قدر مراهقة 2

الجزء 36

قدر_مراهقة2
#ميرال_مجد
#بقلم_فريال
الجزء 36
جازو يامات روحنا انا وياه وبنتي درنا شوي وحوسنا مبعدناش بحكم خدمتو وانشغالاتو الي بزاف وضغط الي كان فيه وهكاك مفرطش فينا وبقا يخرجنا، روحنا لدارهم تاني تلمينا كامل خاوتو نساهم خواتاتو بلولاد جازت شابة واكييييد الكلبة تاع سماح مابلعتش فمها كل شوي تطلق سمها وتحكي زعما على وحدة جارتهم بلي هي مجرجرة راجلها وكي خلاتو مافاتش شهر تزوج عليها وذوك راهي تحلل فيه ومبغاش يرجعها مش كيف شي عباد بالشهور وهكاك بقاو يجرو وراهم انا هنا زبل طلعلي لراس فهمتها بلي تمعني عليا وحابة تنوضها معايا تبسمت معاها وقولتلها شتي الفرق بين واحد يحب مرتو وميقدرش يخونها ويصبر عليها وبين واحد يحب جسم مرتو برك لانو يعتبرها الة لتفريغ شهواتو برك _ مكانش فرق راجل يبقى راجل وكامل تاع فراشهم ميروش يصبرو بزاف _ كل وحدة وراجلها اذا انت راجلك ميصبرش على فراشو هذيك حاجتو اما انا راجلي يصبر وميروحش لحرام ومثال للوفاء مش زي شي عباد تغفلي عليهم ساعة تلقايهم يخونو فيك _ وش تقصدي راجلي خاين _ واحد ماجبد راجلك في نص رانا نحكيو بصفة عامة واذا انت تحسستي من هاذ الموضوع ماشي شغلي انت الي موسوسة ولا صح كيما قولتي راجلك عينو زايغة شديه مليح لايطير من يدك وعسيه بدل ماتعسي ناس _ نشدو بسحور كيما درتي انت يا سحارة باين بخرتيلو حتى شبعتي عليها مولاش يبعد عليك وكي غبرتي عليه بقا يجري وراك زي لكلب _ حاشاك لاعود هذوك خدايمك انا خاطيني
"مَا يَقْرَا النُّقْصْ...غِيرْ النَّاقَصْ"...
وَ "مَا يَقْرَا الخُبْثْ...غِيرْ الخَبِيثْ"...
وَ "مَا يَقْرَا السَّفِيهْ...إِلَّا مَا فِيهْ"...
وَ "مَا يَحْكِي عْلَى قَلَّة النِّيَة...غِيرْ قْلِيلْ النِّيَة"...
الإنسان السيء راح يشوف كل الناس في حياتو سيئين كيما هو  وكل لقطة يشوفها يفهمها كيف ما يحب لخاطر هذيكا نيتكم السيئة وعمركم لا تتبدلو ولوكان يغطسوكم في ماء زمزم ماتتبدلوش، كي مالقات وش تقولي دارت ليماها وقالتلها غير اجري على وليدك راهو موخذ سحراتو البز هذي وخلاتو زي الخاتم في يدها نطقت يماه قالتلها بصحتها اذا سحراتو خلي يلصق فيها ويتبعها هي خير مايتبع بنات الشوارع الملقطات الي من واحد لواحد _ ايه تبالي ساحرتكم كامل مش غير لبغل تاع ولدك _ مش كامل ناس زي سلفتك كي ميلحقوش للحاجة يقلبوها سحور وشرك بالله كاين نسا يكسبو رجالهم غير بالكلمة لحلوة ورزانتهم وتقديرهم لرجالهم وبسترتهم وحيائهم مش راجل يحكي وهي تحكي في نفس لوقت وتعيط وترفع صوتها تقول صاحبو مش مرتو نهار يدخل وهو قلقان يسكتو وميزيدوش يشعلوه ويقلقوه كثر ماراهو قلقان يحاولو يمتصو غضبو ويخففو عليه واذا طاحت بيه يرفدوه ونفس الشي بالنسبة لراجل كي يشوف لمرا مليحة وواقفة معاه اكيييد راح يرفدها ويحبها ويعلي شانها قدام ناس ولافامي واذا هي مرخسة روحها راح يذلها ويخلي ناس تضحك عليها.
#فريال