صارت تشبه اللحم من ينشوي زايد ويحترك
ويصير اسود مفحم اي هيج صارت امي عشت
حالة صدمة راحت سندي احتركت امي واحتركت
احلامي وياها جانت تكلي اكبري وصيري دكتورة
ونسافر بالخارج ونخلص منهم ونعيش ملوك بس
لازم نصبر وانتي صيري شجاعة رغم ماعدهة
فلوس تخليني احس بشعور اني افضل بنية بالعلم
دكولي باجر من تكبرين البنات كلها اتحط مكياج
حتى صير حلوة الا انتي تخبلين من الله شايفة هذني الحلوات اليطلعن بالتلفزيون ذني كلهن
يتمنن يصيرن بجمالج محد عدها نفس عيونج
الصفر ولا مثل شعرج الحلو ولا مثل رصاعتج
هنة يصرفن يلا يصيرن هيج وانتي بدون فلوس
عابرتهن
جانت تخلي ثقتي بنفسي تعبر الحدود وبعد وفاتها
صح حيل تعذبت بس جانت اختي ضحى هية المتكفلتني ابوية مبطلها من المدرسة عمرها جان 18
حلوة اني اشبها بي هية عيونها لون جوزي ماخلتني
اعتاز احد بعد امي هية صارت امي الثانية حيل تعلقت بيها جانو عمامي يضربوهة حيل ؏ ابسط
الاشياء وابوية وياهم
لحد ماصار عمري 12 هية داريني ولا ملتني ولا حسستني انو اني ثكل عليها محد جان يتقدم
الها لان يعرفون ابوية وعمامي سكارا مرة اجوي
خطبوها ورة فترة سائلين على بيتنة كايليلهم عائلة
منحطة اتأسفو وما اجوي بعد جانت تحب واحد ويانا بالمنطقة هو هم يموت عليها وجان كليوم
ينطيني ورقة انطيها الها وهي تنطيني اوديلة
جنت افرح من اشوفهة فرحانة ويا وشلون هو
يوصيني اسلم عليها وينطيني افلوس يكول
وديهن الها وكليلها اخذج اخذج هو اكثر من مرة
اجاها وابوية طردهم لان متعارك وية ابو
وهذاك اليوم الي انكسرت بي اكثر من كسرة امي
جانت كلشي بقالي من بعد امي ومادري بعد هالزمن
شضاملي من كسرات وشكم عزيز ىاح افقد
لكن بيوم كعدتني اختي الفجر كالتلي ديري بالج
؏ نفسج اني راح اشرد واتزوج علي هو هم راح يشرد وياي لتنطقين بحرف اذا كامو يدورون علية
واني بس تستقر اوضاعي واتزوج اجيبج تعشين وياي بس ادعيلي الله يسهلي ودعتها وضليت ابجي
خايفة عليها وبنفس الوقت راح فرحانة راح تخلص منهم
بس ما جنت ادري هالدنيا هلكد حقيرة ويانة ومراح
تخلينة نفرح ابد وكعدت على صوت عياط اختي وعمامي يكطعون بيها
حامد: لك جيبولي سجينة خل اخلص من عارها انا
هالكح••• تنزل راسي اخخخ ما بالحيف ولكم انا تجي الوادم تكلي بنتك شردت الحكلها
عدنان: انتو شون دريتو بيها من شردت
جعفر: ولك خابرني ابو علي عمامة كامشي يريد يشرد وي الكح**مالتنة وكال تعال ضبو بنتكم
تشرد وي الزلم وذاك كاتلينة عمامة ومأدبي وهسة
طش صيتنة بالمنطقة
