على وضَح النقى جيتك والراسّ مرفوع .

*7*

عند محسن الي فتح الباب واسقبلته لين بزعل: وينك يوم كامل ماشفتك!
محسن : كنت في الدوام مسكوني وبعدها رحت نمت عند ريناد ، لين : مو امس يومي ليه ماجيت
محسن : وش عليتس انتي ماني قاعد ابرر لتس!
لين تراجعت بخطواتها وجلست على السرير تحت أنظار محسن الي مستغرب من حركتها قعد هو ب المثل وانسدح ونام مره ثانيه ..
لين بدت تتأمل ملامحه بحُبب وهو نايم ونامت هي بعد بعد ساعات صحى وكانت الساعه 4 فجر لبس وطلع مستعجل عند ريناد عشان دوامها وكان ناسي انها ماتتداوم دخل البيت ولقاها نايمه بعمق وقال : ريناد اصحى وراتس دوام!
ريناد قامت وهي تضحك وقالت : شجابك؟ ماعندي دوام اليوم يغبي قلت لك امس
محسن الي تفشل وقال : طيب قومي بنروح الديره الحين ! ريناد : الحين!! خير بدري
محسن ببتسامه : الحين قد صحى بوي عجلي!
ريناد الي قامت على طول وخذت شاور وطلعت ولقته منسدح على السرير على جواله
محسن وهو يناظر بسيقانها : مطوله اروح؟
ريناد : لا لا بلبس وينشف شعري واطلع
محسن مارد وهو الي بس يناظره وكل ماتلتفت له يصد بعد دقايق .. : يلا خلصت مشينا؟
محسن ببتسامه : مشينا
ركبت ريناد قدام معه ومر ياخذ لين
ريناد وهي ناسيه : ليه جاي هنا؟
محسن : باخذ لين!
ريناد بكره : طيب
جات لين وقعدت ورا وكانت منقهره من ريناد الي شافتها قدام وهي اصغر منها وكانت تحترق كل ماتشوفها تسولف معه وتضحك!
ريناد وهي تبي تقهرها : محسن هات يدك بصورها مع أيدي ، ضحك محسن بقوه وهو عارف حركاتها ونذالتها ، ريناد بضحكه خفيفه
شفيك تضحك؟ محسن نزل راسه على الدركسون وبدا يضحك بقوه ولين ورا ماقالت شي وتناظره بقهر هو بعد ، ريناد بضحكه اول ماعرفت انه فهم حركتها : دوم يروحي انت!
رفع راسه بحب وهو اول مره يسمع الكلام منها
بعد ساعتين وصلو الديره ونزل محسن الشناط حقت حريمه ودخلت لين غرفه ريناد استوقفتها ريناد وقالت : خير ي الحبيبه تمونين؟
لين ب استفزاز : شتبين صارت غرفتي !
ريناد ضحكت بقوه وقالت : فارقي بس!
لين دخلت وقعدت على السرير ومسكت ريناد شعرها وبدت تضربها بقوه تحت صياح لين
عند حسين الي قام وهو معصب ومعه عصاته وقال : اصبحو يلي ماتستحون!
لين بدموع : عم شوفها جايه غرفتي وتمد يدها علي!حسين : اطلعي يلين وانتي ساكته وتدرين انها غرفه ريناد قبلتس يلي ماتستحين!
دخل محسن ومعه العفوش وماكان يدري عن شي
حسين بحده : يلي ماتستحي جاي انت وحريمك وهادين البيت فوق تحت ! محسن الي استغرب وشاف ريناد شعرها مفكوك ومبعثر وكانت معصبه ولين تستضعف قدامهم ، انفجر محسن يضحك وقال : سويتيها يريناد ؟
ريناد قلدت صوته وقالت : سويتيها يريناد ، حطيتها في راسي على طول ! والسلقه جايه غرفتي ومنسدحه فيها اليومين الي فاتت وعادي عندك! عند وهج الي قامت وقالت : اللهم سكنهم مساكنهم لفت على ريناد واستوعبت ركضت تسلم عليها تحت أنظار لين الي كانت تناظرهم بقرف
ريناد ببتسامه : وحشتيني!
وهج : اكثر والله شفيكم كذا تهاوشتو؟ هههههههه
ريناد : تخيلي جيت ولقيت السلقه ذي جايه غرفتي وقاعده فيها!وهج بضحكه وهي تبي ريناد تضرب لين مره ثانيه ، وهج شاورتها وقالت : ملابستس الي خليتيها هنا حرقتها ترا عند ريناد الي قامت بعصبيه وركضت للين وبدو يتهاوشون مره ثانيه
محسن بعصبيه : بتصبحين انتي وياها ولاا والله ي العصاء ذي ان تمشي على ضهرتس انتي وياها يلي ماتستحون فشلتوني قدام بوي واهلي صوتس لاينسمع مره ثانيه طلعت الجازي وعليها برقعها وقالت : بسم الله شفيكم؟
وهج همست لها وقالت : تهاشو الثنتين
ضحكت الجازي وراحت تسوي حليب لولدها
سعود : وش فيه وش ذا الصوت!
الجازي بضحكه : مغير حريم محسن تهاوشو
سعود ضحك ورجع ينام وقال :الله يعين محسن
دخلت ريناد وصفقت الباب بقوه بعصبيه منهم وكان اول مره محسن يشوفها كذا راحت لين وفرشت لها ب المجلس ونامت هناك عند محسن الي راح يبي ينام في غرفته ولقاه مسكر وقال : ريناد افتحي ي البزر ليه مسكترته!!
ريناد : روح عند حبيبتك لين نام عندها
راح محسن وهو ساكت ونام بهدوء بعد ساعتين قام حسين وبدا يصحي عواله على الفطور ويروحون معه السوق حقهم ..
فز محسن بسرعه وراح يغسل وجه ويفطر عند ابوه ولقى ريناد ولين جالسين على السفره وكلهم يناظرون بعض بححقد ، وهج : شرايكم نطلع البر اليوم؟ ريناد ضحكت وقالت : اي ياعم شرايك نروح ؟ حسين ببتسامه : ابشرو وبعد الجو حلو يعني بنروح بدري ، ريناد ببتسامه : الله
طلع حسين وعواله متوجهين لسوق وناوين على طول يرجعون ويروحون البر ، محسن : الله حي بومصعب شحالك اربك بخير؟ حاتم ببتسامه : الحمدالله مانسال الا منكم متى جيتو؟
محسن ببتسامه : والله جينا اليوم في الصبح وناوين نروح البر بعد شوي علم اهلك
حاتم : الحمدالله على سلامه الوصول
محسن ببتسامه : الله يسلمك يبو مصعب
راح حاتم يمشي لبيت اهله ويعلمهم ~
غزيل : اما عاد جات ريناد؟
حاتم : اي قابلت محسن في السوق قبيل
غزيل ابتسمت وراحت تلبس جلابيتها وبرقعها وتكشخت وقاعده تنتظر متى يحركون ..
عند حسين هو واولاده وهم يمشون
حسين : ماشفت عوالك يامحسن وعندك حرمتين لايكون بك بلا رح المستشفى وشوف
محسن ب احراج : الله يهديك يايبه بعد بدري!
عند سعود الي بدا يضحك وقال وهو يبي يفشله : ولالاتكون حرمه وحنا ماندري محسن لف عليها وعطاه نظره وهو يضحك وقال : تخسي
حسين : الا شكل خوك صادق يامحسن
محسن الي ضرب فخذ سعود وقال : وي!
ضحكو ووصلو البيت وحركو السياره
في سياره سعود ( وهج والجازي وولده وامه )
في سياره محسن ( حسين وريناد ولين ولمى)
بدا طريقهم وبدو يتسابقون من الاول يوصل
وهج وهي تعزز لسعود : اي اي اسبقه لايفوز محسن وتقعد ريناد تضحك علينا
سعود وهو بدا يسرع ، الجازي : تلعبين براس زوجي ي الورعه هههههههههههههه
سعود ضحك وطافه محسن ووصلو
نزلت ريناد وهي تضحك وتقول : ماش فزنا عليكم ، وهج ضحكت وقالت : وين عمي مصعب وعمي مناحي بعد ماجاو! غريبه قاطعهم دخول سياره عمهم مناحي والي يسوق مبارك نزلو وقالت وهج : رينادي حضنتها بقوه وقالت : اشتقت لتس يكلبه! ضحكت ريناد وقالت : هذي وهي يومين واشتقتو يورعاني ، وهج بضحكه : شف من يقول ورعاني اصغر منا وتتحاكا!
ضحكو البنات وماهي الا دقايق ووصل مصعب وعواله وسلمت عليهم غزيل وجلست جنبهم وبدت تسولف لهم .. وجد : تعالو ببنات خلونا نمشي بعيد بقولكم شي وابيكم تعطوني حلول
راحو البنات يمشون وقالت وجد : تخيلو من خطب فيني! وهج بحماس : من ؟
وجد : حاتم
ريناد : دقيقه اخو ذي اشرت على غزيل وضحكت وجد وقالت : اي ولد عمي مصعب تخيلو وانجبرت عليه بعد ويقول بوي زواجنا بعد يومين!ريناد : اسفه لتس حسيت بشعور الاجبار
غزيل بضحكه : معليه يبنتي بتجين عندي ب البيت ونعيش كلنا سوا ونفلها ! وجد : الجانب الوحيد الي معجبني ولا عمي مصعب ماودي اطالع بوجهه لو دقيقه ، حزنت غزيل وهي تشوف البنات يتكلمون على ابوها بذا الطريقه بس تعرف ابوها وحركاته لااجل كذا ساكته .
ريناد : شرايكم نروح نشوف السيل الي في الوادي؟ غزيل : ومن بيودينا؟ نسيتي ان خويتس تسوق افاا يغزيل ، ضحكت غزيل وقالت : اي صح تو آتذكر اجل يلا مشينا ، راحت ريناد وخذت شاص جدها وانحشرو البنات بس دخلو كلهم ، وهج بضحكه : انكتمت وجد وجع امنعي يدتس ، غزيل حاشرتني مع جنبي الثاني شسوي
غزيل كانت لابقه في ريناد وبينهم وجد وعلى الباب وهج وكانو يمشون بهدوء وقالت ريناد : شرايكم نفحط ونغير جو؟ غزيل : جووويي تم
ضحكت وجد وقالت : اي عشان تغفصوني يكلبات ! ضحكو وبدت تمشي ريناد وتفحط
عند العيال الي كانو يمشون وشافو الشاص ولتفتو على بعض ومحد شاف الثاني يسوق والشيبان كلهم مايسوقون ، هادي : كن ذي الي تسوق ريناد
قرب محسن وانصدم وهو يشوفها تسوق ب إتقان تفشل من العيال الي كانو يناظرونه ويضحكون
عند البنات الي كانو فزحانين بشّده
وجد : اي اي كفو غبري في وجه حاتم
غزيل ضحكت وقالت : خيير اخوي !
وجد : من قاله يغصبني اتزوجه غصب
عند ريناد الي قربت ولفت بقوه وامتلى وجه حاتم ب الغبار وبدا يلعن ويقول وهو معصب : نذر فيتس يريناد يلي ماتستحين! محسن ركض ودق الشباك وقال : حولي يريناد وحسابتس معي!
نزلت ريناد هي والبنات بهدوء وماردت عليه وكانت زعلانه منه لاانه دخل لين غرفتها!
محسن الي مسك كتفها وسحبها له : اكلمتس انا! فشلتيني عند حاتم يقول مرتك ماتستحي !
عند وجد الي قالت : يستاهل !
لف محسن عليها ومارد وسحب ريناد معه بعيد
ريناد : يووه فك عورتني مو طايقتك ترا!
محسن فكها وقال : ريناد لاتعصبيني وتخليني امد يدي عليتس وانا مابي اوجعتتس!
ريناد ماردت عليه وهي الي جلست على التراب وجلس بجنبها محسن وبدت تشكي له كل شي
ريناد فكت يده وراحت راجعه عند عزبتهم
مبارك وهو يعطي وجد حلا وقال : خذو ذا
خذته وجد وبدو يسولفون وكانو يفكرون بخطه انهم يروحون برا الديره ،
وجد : بنات تخيلو لو يوافقون وين بنعيش؟
غزيل : سهله ناخذ شقه ونقعد فيها
وهج : والله انتس جبتيها ي غزيل بس شلون نقنعهم نعيش لحالنا؟
وجد : اكيد بنعيش لحالنا واول مابنقول الفكره بيفكرون وين نعيش صح
وهج : عندي فكره نقول ان محسن في نفس الديره معنا واكيد بيجي يزورنا ويتطمن علينا
غزيل بفرحه : اي والله انتس صادقه!
جلسو البنات وتقدمت وهج وهي كانت اجراء وحده فيهم وقالت : بقول لكم شي يعماني الحبيبين
لفو لها الشيبان وكانو كلهم يحبونها ابتسمو وقالت
بكلمكم بموضوع الجامعه وان شاءالله تتقبولون الفكره وتخلونا نعيش في ابها ونجي كل اجازه الديره ، مناحي ببتسامه : والله الفكره زينه يبنتي بس تعيشون لحالكم كيف؟ اشرت على محسن وقالت محسن عندنا بنفس المدينه يجي ويتطمن علينا اذا تبون؟ مناحي : اجل الي تبون يبنتي
راحت وجد وجلست ورا ببتسامه وقالت : لو ادري ان كذا رده فعلهم كان قلته من زمان اخ ي القهر! وجد بحماس وهي تذكرت حاتم وجلست بحزن وقهر وقالت غزيل : شفيتس ي وجد ماتبين تروحين ؟ وجد : تستهبلين ياغزيل اكيد ابي بس حاتم بيعيش هنا ومايمديني اروح معكم
ريناد : يمديه ينقل شغله صح؟
وجد : اكيد بس يمكن هو يبي الديره!
غزيل : لامعليتس اعرفه مايبيها بريال وكان ناوي يطلع منها بس مايدري وين يعيش ويقعد لحاله!
وجد بفرحه : يعني يمديني اروح معكم؟
غزيل ببتسامه : ان شاءالله يعيوني انتي!
وبكذا خلص البارت ان شاءالله أعجبكم 😔❤️.
لاتنسون النجمه يحلويني 😋