قدر مراهقة 2

الجزء 40

#قدر_مراهقة2
#ميرال_مجد
#بقلم_فريال
الجزء 40
سكت شوي وسمعتو يستغفر ويعاود علبالي قلقتو بصح مش ذنبي انا هو الغالط كان قادر يعيط ويقولي بلي راني جاي مع خويا، خلاص سكتينا _ وينهي لوطو تاعك مسمعتش صوت تاعها _ منعرف شبيها حبست عليها ضطريت نعيط لخويا باش يجي يروجني كنت في بلاصة بعيدة _ عادي تكسر الشر فيها ولا فيك بصح مبقيتش تعاود لعفسة تاع ليوم كي تجي جاي عيطلي باش ندير حسابي مش يصدمو عليا ناس يلقاوني لابسة هكا اصلا مابقيتش نلبس هكا من ليوم نستر روحي _ لا خلاص غلطة صرات ومتتعاودش كي يكونو معايا ناس نعيطلك ومذابيا تلبسي هكا بصح ليا وحدي مش لناس ومنحتاجش حتى واحد يشوفك باللبسة هذي فهمتي _ انا نلبس لروحي مش لناس ولا ليك متديهاش في روحك _ علبالي من ديما ناشفة لحالة بعدي بعدي خليني نروح نرقد تعبان _ ومتتعشاش _ شبعت مافيا الي ياكل _ ويااااا علاه عليك وانا موجدة لعشا من صباح نجري وحدي وفلخر متاكلش دبر راسك يسموك تاكل وش طيبت ميروحش تعابي باطل _ هياااا هياااا علبالي لوكان مناكلش ليلة وش طيبتي تهبليني ومتفوتش ليلة على خير خلي ناكلو لا تاكلينا _ صحيت مجودي العاقل _ امشي برك بلا دخاصة _ شبيك رجعت هكا واحد مايتمسخر معاك ياخي صامط تقول بدلوك وحطو واحد في بلاصتك _ تعبان الخدمة بزاف وانا حصلت _ ياعمري ربي يعينك، قرب لعندي وحضني قالي ابقاي معايا برك وراح نكون بخير بادلتو الحضن وتجرأت وبستو على شواربو الي يغيروني لوكان نلقى نقطعهملو هو ماصدق بستو تفاعل معايا ورفدني زي ريشة لصقت فيه مابغيت نطلقو حتى بعدني عليه قالي هيا نتعشاو ميروحش تعبك باطل ومن بعد تجي دالة البوس ولفراش _ والله ماتحشم _ واقفة قدامي هكا كلش تاعك برا وحابتني نحشم وزايدة من لفوق تبوسي فيا كيفاه حابتني ندير _ مادير والو _ منقدرش كي منيدرش انا شكون يدير _ انا، طرطق بالضحك كي قولتلو ندير انا يسكت شوي ويرجع يضحك حتى رجع وجهو حمر _ شبيييك شبيييك تضحك يدغدغو فيك ولا شفت قرد عريان قدامك _راهي قدامي قردة عريانة وحابة دير _ انت لقدر ياواحد لحلوف متزيدش تحكي معايا _ خلاص ماتزعفيش حبوبتي مبقيتش نضحك عليك وديري الي بغيتيه ليلة ههههه_ بزايد من ضحك اسكت شوي _ خلاص هيا نروحو نتعشاو ومن بعد نديرو ااا غلطت قصدي ديري انت _ مججججججد بزايد والله كثرتلها انا زلقت برك وانت شديتهالي _ عادي ياحبيبي حابة ديري ديري وش تبغي انا منمنعكش مذابيا _ صامط.
#فريال