ليه عمري ما لقى لبرده دفى إلا دفاك ليه أنا عيني تشوف وماتشوف إلا بهاك

الجزء الرابع

بسم الله الرحمن الرحيم

وش إللي خلاك تدور وظيفه
هتان :لا ابشرك طردني
عساف:انت لين الحين جدك تعامله معك
هتان :ايه والله لين الحين معلق على تعامل المشكلة اني احاول ادور شي انا سويتها وانا صغير مالقيت
محمد :يارجال هونها وتهون
قاطع حديثهم تؤم محمد (غيداء ،غياث)اعمارهم تقريبا ٣ سنوات :بابا
على طوول راحو لحضنه

تعريف اصحاب هتان :
محمد عمره ٢٨سنه
زوجته وصايف ٢٦سنه
اطفالهم :غيداء،غياث٣ سنوات

عساف عمره ٢٨ سنه
زوجته ود ٢٦
طفلهم الوحيد
عز عمره سنه

سعود عمره ٢٨
زوجته منيره ٢٦
اطفالهم :نايا عمرها سنه ،ناي عمرها سنتين

فارس عمره ٢٧
زوجته اصايل عمرها ٢٦
طفلتهم الوحيد ملاك عمرها سنتين

معلومه طبعا هذولي الشخصيات هم ابطال الروايه السابقه وانا حذفتها

قاطع حديثهم تؤم محمد (غيداء ،غياث)اعمارهم تقريبا ٣ سنوات :بابا
محمد اخذهم في حضنه :عيون بابا
غيداء بزعل :يابابا ليش مافيه احد يلعب معي
محمد افا وعيال عمامك وينهم
غيّاث:كلهم صغار
عساف :خف علينا يالكبير
غيّاث:معليش عمي انا بكره عمره يصير ٤
محمد:صح يعني عيال كبرو
غيداء وهي تاشر باصبعها على هتان :بابا منو هاذا
محمد:هاذا عمو هتان روحو سلمو عليه
تقدمو توامنا لهتان :سلام قبل روسهم
هتان :ماشاءالله ربي يحفظهم لك
تمتمو امين
عساف ليش انا غرت احس اشتقت لعزي
غيداء:راحت عليك ياعم عز توها خالتي نومته
سعود :بناتي بعد نامو
غياث:ايه كل الاطفال نامو
فارس :وانتو ليش مانمتو
تخصرت غيداء :تونا جايين ليش ننام
هتان كان يناظرهم وفي دخله ليش انا اللي ماحظيت بذا الدلع من الجدي وابوي في نص هواجيسه رن جواله باسم ابوه
سلطان بحده :الان بدون اي نقاش ترجع على نبرته :بسرعه
تنهد هتان :ابشري يبه
سكر سلطان الجوال في وجه ولده وحيده بدون مايستودعه الله
قام هتان:يلا شباب انا ماشي
فزر العيال معه :وين تو الناس
هتان :والله الاهل يبوني خلوها مره ثانيه

عساف:اجل سلامتك خلنا نشوفك مره ثانية ان شاء الله
هتان:ان شاء الله
طلع من عندهم ركب سيارته وحرك وهو مايبي يرجع لعندهم  في نص الطريق صدمه واحد ثاثرت السياره من ورى بقوه وخبط راسه هتان في دركسون بقوه نزف خشمه وجبهته  نزل الراجل اللي صدمه في ذي اللحظة دق تركي عليه رد وهو مو في وعيه :الو هتان جدي معصب يبيك بسرعه
هتان بلا وعي :ت..ر كيي
تركي باستغراب:هتان فجاة وقف عن الحركه لما سمع صوت انفجار قريب مره من عند هتان طاح الجوال منه فزت له حنان :يمه تركي هتان وش فيه بنبره عاليه ماليه بدموع هتان وش فيه تركي رد علي ركضو لها تركي هتان وش فيه تقدمت ميار لامها :يمه وشفيك
حنان :هتان فيه شي تركي تكلم
تكلم تركي :صوت انفجار عند هتان
كان عند المزرعه مستشفى قريب لهم على طول فزو لسيارات
دقايق الا وصلو المستشفى
تركي :هتان بن سلطان اي غرفه
الموظف:عند الطوارئ ركضت حنان يم ولدها وحيدها اول ماوصلت لطوارئ انصدمت وقت شافت هتان بهاذا المنظر جسمه مغطى بدم جزء من يده اليمين محروقة في رسخ يده تقدمت بسرعه بس منعوها الممرضات من الدخول بعد ماسو الاجراء دخلوه غرفه العمليات حنان ببكي:يمه استودعتك الله
لفت شافت ملامحه سلطان ومطلق كانت عاديه خاليه من المشاعر كان ودها تروح تذبحهم راح وجلست على الكرسي وكان جنبها ميار بعد مرور الوقت طلع هتان دخلوه العنايه طلع لهم الدكتور:الحمدلله على سلامته جسمه تعرض لحروق لكن مومن الدرجه الثالثة ،بس كف اليد ورسخ تعرض للحرق من الدرجه الثالثة الحين هو في العناية لازم تمر ٢٤ساعه عشان نشوف وضعه راح عنهم الدكتور بعد ماخذ منهم الاسئله وفي هاذا الوقت تكلم الجد:يلا ارجعو البيت دام تطمنو عليه
حنان :عمي تقدر تروح لكن انا مارح اطلع لين ولدي يقوم واشوفه
الجد بحده :لا بترجعين ولا راح احرمك منه
حنان بدموع :لا ماتقدر هاذا ولدي انا محد يقدر ياخذه مني
الجد :بسخريه :لا اقدر وانتي تعرفين كيف ارتفعت نبره يلا كلكم على البيت
راحت الجوهره لامها:يمه ارجعي البنت انتي انا بضل عنده وفعلا راحو كلهم الا الجوهره ومشعل لان الجد رفض انه يروح ويترك بنت عمه جلست الجوهره الكرسي اللي قبال العنايه تفكر كيف حياته بدون هتان صح انها تغار منه بسبب حب امها له لكن لو راح اخوها وسنده الوحيد بعد الله
مشعل:لاتشغلي بالك باذن بقوم بيرجع لنا بصحه وعافيه
الجوهره :باذن الله

عند المزرعه الجد
دخلت حنان ودموعه تسبقه كان قلبها وعقلها مو معها وكانها تركته عند هتان ولدها الوحيد راحت بسرعه على جناحهم وكان جوال هتان معها
انفتح جواله على الخلفيه الاماميه كان حاط صورته مع ابوه وقت كان عمره ١٢سنه بكت اكثر وبصوت مخنوق على سجده صلاته :يارب طالبتك احفظ لي ولدي وسند من بعدك يارب لاتوريني فيه يوم مكروه
اللهم اجعل في قلبه سعاده ابديه بعد ماخلصت دُعاها اللي كان يوميا تكرره على لسانه وقلبها
دخل سلطان عليها شافها على سجادتها راح يمها وحضنه بقوه وانفجرت بكي في حضنه يكفي انها يتيمه ومقطوعه من شجره بعد مرور ١٠دقايق حي سلطان بان انفاسها انتظمت شالها وحطها على الفراش وباس راسها وشاف جوال هتان في يدها شاف خلفيه الجوال كان هو ولده هتان اول ايام العيد نزل الجوال جنب حنان طفى الانوار ونزل عند ابوه وكان الجد مطلق قاعد يتقهوى ولا كن صاير شي
الجد مطلق:حياك تقهوى
سلطان :يلا جاي وكان جالس يتقهوى ولا كان في المستشفى قطعه من روحه كانو عيال عم منصدمين من برود سلطان حتى لو كان يكره هاذا ضناه مامهم سوى وفعل يحبه وياخاف عليه
كلمو الجد وسلطان قهوتهم
وبعدها نامو كلهم
الصباح ١٠:٣٠
قامو فتحتان ركضت عند سلطان عشان يوديها لولدها بعد ما دقت الجوهره عليها وعلمتها ان هتان صحى كلهم توجهو للمستشفى
المستشفى عند هتان والجوهره (نرجع شوي للوراء وقت هتان صحى )
كانت الجوهره داخل بعد مانقلو هتان لغرفه عاديه قعدت داخل معه كان جناح مكون من غرفه صاله فا مشعل كان في الصاله والجوهرة في الغرفه مع هتان
بدا هتان يفتح عيونه بخفيف فزت له الجوهره :يمه هتان
وشوي شوي استوعب هتان وينه وليش جاء هنا
هتان بتعب :ابي مويه
الجوهره: من عيوني
رحت ركض عند الثلاجه طلعت له مويه وساعدته يشربها :انته بخير
هتان: ايه
الجوهره بدموع:خفت افقدك هتان تكفى انتبه المره ثانيه
هتان انصدم ماتوقع هل الكلام من الجوهر :ابشري
دقت الجوهره على امها وعلمته ان هتان صحى
بعد فتره الوقت جت حنان ركض عند هتان حضنته بقوه خايفه عليه المره الجايه لا يروح منه :انت بخير ياروح امك
هتان :ايوه
دخل الجد وابوه شافو هتان قاعد وجنبه امه اعمامه عنده ولا أولاد تكلم سلطان:ارتحت الحين يوم عدمت السياره
الجد القى عليه الكلمه اللي اوجعته قلب هتان :ياليت انته اللي جاك شي ولا السياره روح عسى ماتشوف يوم بحياتك زين وطلع الجد وسلطان ونزلت دمعته هتان على خده بدون مايحس بدون اي مقدمات بكى في حضن امه طلعو كلهم من الغرفه كان يشاهق كانه طفل صغير وامه تحاول تهديه لين ارتخى في حضنه امه حاولت تصحيه ولكن كان بلا جدوا راحت طلعت ركض من  غرفه :نادو الدكتور بسرعه راحو نادو الدكتور دخلو عليه بعض الدكاتره والممرضين بعد فتره طلع الدكتور وجه مايبشر بالخير ونطق:مع الاسف .....
انتهى كيف البارت معكم