ناظرت من جديد بالسنابه : انا شايله هم كيف اوافق على شخص غيره وهو رايح يخطب الكلب ضربت يدها بفخذها يجعلك للي ماني بقايلته رمت جوالها على سريرها ولفت لدولاب دخلت اثمار لها وناظرت فيها تحوس بدولاب وتهاوش بهمس: انا شايله هم وهو ولا همه اصلاً انا الغبيه الي قلت ابيه انا الغبيه الي فكرت فيه حطت يدها على راسه يعني انتي عشانه شافك قلتي يبيك يامجنونه ياغبيه اخذت فستان احمر ماسك عليها لفت لسرير وانفجعت من وجود اثمار: بسم الله من متى وانتي هنا
اثمار : من يوم بديتي بدولاب
قربت روان للسرير : انا بطلب الشوفه وانا الي بطلبها عرفتي انا الي بقولهم اني ابيها وبوافق وابوي قال يمكن الزواج والملكه مع بعض موافقه لو ادرس معاه سمعتي !
اثمار مصدومه من اختها ومن عصبيتها ومن كلامه وموافقتها!!!!
جالس بالمجلس يناظر بالقهوه قدامه يفكر بالخطوه الي خطاها خايف يظلم بنته وهي باقي صغيره ماهي بقد مسؤوليه وعادي عنده لانها صغيره بس فيصل بيكون عادي عنده ويسكت وقف على صوت الجرس وطلع برا
فتح البوابه لهم : هلاومرحبا
دخل فيصل وابوه وكمل عقاب : ارحبو ارحبو
دخلو بالمجلس وبدو يتقهون
واقفه فوق تناظر بشباك : روان ياحيوانه وربي تلوقون لبعض لفت لها : كان شفتيه
هزت راسها روان بالنفي
اثمار : ياشينك بروح انزل لامي وانتي اقعدي
—-
جالسين بصاله ينتظرون سهم
نياف : طيب يالغبيه تروحين تكلمينه ليش كان ارسلتي له رساله
احلام بعصبيه : انا وش اقول الجوال كشاااااففف افهممم
نياف : يويلك اذا عدتيها سمعتي مابقى الا هي محارمنا
لفت احلام لرفيف : هذا شفيه كبر الموضوع ومحارمنا
رفيف : نياف يحب يكبر المواضيع بدون اي هدف
لفوو لدخول سهم وكان مكشر
نياف اعتدل بجلسته اخذ القهوه يصب لسهم ومده له : شفيك عشان الموضوع ذاك؟
هز راسه سهم
احلام تقدمت له : وش موضوعه يارب الي بالي
دفها نياف بعيد عن سهم : اقول اذلفي لا الي بالك ولا غيره
رفيف : طيب وش ؟
لف سهم لهم بيتكلم وتكلم نياف : وش دخلكم بيني وبين اخوي ! والله العظيم ملاقيف
ناظرت احلام بسهم : سهم تخيل
ناظر فيها سهم وكملت : تخيل اليوم كنت امشي ولقيت وحده ام كبيره شوي المهم انها ودها تكلم ولدها لكنها ماتعرف جوالها كشاف وجيت لها وساعدتها وبعدين ماعرفت توصف له عطتني الجوال اوصف لولدها ووصفت له وني... سكتت يوم شافته وقف بقوه
سهم : لحظه
بلعت ريقها : ايش وش فيه
سهم : نسيت جوالي وطلع رايح لسياره يدوره
انخطف وجهها ولفت لنياف ورفيف الي يناظرون فيها
مسكت وجهها بيدها : كانه احترينا ولا
-
ناظرت بامها بصاله وباثمار سكرت عباتها تتنظر دخول ابوها عشان ياخذها للمجلس لفت لامها الي ابداً مو معاهم اشرت لها اثمار ان عباتها من تحت مفتوحه ناظرت تحت وسكرتها شافت الساعه طول ابوها عليها لفت بتجلس ماامدها الا يدخل عقاب ناظر فيها وبعباتها وابتسم انها متستره بالعبايه مايدري وش ورا العبايه
اخذها وطلعو للمجلس
ناظر عقاب بفيصل وحده ولف لبنته الي وراه : ادخلي
روان : لا ابي اروح للمغاسل واجي
هز راسه عقاب تقدمت روان تتعدا ابوها لفت له : بتجلس ابوي ولا بتروح ؟
عقاب : لا بروح برا عند ابو فيصل
هزت راسها وراحت للمغاسل نزلت عباتها وعدلت شعرها تقدمت للمرايا: يانا يانت اذا ماخليت ملكتي وزواجي بوقت واحد ماكون روان يا**
نزلت عباتها على المغاسل وطلعت للمجلس وقفت عند الباب حق المجلس تصمنت مكانها من الصدمه لف فيصل لها وانصدم من جررائتها بلبسها وبشكلها وقف مصدوم بلعت ريقها تناظر فيه مصدومه تقدم فيصل لها : سلامات !
بلعت ريقها : ماكنت ادري
فيصل : عن وش !
روان لفت بعيونها الجهه الثانيه توترت من تقدمه عندها: انه انت
فيصل : كنتي متوقعه شخص ثاني ؟
روان هززت راسها بالايجاب
فيصل : ومتزينه كذا له ؟
روان : عشان بلعت ريقها اقهرك
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
