على وضَح النقى جيتك والراسّ مرفوع .

*10*

في غرفه ريناد في المستشفى ~
محسن تنهت بضيق وكان ينتظرها تصحى
ريناد الي فتحت عيونها ولقته حاط راسه عند بطنها ، ريناد : محسن جدي وش صار فيه؟
محسن بضيق : توفى يريناد
ريناد رجعت تبكي وحضنها محسن وقال : معتس انا مابخليتس يريناد ! ابتسمت ريناد بتسليك ونامت ، في الديره في بيت ال مناحي
لميا : الله يعين يبو مبارك وجعله في الفردوس الأعلى ، مناحي بصوت تعبان : امين يارب
راحت لميا وجهزت نفسها وطلعو للعزا الي حطه حسين في بيته .
"عند حاتم ووجد "
وجد الي فزت وقالت عمي متعب توفى!
حاتم بصدمه : وش!
وجد حزنت على ريناد وقالت بضيق : مات
حاتم : شلون؟
وجد : مدري تعلمني وهج خلنا نروح الديره
حاتم : يلا مشينا
مشو بطريقهم وكان كله حزن على عمهم متعب الي كان معهم من وهم صغار ويحبونه جداً..
عند محسن وريناد الي طلعو متوجهين من المستشفى للعزا وكانت ريناد جداً ضايقه ومحسن ب المثل وكان يوم كئيب للأهل الديره ،
"عند ليان ولين "
لين بدموع : لعب فيني الشيطان وكلمته!
ليان : خلاص لعد تبكين حاولي في محسن يرجعتس!لين : طلقني ثلاث مرات مافيه امل!
ليان : ارسلي له وبس
ارسلت لين وقالت : محسن بدق افهمك لاتخليني كذا ! عند محسن الي طنطن جواله وفتح الرساله وشافها ومارد لمده دقيقه بعدها كتب
والتلاعب ب المشاعر لاتسميها شطاره
كم نديمٍ زاد همه والسبايب من نديمه
مايجوز انك تصلي قبل تبدى فالطهاره
ولايجاد انك تحب ونيتك ماهي سليمه .
قفل جواله وهو الي حذفها من عندها وكان ناوي ينساها لانه كرها بعد ماسوت كل ذا ،
عند لين الي فتحت جوالها ونزلت دموعها وبدت تواسيها اختها بحزن ونامت .
بعد ثلاث ايام من العزا ..
محسن : ريناد برجع ابها تجين معي؟
ريناد ببرود : مالي نفس
محسن : تعالي جامعتس مارحتي لها
ريناد بهدوء : تمام
راحت تجهز عفوشها وراحو ماسكين خط لاابها
"عند حاتم ووجد "
وجد : ماش ماش دلوع!
حاتم بضحكه : وش دلوع تبين فلم رعب وتقعدين تحضنيني من الخوف يوجد ؟ ضحكت وجد وقالت : لامعليك اخاف ليه عادي ترا
حاتم ببتسامه : علمي نفستس
في الشرقيه ~
الجازي : مره تعبان فهد يسعود!
سعود : ليه وش فيه؟
الجازي : الحراره ماسكته منيوم حنا بديره !
سعود مسك ولده ووداه لسوق اما عند الجازي الي تكت ودقت على وهج تغير جوها وكانت تنبسط معها كثيير ، وهج : ارحبي ارحبي
الجازي ببتسامه : البقى شلونتس
وهج : بخير متى رحتو قالت لي امي؟
الجازي : يوه منزمان لنا يومين شلون ريناد؟
وهج : مدري توهم بيجون عندنا وان شاءالله تنسى موت جدها ! الجازي بحزن : ان شاءالله
عند وهج والجازي الي بدو يسولفون وماانتهت سوالفهم الا يوم دخل سعود
سعود : من تكلمين ي الجازي
الجازي ببتسامه : وهج تكلمها؟
سعود ببتسامه هاتي : ارحبي يعنقودنا
وهج ببتسامه : البقى يسعود شرايكم تجون عندنا ابها وتنقلون؟ سعود : ودي والله بس مايمدي دوامي متشدديين علي ! وهج : خلاص اجل بقفل انا جاو ريناد ومحسن ابتسمت وقفلت وفزت تفتح الباب لريناد الي كانت قدامهم بوجه بارد جداً
وهج بضحكه : ارحبي يرنودي!
ريناد : البقى ياوهج انا بدخل انام تمام صحييني بكره اداوم ، وهج : خير ريناد نبي تقابلتس وتنامين على طول ! ريناد : وش تبين اسوي؟
وهج حزنت وراحت ودخلت ريناد تنام ..
عند وجد وحاتم |
حاتم الي لف ولقاها نايمه على كتفه شلها ووداها لسرير وراح ينام هو بعد ..
في اليوم التالي صحو البنات وبدو يذاكرون ويلبسون وأبداً ماقلت زينتهم عن اول يوم كل يوم بشكل جديد ، غزيل ببتسامه : شرايتس بشعراتي
وهج : تههببل يلا ادق على محسن؟
غزيل : لاانا بدق على حاتم شرايتس؟
وهج هزت راسها بمنعنى الرضى وطلعو عند وجد وحاتم الي ينتظرونهم ...
"عند ياسر الي بس يفكر بلمى ويبيهم يخلصون الحزن بعدها يروح يخطبها له وكان متحمس يشوفها ومايدري انها ملاك حرفيياً ، تقدمت له غزلان ببتسامه وقالت : شعندك يخوي مضيم قدلك اسبوع ! ياسر ببتسامه : ودي اتزوج!
غزلان : ابشر بها من تبي بسس
ياسر ضحك وقال : وحده وحده
غزلان : اكلم امي يعني تخطب لك
ياسر ضحك : ليه مامعي لسان ؟ بعدين عندهم عزا هم خليها بعدين ، ابتسمت غزلان وجا هتان يركض لياسر وضمه بحب وطلع يمشي به ب انحاء الديره الي كان يعشقها هتان ..
في الجامعه ~
وجد : بنات بديت احبه امسكوني
وهج ضحكت وقالت : ليه نمسكتس حبيه هههههه
وجد بضحكه : مدري ياخي شخصيته غامضه مافهمته شذا! غزيل : الله يعينتس والله هذا وهو اخوي لي 19 سنه معه ولااعرف شخصيته
همست وجد وقالت : بنات ريناد شفيها!
غزيل : محزنه عشان جدها!
وجد : طيب خلونا نغير جوها؟
غزيل : شلون يعني
وجد : مدري بس بعزمكم في بيتي واسوي لنا جلسه تجنن شرايكم؟ وهج : تم تم
لفو على ريناد وقالت وجد : ريناد تعالي عندي اليوم انتي والبنات شرايتس؟ريناد : مالي خلق والله اطلع من البيت تعالو عندي انتو؟ لفت وجد : تمام الي تبين دخلو لمحاضرتهم وخلصو وطلعو
اما عند محسن الي خذا ريناد وراحو للبيت وكان محسن يحاول يسعدها بس ماقدر نفسيه بشكل
ريناد وهي تشوف شايب عند بيتهم يشحذ فلوس عطته ودخلت تبكي ولحقها محسن وهو يركض وش فيتس ! ريناد بدموع : شوف في واحد برا شايب كبير مسكين ، ضحك محسن وقال : واذا طيب ههههههههه ، ريناد : ماعندك قلب انت!
محسن ببتسامه : شدخل القلب يريناد؟
ريناد ببتسامه : مدري بيجون البنات بتروح مكان
محسن : يليل اسحبي عليهم اقعدي معي شوي!
ريناد بضحكه : وش اسوي كئيب انت مرره
محسن : شرايتس نجيب ورع وسيلينا؟
ريناد : خير يامحسن اهجد بس
محسن بدا يطردها تحت ركض ريناد الي خايفه منه وتهج ، محسن : خلاص تعبت ماني بجايتس
ريناد طلعت لسانها وقهرته وضحك محسن وطلع بما ان البنات بيجون ولازم يأخذون راحتهم..
"عند حاتم ووجد "
حاتم : ياحظهم عندي ماتكشخين يحيوانه!
وجد قربت منه وباسته تحت أنظار حاتم الي ابتسم بهدوء وسحبها له وقبلها وكانت تبعده بس ماكان يفكها عند وجد الي فكته بقوه وقالت : خير حاتم قدني بروح بعدين شف الروج على شفتك !
حاتم بهدوء : تعالي امسحيه
وجد : شدخلني انت الي بديت أمسحه ههههههههه
حاتم قرب لها وكانت وجد لعند صدره حضنها بقوه وكان يحس ب الحنان معها وكانو اهله ساحبين عليه من يومه صغير تقدمت له وجد وضبطته زرار ثوبه ومشو متوجهين عند ريناد..
في استراحه مبارك ~
صقر : لهالدرجة تبيها يامبارك!
مبارك : مب عن ابيها او لا بس ارحمها من ابوها
كايد وهو يطبخ : تاخذها وانت ماتبيها خلها عند ابوها احسن يامبارك! مبارك سكتت وكملو سوالف وينسى الضيق والزعل مع خوياه وهم ب المثل ، عند البنات في بيت محسن وريناد ..
ريناد بضحكه وهي اول مره تضحك بعد موت جدها وكان محسن توه داخل وابتسم : يلبيه ي الضحكه الي ابطيت ماسمعتها ! وهج ضحكت وقالت : يع حركات متزوجين! تقدمت له ريناد وقالت : غريبه جيت؟
محسن : بجي وبنام على طول خذو راحتكم
ريناد : لا لاتنام قدهم بيروحون خلاص جا حاتم
ابتسم محسن وانتظرهم لين طلعو ودخل البيت
ريناد ببتسامه : وحشتنيي
محسن ابتسم وفتح يده لاااجل تحضنه وقدمت له وحضنته بحبب اما عند محسن الي يعيش احلى لحظاته ببتسامه ريناد الي تعذبهه..
وبكذا خلص البارت راح الشغف 🤓
ودعمكم مااعجبني احتمال احذفها ❤️❤️