« خلني في بالك لين تغفى »

البارت الاول

في الرياض  1:30 الظهر

: انتي طالق طالق طالق بالثلاث ويالله انقلعي من قدامي قبل ما أكفر عليك يالتبن اصلا مدري لي

قاطعته وهي تصرخ وتبكي من الالم والقهر الي فيها  : اااااااااههه حسبي الله عليك

: اسمعيني زين بروح وبرجع قسماً بالله اذا لقيتك ذبحتك فاهمةة

حتى قبل ما تستوعب الي قاله طلع تاركها  جثة في الارض من كثر الضرب داخت من الالم ما تحملت وصحت بعد ساعات في الليل

:انا لازم اطلع قبل ما يرجع ويذبحني وينك يا سعود تشوف اختك وش سوى فيها هاالكلب

قامت وهي تتسحب جمعت كل اغراضها وملابسها ما خلت شيء إلا وخذته لأنها موب ناوية ترجع له
نزلت ووقفت تاكسي دلت الرجال  على البيت ونزلت وهي تدق الباب عشان يفتحون لها

:مين وشوله ذا الازعاج كاني جاي اللحين
قالت وهي تبكي وتنزل عند رجله لأنها ما تحملت الألم:يبةةةة شوف وش سوى ولد اخوك فيني

شهق بخوف : رييممم وش صاير لك يابنيتي

ريم وهي تبكي : طلقني وضربني يبة هالسكير المدمن الكلب خالد الله لا يوفق

عصب واظلم وجهه : وششششووو تسبين ولد عمك ياقليلة الادب لا وبعد تجيني مطلقة لا بارك الله فيك من بنت
فشلتيني عند العرب ارجعي له واطلبيه يرجعك لذمته حسبي الله عليك

قامت وابعدت كم خطوه وهي منصدمة من كلام ابوها : يوبببة وش تقول والله لو هو على موتي مارجعت له اقولك ضربني وطلقني ويشرب وتقول ارجعي واطلبي منه يرجعك اكيد تمزح صح

قال وهو معصب : عادي وش فيها لو ضربك منتي اول وحدة ولا اخر وحده زوجها يضربها والحرمة ستر وغطى عل زوجها مو تفضحية بين العربان وتقولي يشرب ويحشش يالعاصية

ريم وهي تضحك من الصدمة والقهر من كلام ابوها : كل هذا عشانه ولد اخوك تراني بعد بنت اخوك وبنتك بالرضاعة

عصب من كلامها ودفها : انقلعي عن وجهي لا بارك الله فيك وانا متبري منك ليوم الدين حسبي الله عليك من بنت

بكت من الم الطيحة بالازفلت : يوببببةة وش سويت  الله يخليك اسمعني والله إنه هو …

ما كملت كلامها لانه قفل الباب في وجهها
ماستوعبت الموضوع الا لما تجمعوا أهل الحي قريب من البيت وقامت تبعد لأنها منحرجة ومنقهرة من ابوها ومن الكل

مشت بدون هدف وهي تفكر ايش تسوي اللحين طلعت جوالها واتصلت رن ورن

:هلا ياقلبي كيفك

ريم وهي تبكي: سعود وين…

قاطعها وهو خايف : ريمي ياقلبي وش فيك
ريم : الحقني يا سعود

سعود : وينك

ريم :في حديقة الحارة

سعود : مسافة الطريق وجايك