အပိုင်း (၁၄၃) ဇနီးလေး ကိုယ်မင်းကို ချစ်မြတ်နိုးတယ် -2
ဖွင့်ပြောလိုက်တဲ့သူက ရှက်နေချိန်တွင် ဖွင့်ပြောခံလိုက်ရသည့် ကောင်လေးကတော့ ကြက်သေသေနေခဲ့လေသည်။
ရှောင်ဟန်က သူအခု ဘာကိုကြားလိုက်ရလဲဆိုတာကို မယုံကြည်နိုင်ဘူး။
ချစ်မြတ်နိုးမှုတဲ့လား...။
အချိန်သည် ရပ်တန့်သွားသကဲ့ပင် ခဏလောက် တိတ်ဆိတ်ငြိမ်သက်သွားခဲ့ပေသည်။
နောက်မှ အံသြမှုထဲက ရုန်းထွက်လာနိုင်တဲ့ ရှောင်ဟန်က ရှက်ရွံ့စွာနဲ့ပြောလိုက်ပါတယ်။
"ဒါ.. ဒါပေမယ့် ကျွန်တော်တို့က လက်ထပ်ပြီးသားလေ"
သူတို့က လက်ထပ်ထားတဲ့ စုံတွဲတွေပဲလေ။ ဒါကို ဒီလိုမျိုး ချစ်စကားတွေပြောနေတာက ရှက်စရာကောင်းမနေဘူးလား။
ပိုင်လီက ရှောင်ဟန်ကို ဖက်ထားတုန်းပါပင်။
ဒီအတွက် ရှောင်ဟန်က အရမ်းကိုရှက်ရွံနေ၏။ သူတို့က အခု ငါးထပ်မြောက်မှာဆိုပေမယ့် အပြင်ဘက်ဖြစ်တဲ့ဝရံတာမှာဖြစ်နေ၍ ရှောင်ဟန်က မတော်တဆအနေနဲ့တောင် တစ်ယောက်ယောက်မြင်သွားမှာကိုစိုးရိမ်နေပြီး သူက ရှက်ရွံ့မှုကြောင့် အငွေ့ပျံသွားတော့မလိုပင် ခံစားနေရပေသည်။
ပိုင်လီကတော့ ရှောင်ဟန်စကားကြောင့် ပိုတိုးဖက်လိုက်ပြီး သူက ကလေးကြီးလိုပင် စတင်ပြောဆိုတော့၏။
"မတူဘူး.. အဲတာကမတူဘူးလေ"
နောက်ထပ် ပိုင်လီ ဆက်ပြောသေးတာက...
"ကိုယ်တို့လက်ထပ်ထားတာကို မေ့ထားလိုက်တော့ ကိုယ်တို့က ဘာကြောင့်လက်ထပ်ထားတာလဲ ကိုယ်တို့အတိတ်မှာ ဘာတွေဖြစ်ခဲ့တာလဲ အကုန်လုံးကို မေ့လိုက်ကျရအောင်လေ ဒီကရှေ့လျောက် ကိုယ်တို့က ချစ်မြတ်နိုးမှုတွေနဲ့ပဲ ရှေ့ဆက်ကျမယ် တစ်ယောက်ကိုတစ်ယောက် ချစ်မြတ်နိုးတဲ့ စုံတွဲတွေအနေနဲ့ပဲလေ"
ဒါက ရှောင်ဟန်အတွက် မတရားမှန်း သူလည်းသိပါသည်။ အတိတ်က ရှောင်ဟန်အတွက် ကောင်းတာတွေမှ မဟုတ်ခဲ့တာ။ မေ့ဖို့ခက်ခဲမှာပဲ။
YOU ARE READING
အမှိုက်ကောင်လေး၏ ပျော်ရွှင်ဖွယ်ဘဝ (Completed) အမွိုက္ေကာင္ေလး၏ ေပ်ာ္႐ႊင္ဖြယ္ဘဝ
Fantasyအမျိုးသားကိုယ်ဝန်ဆောင် "ကော"များပါဝင်သည်။ အမ်ိဳးသားကိုယ္ဝန္ေဆာင္ "ေကာ"မ်ားပါဝင္သည္။
