قدر مراهقة 2

الجزء 37

قدر_مراهقة2
#ميرال_مجد
#بقلم_فريال
الجزء 37
شوفي ابسط مثال ولد مجد ومرتو ميرال بيناتهم غير لقدر وباين كانت متهلية فيه ومقدراتو عليها قعد يحوس عليها ومحبسش حتى رجعها لدارو ومكانش راجل يقدر يصبر شهور بلا مرا ووليدي صبر لانو يحبها ولقى عندها وش مالقاهش عند نسا لخرين. هي هنا سكتت ووجها صفار خافت من يماها باين كاينة حاجة من ورا هاذ الشي من بعد نسقسي ختو تحكيلي وانا تاني سكت قولتلها في قلبي لوكان تشوفي ياخالتي كيفاه نعامل ولدك تيري عليا بالبارود تقتليني وميبردش قلبك هو يهدر وانا نهدر مشربتلو المرار مسكين وهو غير صابر عليا بصح لوكتاه راح يقدر يشد روحو باش ميطرطقش لصبر حدود وهو يبقى عبد كيفو كيف غيرو وراح يجي نهار وين يطرطق ويفرغ زعافو كامل. كي شافت دعوة حماضت ناضت من قدامنا وحتى لعجوز راحت للكوزينة بقيت مع لبنات نشايخو سقسيتهم وش حكاية سلفتها هوما ماصدقو سقسيتهم وزرعولي الكاينة بالرغم من انو كنت بعيدة عليهم وتواصل معاهم معدوم بصح بقات علاقتنا ومحبتنا هي نفسها هوما مايوصلوني وانا نفس الشي، قالولي بلي لعجوز مرة شدت سماح وسلفتها في شومبرة مجد وبغاو يديو تريكوه كي فاقتلهم ماما وبخصتهم ايا سماح نكرت كلش بصح سلفتها خافت توصل لحكاية لوالديها عتارفت بكلش وبلي هي تبغي مجد ومهوش مقيمها وماعيات تتقرب منو وتتلاح عليه هو وال زي الصنم ومالقات غير الطريقة هذي باش تتحكم فيه وتضمنو وسماح الي قتارحت الفكرة عليها _ اخلايا قولي والله سماح هي الي قتارحت عليها الفكرة _ هيه وامالا شكون غيرها شيطانة _ كيفاه خلاها قلبها دير هكاك في خوها من لحمها ودمها _ الغيرة والحقد والكره يخلو الانسان يدير ما اكثر وهي انسانة حقودة ومتحبش الخير لغيرها من صغرها وهي هكا تحب لحاجة لمخيرة ليها برك ولباقي بحر عليهم المهم تكون هي فرحانة حتى ولو على حساب غيرها وكي مجد موقفش معاها وضربها من تم وهي شادتهالو وكي روحتي لداركم كانت تظل هنا هي وسلفتها وتخليها تتقرب منو باش تزوجهالو مع انو عارفة بلي سلفتها سمعتها فازدة ومتليقش وهكاك بغات تلصقها فيه باش تفزدلو حياتو _ وهو بقا معاها هنا ويدور ويحكي وكلش _ لا لا مع لول كان يجي يخلي لجين هنا كي تكون عندو خدمة وكي شاف لحالة متعجيش مابقاش يجي خلاص غير مرة في سمانة كي مايكون حتى واحد يقعد شوي مع بابا وماما ويرجع لدارو _ وكانو هوما يروحو لعندو _ تأمني دارو جديدة واحد مادخلها لحد الان مبغاش يخلينا قالنا نهار ترجع مولاتها لتم ارواحو عندي بصح ذوك والو واحد مايدخلها. لوكان نقولكم مجد ماكبرش في عيني بعد وش سمعت عليه ليوم نكون نكذب كبر في عيني وقلبي وكلش تاعي والله ماغلطت كي رجعتلو وقررت نمدلو فرصة جديدة تاع صح راجل وعليه لكلام ولازم نطبق وش قالت يماه ونخليه ديما فرحان واهم شي نهتم بيه وبأكلو وخصوصا لفراش مسكين راهو مغبون نقلشو اليامات هذو من بعد ندير راي ملازمش نخليه يضمني ويبدا يتعوج عليا (نخليه ديما يحس بلي ممكن فاي لحظة نروح ونخليه).
#فريال