قدر مراهقة 2

الجزء 38

#قدر_مراهقة2
#ميرال_مجد
#بقلم_فريال
الجزء 38
رجعت لداري وانا مزالني متحلفة في سماح والله وطيح في يدي ندمها على النهار الي زادت فيه طغات بزاف وكل مالها تزيد تتفرعن ولوكان منحطولهاش حد اكيييد راح ديرلنا هدة من لكبار وتورطنا فيها (وصح دارتها وخربت فرحتنا وفرحت اهلها). ليوم قررت ندير حاجة على جال مجد هو من ديما يقلشني ويوقف معايا وميخلي حتى حاجة في خاطري لهذا قررت نديرلو عشاء رومانسي ونزيدلهو سهرة في الشباب (اليوم برك مش مليح نكثرلو السهرات يضروه وهو مزالو صغير جاي لدنيتو، مجد اليامات هذو ميرجعش لدار وقت الغدا لانو مضغوط بزاف وانا ستغليت الوضع نزفت ونقيت الشومبرة مليح مليح وبدلت الديكور رجعت شومبرة كامل حمرا فحفحتها وكي كملت فت للكوزينة قولت نطيبلو شوي عندو بزاف وهو ياكل من برا ليسطوما تاعو قريب تنطق، درتلو طاجين الجبن ورولي وزدت حميص ماسيدوان سلاطة حريرة ميني بيتزا كسرة وصاي بزايدلو اصلا خرجت روحي باش كملتهم مع لجين تبكي مفهمتش شبيها اليوم موالفة تكون عاقلة وليوم راهي تندب. كي كملت رقدتها وفت لدوش درت تدويشة قلعت بيها جلدي وليت نشعل شعيل مع خرجت لبست صليت وحطيت راسي نرقد شوي تعبت مقدرتش نزيد نتحرك نحير فهذيك الي تنوض صباح ودير كلش ومتتعبش انا ليوم خدمت شوي فشلت وينك ياكل يوم وفوقها يوجدو سهرات لرجالهم بزاف والله عمري خرجت. فقت على صوت لجين العذب ليوم تاع صح راهي معاكستني فوق تعب الي تعبتو زادتلي هي  لقيتها18 ايييي وش رقدت بزاف مابقاش ويجي وهي باين جاعت عليها راهي تبكي مسكينة تغيض. نضت زربت روحت ليها وكلتها وبدلتلها لبستلها شورط فلكحل وبيستي فلحمر جات تهبل تتاكل مشطتلها شعرها وحطيتها في سريرها تلعب وانا جريت وجدت طابلة وفت لشعري سرحتو بوخفيف وزدت طلست وجهي شوي ولبست غوب فلحمر جاية حد لفخاض ومزيرة عليا ومفتوحة من لفوق صدري كامل باين ومن لور ظهري عريان باختصار لبسة مفضوحة بزاف بزاف بصح هذا مايبغو رجال ومجد يستاهل نقلشو انا معنديش مشكل مع لبسة نلبس كلش الحشمة طارت صاي، كملت فحفحت روحي وطلقتها بجرية للتحت باش نسخن الماكلة نسيت حتى باش نلبس حاجة فرجليا (الله غالب متحمسة بزاف نشوف ردة فعلو منيش موالفة نوجد ونعدل على جالو مفهمتش علاه تبدلت ورجعت نحب نهتم بيه ونشوف نظرة الاعجاب في عينيه وكي يبقى يشكر فيا ويتغزل فيا يعجبني الحال من قبل كنت نتقلق منو ومنحملوش بصح ذوك غير لوكان نلقى مايسكتش خلاص ويبقى يحكي معايا).
#فريال