هو شاب قدر له أن يحمل عار أبيه على عاتقيه وهو يردد من يعيش في خوف وظلم لن يكون حراً أبداً هل يخضع أيوب لقدره أم له رأي آخر
( أحداث قصة حقيقية 100٪ لكن لا تخلو من خيال الكاتب وتستحق دعمكم )
( لا أحلل بنشر الرواية بأي برنامج كاملة )
اتمنالكم قرآءة ممتعة + لا تنسون التصويت والتعليق بين الفقرات حبايبي ❣️
والمتابعة الحساب ☺️🌼
بقلم غزل حسين 🖋️📖
أيوب ٠ ٠ اريد ارچي اعله صدرك راسي تعبان واسولف عن عذابي و غربة روحي 💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سرى : جاي أمشي بالطريق رأجعه للبيت من الدوام والدنيا عصر حسيت اكو أحد وراية وتسلل الخوف لگلبي كمت أمشي سريع وأدعي لحد ما وصلت لمنطقتنا باوعت ماكو أحد ارتاحيت معقولة جاي أتخيل لااا لااا مستحيل دخلت البيت وسديت الباب كوة اتنفس من الخوف شفت أمي طلعت من المطبخ
سرى : ابتسمت وطردت كل الأفكار السلبية من رأسي هههههه ماكو شي ماما لا يضل بالج مسكت ايدها ودخلنا المطبخ جانت تحضر عشة شوية متحسنة وجدتي رجعت لبيتها عوفي من أيدج ماما حبيبتي أني أكمل أنتي روحي لغرفتج وارتاحي
رياحين : لا انتي توج رجعتي من الدوام أكيد تعبانة ما عليج بية أني زينة وهذا العلاج جاي يفيدني وكل يوم اتحسن أكثر الحمدلله
سرى : الحمد لله حبيبتي دومج زينة يلا روحي ارتاحي هههههههه اليسمعج يكول شوف شمسوية ترى هي كم أبرا اضربهن وأرجع بالكوة دخلتها لغرفتها ترتاح واني بدلت ورجعت للمطبخ اكمل العشة ولو ظهري مقسوم نصين لان شغل الممرضات كلش متعب النهار كله نركض بالمستشفيات أذكرت ياسر وابتسمت آخر مرة من شافني طار بية لان لابسة حجاب وجبة بناتية كلش فرح حبيبي كلش مشتاقتله ما أعرف ايمتى يحس على روحه ويكولي تعاي نتزوج ولو أشك يمكن بالأخير أني اطلبه للزواج هههههههه والله فكرة حلوة
شمس : دأنظف الدار والم الغرف واشيل الغراض عثرت ووكعت انكسرت طاسة الفرفوري جانت بيدي سمعت صوت سفانه تلعلع وهي هالايام واكفة أعلى حجة أصلا
سفانة : جعل كسر بيدج إن شاء الله مو كافي رجلي راح بسببج وانوب تجين أعلى غراضي حقيرة والله والله الا ازوجج ناصر لو أي جلب غيره خاطر ما تتهنين بحياتج ولا اخليج تاخذين الي ابالج أنه الج يا عرمة
