تحت سيادة القانون

جسد واحد

مسح دموعي بيده
- عوفني رشاد ما اكدر اتقبلك بعد الي صار.

-نور شنو تحجين و تسوين اني ما راح ازعل منج بس اترجاج لا تروحين يم ياسين اترجاجج لا تكسرين ظهري بيج...
ما اتحمل اشوفج مكسورة ما اتحمل يصير بيج شي.

- اشششش روح روح ما  اريد اسمع اي شي  روووح.

-اسمعي نور اهدئي و سمعيني زين ابوس ايدج لا تبجين اعرف الي سويته غلط اعرف والله بس فهميني مرة وحده ، اني سويت هيج حتى احميج و بس ابتعدت علمودج، نور اني بروحي مشتريج والله صعب عليه مثل ما هو صعب عليج بس تحملي فترة وينحل كلشي.

مسحت دموعي بخشونه و عيونه صارت بعيوني

- اتحمل؟ اتحمل اشوفها بحضنك لو اتحمل اشوفها بدلة العرس انت وياها، لا تضحك ع نفسك رشاد روح الله وياك ماكو شي اسمه رشاد بحياتي ولا مطلوب منك تسوي اي شي اني اعرف شلون احمي نفسي روح والله يوفقك بحياتك روح والله يهنيك.

كام و ضرب ايده بالحايط واشوف شلون منهار بس كلبي ما رف اله، شفت ايده شون تأذت و شلون الدم ينزل منها بس صدك اني الي بكلبي نار اكثر من الي ديصير ويا، جتي اسراء و شافت ايده كعدت و هدئته شويه واني اباوع عليهم بكل بررود احس كلبي مات وماعندي اي مشاعر