#بستان الضلمات للكاتبه زهراء
لقد تأذيتُ إحدى المرات
كان وجعًا هاويًا
ورغُم انني تعافيت من الخارِج
إلّا ان الداخِل
لا يزال معطوبًا.
"" "" "" "" "" "" "" "" "" "" "" "" "" "" "" "" "" ""
لاتنسون التصويت والتعليق بين الفقرات..
"""""""""""""""""""""""""""""""""""""""""""""""
مروه:: نصدمت منو هبه وبعدين استوعبت هي نفسها الي مزوجها شاهر بـ سر..
شاهر كلش ضاج من عدها لان اجت بدون موعد..
دخلنه جوه لكيتها كاعده اول ما شافتني بتسمت وتقربت يمي.
انا هنا استغربت كلش من تصرفها كلت هسه تكوم تتعارك وياي بس هي بالعكس فرحت من شافتني.
كعدنه سويه وانا اباوع على شاهر وضايجه..
شاهر:: مروه انا راح اسولفلج كلشي واتمنى تفهميني..
مروه:: ماكو داعي انا اعرف..
عكد حاجبه وكال شنو تعرفين؟
مروه:: العصفوره كالت كل شي.. باوع على نرجس وكال اذا ما طيحت حظ هاي العصفوره ما اتسمى الشيخ شاهر..
نرجس كامت من المكان وهي خايفه..
مروه:: انتَ لو مسولف الي من زمان مو احسن.
هبه:: عيوني انتِ انا الي ما قبلت..
باوعتلهه بطرف عيني وانتِ منو حتى ما تقبلين هاا؟
شاهر:: لا تعلين صوتج عليها هاي مرتي والها الحق مثلج..
حجيت بعصبيه هاا جا طلكني..
كام وهوه معصب لا اطلكج ولا اطلكها وهسه هي راح تعيش ويانه وماريد دوخه راس افهمتي..
مروه:: تمام بس لاتحجي وياي ولاشي مرتك الاولى خليها تفيدك..
شاهر:: اكيد تفيدني ع الاقل ما ترفع صوتها عليه وتحترمني مو مثلج لسانج طويل..
مروه:: ولله هذا الموجود يعجبك او لا بكيفك بعد.
هبه:: مروه لو تدرين بضروفي شنو جا ما حجيتي هيج واتمنى تمسعين مني..
اول شي انا اعرف وماكو داعي تسولفين تمام وهسه كومي شوفيلج غرفه..
هبه:: لا اكو داعي لازم تفهمين السالفة كلها..
شاهر:: انتِ سولفي وانا راح اطلع لان نرجس ما مسولفه المروه كلشي..
ما فهمت على شنو يحجون..
طلع شاهر وهبه باوعت الي وبجت بخنكه..
شبيج شو من طلع شاهر بجيتي شكو؟
هبه:: انا الوحيده بين اخواني الثلاثه وجنت مدلله كلش وما يوم سمعوني كلمه مو حلوه..
مروه:: وابوج وامج موجودين؟
هبه:: بس ابوي ميت..
مروه:: الله يرحمه..
هبه:: آمين باعي راح اسولفلج كلشي الي صار وياي..
هزيت راسي تمام سولفي..
هبه:: وره وفاه ابوي كلش انكسرنا لان ابوي جان سند النه وامي تبهذلت احوالها وصارت خدامه عند عماتي..
وها للمعلومه انا عندي خمس عمات و ثنين عمام..
المهم مرة من المرات امي طلعت وانا واخواني بقيت وحدنه بيت عمي الجبير.
اجت مرت عمي وكالت امكم وين راحت..
