#بستان الضلمات للكاتبه زهراء
اسمع ونين
بهوسة جروحي
اشيطفي الدنيا
اريد ارتاح من روحي
"" "" "" "" "" "" "" "" "" "" "" ""''''''''" "" "" "" ""
لاتنسون التصويت والتعليقات بين الفقرات..
"""""""""""""""""""""""""""""""""""""""""""""""
فتحت عيني بصدمه يعني شنو مو بنتج ممكن تفهميني؟
باوعتلي بحقد وكالت اي مو بنتي مرت عمج جابتج من المستشفى وانه ربيتج..
ساره:: اختنكت من كلامها وحاولت استوعب انو انا ماعندي اهل بقيت ابجي والطم على وجهي اجه فهدان يهدي بيه باسني من راسي وهوه يكول..
مايهمني منو انتِ وحتى اهلج ما يهموني اهم شي انتِ وتذكري دائماً انا يمج وبعمري وحياتي ما راح اعوفج..
فهدان بس صعبه من تعرف اهلك الحقيقين مايردوك..
حبيبتي يجوز ضروف لا تحكمين عليهم من هسه وان شاء الله يجي يوم وتعرفين اهلج..
ابتسمت وشنو الضروف الي خلاهم يشمرون بنتهم؟
طلعت من البيت وانا منهاره ومصدومه كلش واريد استوعب الي صار وياي.. رجعت للبيت طلعت لميت كل غراضي..
فهدان:: داسوين ساره؟
ساره:: اريد اروح ادور على اهلي اريد اعاتبهم واكلهم ليش شسويتو بيه هيج..
وانتِ وين راح تلكيهم؟
فهدان ماعرف المهم الكـاهم ولله كلبي يوجعني لان حسيت نفسي غريبه لاهل ولاسند..
شلون ماعندج سند جا انا و مروه وين رحنه معقوله نسيتينه؟
لا ما نسيتكم بس فدوه افهمني اريد اروح اشوف اهلي الحقيقين..
فهدان:: يمكن اكو طريقه وحده نعرف منو اهلج..
ساره::وشنو هي؟
فهدان:: نروح المرت عمي وناخذ منها اسم المستشفى والعنوان بلكت نروح ونعرف..
ساره:: بس انتَ وحدك روحلهه لان ماريد اشوف خلقتها..
تمام انتظريني ولاتسوين اي شي..
هزيت راسي بقهر.. طلع فهدان وانا بقيت وحدي.
بس اريد اعرف انا شنو مسويه بحياتي ويصير بيه هيج.
حاولت انتحر بس ماكدرت بقيت افكر بـ فهدان لان اذا يصير بيه شي يموت..
شوي واجه فهدان..
ها عرفت اسم المستشفى؟
فهدان:: حجيت بقهر. عرفت اسم المستشفى بس ماكو داعي نروح لان مرت عمي حجت كل الحقيقه وشوفتني هويتج القديمه.. ..
ساره:: يعني عندي هويه من جنت صغيره!؟
فهدان:: اي بس مو هنا الصدمه ساره باوعي انتِ بنت عمي بس امج وحده ثانيه..
