يا غلطة ظلم باكت لذة العشرين

بارت ٣١

السلام عليكم
*********

# بقلم/ الكاتبه - سانسا
****************

: واني نايمه وشعري كوله أمبلل وما أحسلك
بس على فتحت الباب أبكل قوته واشوف همام
أمعصب وعيونه حمر وملابسه أمخربطه أمبين
متعارك وأجاني وسحبني واني نايمه بعدني
مصدومه من الهبطه الباب ولزمني من شعري

أأاوووي همام أشبيك أشصاير اذيتني وخر همام

همام - ولجججججج حقيره كلبه انتي أسوين
بيه هيج بت الكلب

:وضربني راجدي من قوته ضلت اذاني ماأسمع
شي بس وششششش

همام - اموتج والله بيدي اليوم وين ترحين مني

: والله حرام عليك شمسويه اني

همام -لا ماأمسويه شي حضرتج بس نايمه
أبحضن ابن خالج قابل شمسويه

: وأنصدمت من كلامه وعرفت ادم راح
يسوي مشكله شتحجي

همام - اي سوي نفسج متعرفين هم أنكري
سوي نفسج فقيره مسكينه على نياتج تذرين
رحت الهذا الكلب مالتج اريد أئدبه ولكيته يم
عمج واول ماوصلت يمه ضربته
وكتله والله لو اشوفك يم ضحى اموتك وشبعته بوكسات وعمج راد بس يوخرني عنه ماوخرت
وآدم يضحك ولا همه
وشفته يضحك وضربته على خشمه وصار يصب
دم تذرين شيكولي

ادم - اي أضربني عادي ألمهم جانت مرتك
أبحضني وشبعت منها أبخطوبت زينب

همام - وأشر على صدره

ادم - جانت نايمه على صدري وحاضنتني
ليش هل كد امتعبها نايمه على صدري
وتشكيلي منك ومن ضلمك

همام - عقل ماضل أبراسي وعمج ضحى
سكت طيح الله حضه واني هجمت عليه
ونمت فوكاا وأضرب بيه
ولك لاتجذب اليوم وين تروح اموتك اموتك
يا صاقط وأجه عمج ووخرني عنه عمج

عمي - همام عفيه عوفه اني اتفاهم ويااا
وأطيحلك حضه على هذا الكلام

همام - واني ضربته على بطنه أبرجلي وهوه
ضل يرافس ويحجي أبكل عين صلفه ماخاف
من عمج

أدم - يخبل حضن مرتك هنيالك

همام - واجه عمج وضربه راشدي واني
ماكدرت ورديت عليه واضرب بيه لمن
فقد الوعي وعفته يم عمج أمدد بل كاع
والدم تارس وجهه وطلعت

: همام سحلني من الجربايه ويحجي ويعت
بيه موتني وضاب أيده على زندي ولزم شعري
ويهلس بي صاير بركان من الغضب ماحجيت
شي حتى لو أحجي ميسمع مني عفته يضربني
خلي يموتني أحسن حتى اني ارتاح

همام - خلصت على ادم بس مابردت كلبي
والله ضامله ضمه بعد بس انتي أني أعلمج
أليوم فوكاها نايمه مرتاحه اليوم شفتي
حبيب الكلب نايمه ابحضنه

: والله يجذب عليك همام والله

همام - اي اي جذبي واني أبصاطه تردين
اصدكج ماصدكج لو هسه تحلفيلي بميت
أمام ماصدك بس اني اعلمج ولج اني انخان
لا والف لا