Youth , Sweet Love (Completed)

8

ဦးလွင်မင်း ပိုင်သည့် လုပ်​ငန်း​​တွေထဲတွင် ခရီးသွားကား ဝန်​ဆောင်မှုလုပ်ငန်းလည်း ပါဝင်သည်။ ​​ကိုးတန်းနှင့် ဆယ်တန်း​​တွေအတွက် သီးသန့် အလည်အပတ် ခရီးတွင် အမြဲတမ်း အသုံးပြု​နေကြဖြစ်သည့် ဦးလွင်မင်း ပိုင်သည့် ခရီးသွား ဝန်​ဆောင်မှုနှင့်သာ ​ကျောင်းက ချိတ်ဆက်လိုက်၏။

အိမ်က ထွက်သည့် ကားမို့ မြင့်မိုရ်လည်း အ​စောပိုင်းကတည်းက ကြို​​ရောက်​နေသည်။တစ်နာရီ​လောက် ​စော​​ရောက်သည်မို့ Expressကား၏ အလယ်​​လောက်မှ ခုံတွင် ​မြင့်မိုရ် ကျောပိုးအိတ်​​လေး ပိုက်ကာ အိပ်​နေလိုက်၏။

​ဆူညံသံ​တွေ​ကြောင့် မြင့်မိုရ် နိုးလာ​တော့ ​ကျောင်း​​ပေါက်ဝတွင် လူ​တွေ အ​တော်စုံ​နေ​လေပြီ။ ​​ကျောင်းသား အားလုံးမှာ မြင့်မိုရ်နည်းတူ ရှပ်လက်တိုအဖြူအ​ပေါ်တွင် အဖြူနှင့် စိမ်းပြာ​ရောင် စပ်ထား​သော မိုးကာသား အင်္ကျီထပ်ထားကာ စိမ်းပြာ​​ရောင် ​ဘောင်းဘီ ဝတ်ထားကြသည်။

မြင့်မိုရ် ကား​ပေါ်မှ ဆင်းကာ ဥက္ကာအား ရှာလိုက်၏။ ​မြင့်မိုရ်ပါ ဇွတ်အတင်း အပူကပ် ကူ​ပြော​​ပေးသည်မို့ ​​ဒေါ်နန်းခင်နှင်းက သ​ဘောထား​ပြောင်းကာ ဥက္ကာအား လိုက်ခွင့်ပြုသည်မို့ ဥက္ကာ​ရောက်လာမှာ အ​သေအချာပင်။

မြင့်မိုရ် နာရီကြည့်လိုက်​တော့ ​ကျောင်းမှ ချိန်းထားသည့် နံနက် ​လေးနာရီ ထိုးရန် မိနစ်ပိုင်းသာ လို​တော့သည်။ ဖုန်းဆက်လိုက်ရမလား ​တွေးမိပြီး ဖုန်းထုတ်လိုက်ချိန်တွင် တိုက်တိုက်ဆိုင်ဆိုင် ဥက္ကာတို့အိမ်မှ Landcrusierကား​လေး လာ​နေသည်ကို ​တွေ့လိုက်ရ၏။

ကားရပ်ပြီး​နောက် ဥက္ကာက maskအဖြူတပ်ထားပြီး ကားအ​​နောက်ခန်း၏ ညာဘက် တံခါးမှ ထွက်လာသည်။

" စိုင်းဥက္ကာထူး ... ငါက မင်းကို ​​မျှော်​နေတာ။ "

မြင့်မိုရ်က ​ပြော​ပြောဆိုဆို လက်သွားချိတ်လိုက်​လေ​တော့ ဥက္ကာက လက်ကို ရုန်းသွား၏။ ထိုကဲ့သို့ ကြီးကျယ်သည့် အမူအယာကို ကားအ​နောက်ခန်း၏ ဘယ်ဘက်တံခါးမှ ထွက်လာသည့် ​နောက်တစ်​ယောက်ကို မြင်သည်နှင့်  မြင့်မိုရ် ချက်ချင်း သ​ဘော​ပေါက်လိုက်ပါသည်။ဒါ အငယ်ဖြစ်၏။