ضلمات الِ سواد

البارت الرابع عشر

أحببته في المكان المقدس

بقلمي الكاتبة لينا 📝

(‏ماكــــلت للنااااس أحبك
حـبك مـبيـن عـليــــه)

﴿لينا ﴾

- مرت ايام ...
ودفعو خوالي فصل بس هذولي الناس طلعو شرانين وما كتفو بالفلوس ويردون حقهم مثل ما مات منهم ثنين يردون يكتلون من خوالي ثنين هم ويه ايهاب بعد واحد يردون خالي أسر اشتكة عليهم وسفرو خالي ايهاب لخارج العراق حتى يسوي العملية راح وية ايهاب أرشد وأسر

أسر :- رغدة ديري بالج على امي والجهال وأي شي تعتازين خابري سامر هو يجيكم

رغدة :- اي انشاء الله ترجعون بالسلامة وتنجح العملية بس أوصيك دير بالك على نفسك على عيونك

أسر :- ههه ولج احنا بيا حال وانتي بالج يم عيوني

رغدة :- شبيك يا عيني جاي أوصيك اني مو تطلع بليل خاف تستبرد

أسر :- ما تبطلين سوالفج اني لو اريد أهنأ تارسات بغداد

رغدة :- مو يكولون التركيات حلوات طويلات

أسر :- اي غير يموتن قابل مثلج قزمات جنج دبة غاز

رغدة :- اسررر شنو دبة غاز اني مربربة وشبيها القزمة عيني مو حلوة

أسر :- الجكمة امي ورطتني بيج

رغدة :- ليش احيت واخذتني ماجبرتك اني

أسر :- هو غير ما ادري كل ما اكول الامي شلونها البينة تكولي تخبل طويلة خشمها قلم حلكها لوز عيونها صفر وبيضة تشبه اختك
من اجيت اشوفج طفت الكهرباء مالتكم وماشفتج كمتي بالعجل نهزمتي حتى ما ابطل

رغدة :- ليش هسه اني مو حلوة اشو اخبل بيضة وشمحلاني

أسر :- اححممم لو بس تسكت هيفاء وهبي

_ سافرو خوالي وسوة العملية ايهاب ....
ونجحت بسس ضلت ايدة ورجلة مشلولات ميحركهم الدكتور كال بالعلاج الطبيعي اكو امل ٤٠٪ ترجع الخلايا العصبية تنمو من جديد
اهتمت غدير بأيهاب واعتبرتة مثل اخوها جانت تسويلة الاكل وتشربة العلاج
ومهتمة بي استمرت فترة العلاج الطبيعي لأيهاب سنة كاملة شالو خوالي من منطقتهم ونسجن سامر لمدة سبعة أشهر وطلع لان ما ثبتت علية الجريمة وجه ما مبين واضح بالكاميرات

كل احنا ملتهن بمشاكلنا وما سمعت اخبار جوان بعد هي وخالد غير انو هم تركوا بعض وتخلو عن بعض والسبب جان بسبب استبرق وزوجها اني مقبلت ينتهي كولشي بينهم حب اربع سنوات ينتهي بسبب مشكلة صغيره رحنا لبيت عمي جمعان وحجيت وية خالد

- ترا ما تسوى هيج يصير بيكم استبرق هي ورجالها يتعاركون وانتة وجوان تنفصلون بسببهم

- ترا اني ماحجيت شي وياها هي بنت خالج ماتنكدر ولسان وما تحترم نفسها عبالها لان احبها اتحملها حتى بعد ما اريها واريد احجي وية ابوية وكولة يشوفلي غير مرة (بنية)