بستان الضلمات للكاتبه زهراء
"" "" "" "" "" "" "" "" "" "" "" "" "" "" "" "" "" ""
يجي وكت العتب وأتعاتب وياك
وأخليهن گبالك وحدة وحدة .
"" "" "" "" "" "" "" "" "" "" "" "" "" "" "" "" """
مروه:: ماعرفت شسوي بقيت صافنه بوجهم وهم التعب مبين على ملامحهم. شوي وطلع شاهر خزرهم وكلهم شعدكم اجيتو هنا مو علساس بعد ما تردون مروه؟
فهدان:: اذا تسمح النه ندخل جوه واحنه نسولف كلشي..
شاهر:: تفضلو مو مشكله..
مروه:: دخلت وحجيت ويه نرجس وهي ما اهتمت ابد..
كامت بغرفتها وانا و هبه وياهه بدلت ملابسها وبقت كاعده هي وهبه بالغرفه وانا نزلت جوه حتى افهم شنو صاير..
ساره:: اول ما دخلت مروه للاستقبال ما باوعت بوجهي كمت ردت اسلم عليها و دارت وجها مني كلش انقهرت..
مروه ولله لو تعرفين ليش سافرنه راح اتعذرينه
شاهر:: انتو ما تعرفون شنو صار بـ مروه من رحنه البيتكم ولكينه ناس غربه..
فهدان:: اعرف حقها وانا شكد دزيت الها رسايل وما جاوبتني..
مروه:: اي صح دزيت رسايل بس انا جنت ملتهيه بـ خطوبه نرجس ويوميه نطلع نشتري غراض والتليفون ما اشوفه أصلاً بس وقت اجيت اشوف رسايل قريتهن وكلش فرحت حجيت ويه شاهر و اخذني البيتنه ولكيت ناس غربه بي كلش انقهرت..
فهدان:: انا اعتذر عفتج وحدج بس ولله مو بيدي..
مروه:: اريد اعاتبكم ثنينكم عفتوني و رحتو حتى ما كلتو مروه منو الها اذا تجي وتشوف محد بالبيت شنو راح يصير بيها يعني ما فكرتو بيه..
وبعدين حتى بيت عمي مسافرين..
ساره:: حقج علينه ياعمري بس ولله الاشي الي عرفته راح يصدمج مثل ما صدمني وخلاني اسافر انا وفهدان..
شاهر:: شنو احجي شصاير؟
ساره:: باوعت على شاهر وحجيت بكلبي ياروح اختك..
شاهر:: صفنتي احجي شكو؟
فهدان:: بس الحجي يصير كدام نرجس وعابدين وامكم..
مروه:: عكدت حاجبي شنو هاي السالفه الجبيره الله الي يستر..
شاهر:: مو ضروري يجون هسه سولفو.
ساره:: ما يصير لازم يجون..
كامت مروه وصاحت الهم دخلو ونرجس من شافت فهدان ابد ما اهتمت اله وحتى هو..
عابدين:: شكو شصاير
فهدان:: هسه ساره تسولف كلشي..
ام شاهر:: هلا يمه شعدكم؟
ساره:: بقيت اباوع عليهم واحد واحد وعيوني دمعن اتقربت يم نرجس وحضنتها ياروح اختج ما فهمت عليه ابتعدت عنها وهمه مستغربين كلش..
سولفت الهم السالفه كلها وهمه انصدمو كلهم وامي ضلت تنكر هذا الاشي وتكول انتِ مو بنتي..
