السلام عليكم
" الـعــــــساف "
اللهم صلي على محمد وآل محمد .
'''''''''''''''''''''''
تصويت لطفاً .
'''''''''''''
مختار ::- طلعت من المستشفى دك عليه رقم غريب رديت عبالي مريض عندي
- الوو
*- انتَ مختار فضل ؟
- اي نعم منو وياي
* - واحد راح يفيدك هسه راح يجيك واحد صاعد دراجه تعال ويا واذا ماعجبتك الشغله ارجع
- شنو . الوو أحجي ويااك الوو
سده بوجهي شويه واجت دراجه وكفت مقابيلي
*- لا تخاف اصعد مانخطف زلم احنه بس نسوان هههه .
- روح كدامي والحكك بسيارتي .
*- يله .
گلبي لاعب منهم صعدت سيارتي وتبعته طب بلبساتين ومكان نوعاً ما مهجور وكف كبال بيت من طين نزلت واني ميت فكرة بالي شعدهك هذوله
طبيت للبيت بي هواي زلم طبيت للغرفه الكاعد بيها الدك عليه جانت طاوله وكراسي شرب ودومنه كام واحد جسمه متوسط لبسه مال متريشين الساعه والمحبس والعطر ريحت الدخان تكتل مد ايده يسلم
*- اهلاً وسهلاً دگتور ، اعرفك بنفسي مسعود ابو خمره
ماصافحته من شكله مو راحه
- شتريد من عندي ؟
مسعود - الأريده جبير بس مو عليك
- احب الاختصارات اختصر .
مسعود - اول شيء تفضل اكعد حتى نتفاهم
جريت الكرسي وكعدت آشرتله يحجي
مسعود - شوف اني اعرفك انتَ منو وشنو تقرب لـ زوجة عسَاف تمام وادريك حقدت علي لان اخذ البنيه الحبيتها والله ماتلام هذا عسَاف شلون مرض السرطان سواء عالجته او لا فهو راح يكتلك ، هسه تكول ليش تحجي علي هيج ومنين تعرفه اعرفه عز المعرفه هو وربعه العفطيه ا ....
- دقيقه دقيقه اني شعليه دتحجي عليهم كدامي اني سئلتك شتريد مني ماكتلك احجيلي على فلان وعلان
مسعود - جايك بالحجي بس شويه ريلاكس حتى نعرف نتفاهم انا وياك
- ماعندي بس دقيقتين اختصرلي السالفه .
دك تلفوني رفضته وفتحت تسجيل صوت گلشي يصير حطيته ع الطاوله
- اي اسمعك استاذ مسعود .
مسعود - شوف اني جاي اشتغل ع تدمير العسَاف وربعه ايد وحده ماتصفق واريدك وياي ايد بأيد نتعاون علي وندمره
- تموته تريد؟
مسعود - هيج شيء
- هيج شيء ماتورط بي اني صح اكرهه للعسَاف بس ماكتله
أنت تقرأ
العقرب الأسود
Abenteuerقـصتي تتحدث عن :- فتاه ذوقتها الحياة مرارت الايام الحـزينه عانت من فقدان والدها ومن ثما والدتها واخاها واختها لكي تكتشف ان الاقدار تختلف عن تفكير عقلها واحلامها البسيطه ، وفي وسط عالمها هناك رجلً اعتاد عـلى الحرص عليها وحبها شُجاع وحنـون عليها ولكن...
