معجزة الحب 💔

البارت الاول

هس نبدي القصه مالتنا .......😌
الشخصيات كله حقيقه مجرد تغير بلأسماء
.
.
.
حور : هلو حبايب اني اسمي حور عمري حاليا 30 سنه لكن القصه جانت بعمر 18 سنه . اني ابنيه عاديه
بشرتي لونه حنطاوي اعيوني بنيات طولي 150
طالبه سادس إعدادي

لهيب : هلو اني لهيب عمري حاليا 32 سنه
والقصه جانت بعمر 22 سنه . اني شاب عادي جدا
مواصفاتي بشري حنطاويه لون اعيوني عسلي
طولي 170
طالب طب مرحله ثالثه جامعه المستنصرية

حور : في يوم من الايام وبفتره الي جان الفيس هستوه طاش وضجت الانترنيت عام 2015اهلي حطو نت بلبيت
وحالي حال كل البنات سوت صفحه ع فيس بوك
وجان اسمه ( الورده الورديه ) ماعرف ليش جنه نسمي هاي الاسماء المهم وجنت اتصفح ع فيس وتذكرت لهيب خطر ع بالي وبهاي الاثناء دخلت ع صفحته ودزيته ( السلام عليكم فقط) وبهاي الفتره جان عدنه سفره خارج العراق سافرنه

لهيب : نفس ماكتلكم اني طالب طب وحياتي كله قرايه
وجنت قسم داخلي وتعرفون هوسه الأقسام وكله تنجمع بمكان واحد وبوقت صارت ضجه ع نت فشباب حبو يشتركون واني وياهم طبعا
وجان بوقته عندي لاب توب وسويت صفحه وهم ضليت اتصفح واقره عليه اني شخص جنت منعزل وخاصه بالسادس او بلاحراء اني طبعي هذا
دخلت ع رسائل وشفت رساله من الورده الورديه
جاوبت (وعليكم السلام منو حضرتج )

حور: بهذا الوقت من جاوب لهيب جنت مسافره وماكو نت واني هم جان عندي لعب توب ماعندي موبايل خاص
حور : ورا مرجعت من السفر شفت جوابه واهنا احس كلبي صار بين رجليه ماكو شنو أجاوبه واحسيت حطيت روحي بمصيبه

( لعلم اني ولهيب كرايب امه وامي بنات خال)
لذلك اني شايفته مرات كلش بسيطه فضل بالي

.
.
انتهى البارت الاول

لسه مابدينا بمفاجأة والاكش

تعليقاتكم ع قصه ❤️