ترياق الـ جنان " رحلِة "

" الرحلِة التاسعة "

- بِسم الله الرحمٰن الرحيم

_ ترياق الـ جنان " رحلِة "

- الكاتبة ليثم

- تَمسك بِمن يراكِ " مُختلفًا " .

*****

فتحت عيوني الصبح الشمس بنص الغرفه كمت شفت محمد بعدة نايم كمت بهدوء طلعت برا الولد ماكو كلت يمكن طلعوا رحت المطبخ خليت الجاي يتخدر و دخلت لغرفه حَور .

اول مَا فتحت الباب فتت للشباك فتحت البردة

جميلة : حَور يلا ماما كومي يلا نتريك

رحت ؏ الجرباية مالها و انصدم واني اشوفهه وجهه ازرك و ايديها مشمرة احاول اگُعد بيها و ماكو فاقده .

جميلة : محمددددد محمدددد تعاللللل

كمت اكمز و اركض ؏ محمد اجه يركض رفع الچرچف عنها و جانت الصدمة رجليها كلها مطبعه ؏ حمار و بيها مثل التورم رفعت التيشرت ركبتها و صدرها بيه ثقوب حمر .

كمت ادك و الطم و محمد يركض يدور السويچ مال السياره صعدنا و انطلقنا للمستشفى

اول مَا وصلت نقلوها و بدوا يسوون فحوصاتها اتصلت ؏ عُمران

عُمران : هلا يُمة

جميلة : وَيـنـك ويننن رحتتت

عُمران : بطريقي لاربيل اني و الولد سفره

جميلة : اختك اختك تعال للمستشفى

قفله بسرعة و بقيت كاعده و بَــس دموعي تنزل و محمد حضن جتفي و يهمس بأذاني

محمد : مَا بيها شيء مَا عليها شيء

بجيت و نص ساعه و طلع الدكتور

_ حَور محمد منو اهلها ؟

كمت وكفت و محمد ركض عليه
_ احنااا احنااا

نزل راسة بخيبة و جان يحجي
_ بنتك بيها مرض خبيث

جميلة : يعني ؟

_ سرطان

ضحكت و خليت ايدي ؏ كلبي و شفت الولد اجو يركضون مجرد مَا شفتهم وكعت وبعدها مَا حسيت بشيء

فتحت عيوني ماكو احد بلغرفه بَــس وحده لابسه ابيض جانت واكفه ؏ ميز

_ حَبيبة اخخ بنتي