ترياق الـ جنان " رحلِة "

" الرحلِة السادسة "

- بِسم الله الرحمٰن الرحيم

_ ترياق الـ جنان " رحلِة "

- الكاتبة ليثم

- كلبي تَلوع تِلوع بعد ميطيب " مظفر النواب "

*****

_هاااا ؟؟؟؟

_ قاتل انــ ...

وكع المبايل مْنَ ايده و سحبت التيشرت لبستها و اخذت السويچ و طلعت ركض توني شغلت السياره انفتح شباك الفوك و مد راسة عُثمان

_ وين مولي ؟؟؟

اشرتله تعال وراي فتحت الباب و شغلت السياره و انطلقت ، رحت ؏ بيته كلشي ماكو البيت مَا بيه احد أصلًا ، رحت للبيت الي بلمزرعة ماكو احد وكفت ؏ السياره كلبي يدك سريع

خليت ايدي ؏ كلبي ادعي كلشي امن مَو مثل مَا افكر صار ضوة سياره و نزل عُثمان يركُض

_ شكوووو ؟؟؟؟

_ خبرني مَا اعرف شيكول و المبايل طفى

_ خاف مثل كُل مرة ؟؟؟؟؟

_ لِا لِا لِا ابد ، مكاعد الكه دختتتت

خليت ايدي ؏ راسي تذكرت اخته

_ عُمران : غُفران غُفراننننن

_ مرحتت لهناكككك ؟؟؟؟

_ لااا امشي

صعدت اركض و اتجهنه للشقه اول موصلنا جان الشارع كله مُطوق الشرطه قافله الطُرق

رحت اركض و وراي عُثمان وصلت بيتهم و الشرطه اجو علية كلهم و حبسوني بين اديهم اني و عُثمان

عُثمان : عصامممممممم

التفتت و اشوف عصام كله دم وووجه عركان و ايده نازلة مْنَ السدية وورا طلعو غُفران بسدية و شاديها و راسها كله دم

اخذوهم للمستشفى و لحكانهم اول مَا وصلت رحت اركض ؏ الدكاتره دخلوا غفران للعمليات جروح جبيره براسها ...

ركضت ؏ غرفه الي مخلين بيها عَصام مَا بيه شيء بَــس جروح بسيطه بضهره و كصته ...

بقيت واكف و اتابعه و عيوني تدمع

عَصام اقرب انسان لروحي احبة مثل عُثمان مْنَ الابتدائية احنا سوه و هوَ ويانه ، رغم كُل الحالات الي يوجهه و اشكال اشياء اليشوفها بَــس يبقى عزيز روحي