: في رجله
سمعو خبط على الباب و ليان قامت عشان تفتح
ليان: مين حضرتك
الراجل: انا من المحكمة و عاوز مدام فايا الصياد
فايا: يا نعمم
الراجل: امضي من فضلك هنا
فايا باستغراب: امضي على ايه
الراجل: دي ورقة طلاقك من اسد الصياد
ليان و يسرى و غادة في نفس واحد: ايييييه
فايا مضت على استلامها لورقة طلاقها و قفلت الباب
يسرى: هو ازاي يطلقك و انتي حامل مش قادر يستنى حتى تولدي
فايا: استنى سبع شهور و انا على ذمته عايزة تنقطيني
غادة: استريحتي يا اختي اهو طلقك
فايا: في ستين داهية انا مالي بيه
ليان: و هتسيبيه لام اربعة و اربعين
فايا: ان شاء الله تاكلو هما حرين و انا حرة في حياتي
انا هدخل اذاكر شوية و محدش يفتح الموضوع ده مرة تانية
و في اليوم اللي بعده راحت البنات للامتحان
فايا: ده امتحان يرضي ربنا يا كلية وسخة يا ولاد المعفنين اكيد المستر مراته مجنناه عشان كده طلع عنينا في الامتحان ده
الدكتور: انتي يا انسة بطلي كلام مع نفسك و ركزي في ورقتك
فايا بغيظ مكتوم: كشفت راسي و دعيت عليكم واحد واحد الهي يا رب يجيلكم تسلخات و متلقوش اي مرهم في الصيدلية
و مسكت الورقة و القلم و قالت: اهو على رأي المثل اهبد بايدك محدش هيفيدك
فضلت تفكر و تكتب اي حاجة تيجي في بالها
و بعد ما خلصو الامتحان خرجت فايا و ليان من المدرج
ليان: الامتحان كان صعب بشكل
فايا: الهي يا رب الدكتور يجيلو تسلخات و يحوس و
ميلقيش كيناكوم قادر يا كريم
ليان: هو السؤال الخامس في الورقة التانية اجابته ايه
فايا بخضة: هو كان في ورقة تانية يا حوستي يا حوستي منك لله يا اسد الكلب هابقى مطلقة و راسبة كمان ااااه يا اني يا بتنجاني
ليان: ده انتي حكايتك على الله اقسم بالله يالا يا اختي نلحق نراجع للامتحان اللي بعده
فايا: جاتكم الهم في شكلكم
ليان: الله و انا مالي يا لمبي
فايا: يالا يا بريئة هانم
و في اخر يوم في الامتحانات
ليان: يااااه الحمد لله اننا خلصنا
فايا: خلصنا و انا عارفة نتيجتي ساقطة باذن الله
ليان: بت بصي الواد الحليوة ده مشبه عليه شايفاه فين معرفش
فايا: فين ده انا مش شايفة حد
ليان: اهو يا بت على اليمين و ساند بظهره على العربية الجي كلاس
فايا بصت وراها و قالت: هو حليوة فعلا بس ايه ده ده اسسسسسد
VOUS LISEZ
متاهة الحب في عالم الظلال
Gizem / Gerilimفي عالم مليء بالأسرار والخيانة، تتقاطع طرق ابطالنا. صلة غامضة تجمعهما، وماضٍ مظلم يهدد بالكشف. تتشابك الأحداث وتتعقد العلاقات، وسط أجواء من الشك والإثارة. ستكتشف في هذه الرواية الغامضة أن الأحداث ليست كما تبدو على السطح. ستنغمس في عالم المؤامرات وال...
