قدر مراهقة 2

الجزء 26

قدر_مراهقة2
#ميرال_مجد
#بقلم_فريال
الجزء 26
كيما كان لحال وصلني مجد لدارنا ومعايا لجين انا فت ديراكت حطيتها في شومبرة ورميت روحي فوق سرير غمضت عينيا راح نرقد وتوقف فوق راسي ماما مربعة يديها ناوية على عركة قولتلها رايحة نرقد كي نوض ديري رايك وعسي منا لجين كي تفيق شديها انا نرقد منا لليل تعبت بزاف _ من واش تعبتي _مايروحش بالك لبعيد مادرت والو هاه راني بقشي ملي خرجت منا وانا بيه مانحيتوش حتى من لخيمار والله ماتنحى على راسي بت سهرانة نتفاهم انا ومجد _ ايه وتفاهمتو _ اهبطي عند راجلك ذوك يحكيلك ومنسيتلكمش حكاية لبارح انا خرجت من دار ونتوما ماحوستوش عليا _ حوسنا عليك وكي عيط مجد وقالنا بلي راكي عندو روحنا لدار _ خليني نرقد _ ارقدي ارقدي اصلا انت هذا ماتعرفي. فقت جوايه15 راسي في حالة بالسيف ماتحركت فت لدوش دوشت وتوضيت وخرجت صليت الظهر كان مزال مالحق العصر حوست على لجين مالقيتهاش هبطت نكركر في رجليا لقيتهم كامل مجمعين في الكوزينة وماما رافدة لجين ودور بيها وتضحك هي شافتني وتقلب شنايفها تقول مانعرف وش درت في عوض ما انا نتغشش منهم تقلب كلش وهوما تغششو مني تعدلت عليا. فت سخنت لغدا وحطيت ناكل ماحكيتش معاهم نخليه يترباو باش مايبقاوش يوقفو في وجهي ويهينوني قدام الكلاب والله ماتفوت بالساهل، بقيت ناكل وماما فوق راسي تتخنزر نطقت قالتلي صح راح ترجعي لمجد _ ايه نرجعلو خير مانبقى في دار ماعنديش فيها قيمة والي يجي يهيني ويسبني وواحد مايوقف في وجهم ويدافع عليا وحتى ونجب نجيب حقي مايخلونيش ويبهدلوني فوقها _ حبسي نديب ودراما انا سكتك مكنتش حابة يفزد عرس خوك وتعرفي عمتك ماتسكتش ومايبردش قلبها حتى تفزد كلش عليها سكتك انت _ ايه جيتك انا ساهلة عفستي عليا وخليتي الكلبة هذيك _ عيب عليك مجاياش تحكي هكا على عمتك تبقى كبيرة واخت باباك _ لاعمتي لاعزرين ماتستاهلش حتى نعيطلها عمتي مشفتيهاش في العرس وش كانت تقول لعجوزتي عليا بهدلتني وردتني مانسواش وفوقها بغات تزوج بنتها الق*** لمجد خلات رجال دنيا كامل وراحت لراجلي رخيسة _ غاضك الحال كي حكات فيك ولا كي بغات تزوج راجلك غرتي _ لزوج من لخر غرت ومن حقي راجلي هذاك _خلاص كلش يفوت هاكي راجعة لراجلك تتهناي وعمتك سمحيلها _ مانسمحش ونشوفوك انت تظلي دافعي عليها ماتعيا مزوجتلك راجلك ودايرة لعرس من وراك _ امشي من قدامي راكي بديتي تخلطي _ اشفاي برك على كلامي لوكان مايخرجولكش خرجة عوجة مانيش ميرال لعباد كيما هذوك مايليقش معاهم لقدر _ صاي بلعي حتى ويبغو يزوجو باباك مستحيل يقبل الا اذا مت لتم دبر راسو يزوجوه ولا يقعدو _ بعيد الشر عليك بصح لوكان تموتي من يزوجوه منا مايستناوش حتى قبرك ينشف اني نعرف لعقارب هذو وش يسواو.(ياريت تقطع لساني ولا قلت لكلام هذاك ندمت ندامة عمري كي قولتلو علبالي كلش بالمكتوب بصح احيانا الانسان يقول حوايج ويتحققو للاسف).
#فريال