_ بِـسم الله الرحمٰن الرحيم
_ ترياق الـ جنان " رحلِة "
_ الكاتبة ليثم
_ يَـ هَلبت بِيك زلة شوگ .
*****
اجت اُمي باتجاهنه و وصلتنه بادينها المتَربنه و بيدها علاكه صَمون و جبن سحبت كارتون كعدت مقابيلنا و طلعت تخلينا جبن ببطن الصَمون و تنطينه
هُدى : اكُلي يُمة
امينة : اكلت يُمة بلطريق اكلو انتم
صَفنت ع اُمي عرفت بيها دكُول هيچ بس حتى توفر النا كلنا كلت بلنهايه حَتاكل و بقت الصمونه بيدي شبعنا كلنا و هي ضمت العلاكه!!!
عَرفت كاعدة تجمع النا حتى من نجوع تنطينه انوب
امينة : يُمة من احد يجي عليكم ابقو لا تطلعون اي يُمة ، جَنان بمسؤوليتج ديري بالج عليهن و على سَرمد
هزيت براسي و طلعت اُمي بقينه كاعدين لفترة طويلة حسيت اذن ضَهر كمت افتر رجليني راحت افتر بلغرفه اروح وارجع اخاف لا احد يجي ما اكدر اعوفهن
كام يستفرغ سَرمد اجيت لزمته حرارته نار طلعت ركض ادور لامي بدون اي تفكير لان اضيع بلاها
اركض بين الافرع ادخل بفرع و اطلع بفرع وًاخاف لا احَد يجي من عمامي يشوفني
صرت مقابيل سَوبر ماركت و يمه اُمي كاعده ؏ الرصيف احس راسي يريد يَطك من شفتها بهل منضر وتعبت وكفت انتچي ؏ الشجره تذكرت ابوي
وين جنه ووين صرنا اجو ثلث ولد يمشون باتجاه أُمي واحد كعد بصفها و ثنين واكفين ، جانت ملامح الخوف واضحه ؏ أُمي و مَــا ادري شيحجون وياها الى ان الي كاعد بصفها كعد مقابيلها و لزم ايديها!!!!!
طفرت اركض باتجاهم و دفعت الي واكفين و سحبت الي كاعد مَـن ياخه قميصه
_ هااااايييي شنننووووو ؟؟؟؟؟
_ جَنان : شششدددتتسسوييييي ويييي اميييي
دفعتهم كلهم و خليت أُمي ورا ضهري
الثاني لزم الي جان كاعد يم أُمي و حجه
_ اختي فهمتي غلط تعال عُمران تعال
عُمران : ماااا تتففهممم االسالفهههه
التفتت ؏ أُمي و حجيت
:- سسوولجج شيءءء
أنت تقرأ
ترياق الـ جنان " رحلِة "
Genç Kız Edebiyatıلِبوة مُحاطة بِـ اربع فَراشات وَ اسِد تَستطيعُ اللبوة الحِفاض على فراشاتُها وَ اسدُها مَنْ بين الوحَوش ، هل يُمكنها الحِفاض عليهما ؟ وَ اسعادهُما ؟ وَ تحميهُما مَنْ الوحَوش ؟ رحلِة بقلمي انا الكاتبـة لِيثم مَنْ واقعِنا .
