برائة وجشع

البارت الاول

#الكاتبة_حوراء_الحسيناوي

#البارت_1

دوسن النجمة +علقن بين الفقرات +شجعني حتى استمر+ واحبجن😔🤍.

قراءة مُمتعة
~~~~~~~~

نغم:- مرحبا اني نغم وصديقاتي صبا و شذى و رغد و ميسم اني تعرفت على صبا بالخامس ابتدائي وصارت بمقام اختي وشذى ورغد وميسم جانن صديقات صبا فـ من تعرفت على صبا صارن صديقاتي، عندي اخوات ثنين مروة عمرها ١٥ ثالث متوسط وتركت و ايات' مزوجة' واني الثالثة و اخو واحد اسمه غيث متخرج وما متعين يشتغل عمالة
اني عانيت هواي يلا وصلت للكلية ومريت بمرحة طفولة مُتعبه وقلقة بسبب تحرش ابن عمي
اني وصديقاتي كل وحدة عدها قصة خاصة بيها وخاصة بحياتها مع مرور الوقت تعرفت عليهن اكثر وصرت احبهن ويحبني اكثر من اهلهن ، اني اعتبر الجبيرة مال الشلة و اني العاقلة بيناتهن يعتبرني امهن، مايهمني اي شي الي بتفكيري هوَ حافز واحد وهوَ اتعين واحقق حلمي واصير محامية، لكن احدهم له رأي اخر........

ْ
ْ

شذى:- مرحبا اني شذى ماعرف راح تحبني لو لا بس متأكدة لو وحده منجن عاشت نفس الي عشته اني ولو يوم واحد جان عذرتني وكلتن حقها، ادري مافهمتن قصدي من راح تقرن قصة حياتي راح تعرفن القصد، اني اعتبر اغمض وحدة بالشلة حياتي كلها غموض اني بذات نفسي مافاهمتها، بس اني الوحيدة لاهلي ماعندي اخوات بس اخو ومزوج ومرته تخونه ومامخليه شي موزين ما مسويته اعرف كلشي واسكت لخاطر امي، امي مقعدة مريضة وابوي هاملها وهامل البيت وشغله كله محرمات وخارج عن القانون اي شي يصير وياي لو يقهرني التجئ لعائلتي الثانية والي هنه صديقاتي، دوم افكر يا تُرى ارتاح من المشاكل ومن ابوي ومرت اخوي واستقر  لو لا؟.....

ْ
ْ
ْ
رغد:- مرحبا اني رغد اكدر اكول اني اكثر وحدة ماعدها حظ بين صديقاتي بس مع ذلك ما ابين واحب امي كلش هواي عكس ابوي ماعندي ويا علاقة قوية بس سلام ماعرف ليش، اني المدلله يم اهلي كاعده وي امي وابوي وحدنه، عندي خوات اربعة كلهن مزوجات واني الخامسة واخو واحد مزوج وطالع من البيت بس اني باقية وي امي وابوي وادرس حتى تصير عندي شهادة واشتغل بشرف واكدر اتحمل مسؤليتهم، دوم افكر هم يجي يوم واستقر واكون عائلة واصير مثل امي؟ لكن القدر لهُ رأي اخر......

ْ
ْ
ْ
صبا:- مرحبا اني صبا عندي اخت وحده اسمها زينب واخوان ثنين مامزوجين قيس + مصطفى، اهلي ماعدهم بنية تدرس وتحصل شهادة عدهم البنية من بيت ابوها لبيت زوجها بس اني ماقبل بهذا الشي واني الوحيدة الي بالعشيرة الي ادرس وادرس بس حتى احقق حلمي، دوم افكر واكول هم يجي يوم واخذ شهادتي بيدي وافرح بيها واكسر عيون الشمات؟ لكن ابن عمي له رأي اخر....

ْ
ْ
ْ
ميسم:- مرحبا اني ميسم اني اخر وحدة بالنسل مالنه يعني بزر الكعده وازغر وحده بالشله
جنت أمر بفترة المراهقة وحبيت شخص وماجنت اعرف هذا الشخص راح يسلب راحتي واخذ مقام صديقاتي وبسببه تركتهن والتجئت اله
كل تفكيري يحبني ويبادلني نفس المشاعر لكن فجأة بين يوم وليلة تنقلب حياتها رأساً على عقب من سبب غير معروف.......