- دَك المُنبه وعِندي مَدرسه .
-كعدت بَس بديت أتثاوب وبلكوه فاتحه عيوني مِن التَعَب والأرهاق بـسَبب الأمتحانات .
-مَروه : أهو هَسه والله مابيه حيل أكوم .
رجعت للمُخده نمت تَقريباً رُبع ساعه .. أستوعبت
انُ لازم أكوم وأبدل وأداوم ..
طُفرت من فراشي غسلت وبدلت وطلعت ..
- مَروه : صباح الخير .
- زينَب : ببرود .. صباح النور، وين رايحه ست ؟
-مَروه : للمَدرسه يُمه .
- زينَب : ماكو مَدرسه لتداومين .
:- لا يُمه لازم أداوم .
:- كتلج ماكو لتلحين زايد أحسن الج .
:- لايُمه الله يخليج لتحرميني من حِلمي.. ضليت أتوسل بيها بَس مارضت .
:- لتخليني أتصرف غير تصرُف وياچ وكوني مُهذبه.
:- تَعَبت مِن كَوني مِثاليه ولازلم كُلشي أنفذه ومااعترض والله تعَبتوني .
:- كلت الي عندي يعجبج خَيراً على خير ميعجبچ أتصرف غير تصرف .
:- أي ميعجبني كافي مَليت آني .
-كامَت مِن الكُرسي الي كاعده عليَّ بتجاهي .. ضُربتني راشدي على وجهي .. شاغَت روحي بجيت مِن الألم ..
:- بخوف همست .. لتضُربيني حَبابه الله يخليج والله آني مَريضه .
:- صيري مُهذبه وعاقله ووعَد مااضربج .
:- أستسلمت لأن خُفت تضربني .. تَمام .
:- عَفيه عليچ هيج أريدج ، يلا روحي لغرفتج .
:- رحت أمشي بدون وَعي كارهه الدِنيا .. فتحت الباب ونمت عالسَرير والدموع تنزل عشره على عشره الوم نفسي لأن آني أضعيفه ومااكول لا..
شگد ذلوني بَس مااحجي .. تَعبت من البَجي ..
رحت راسلت صديقتي بَنين .
" هلو بنين "
" هلا بروحها لـبَنين "
" أريد أجي يَمج تعبانه فدوه "
" هلا بيچ يروحها تَعالي بأي وقت وبدون ماتكولين ، أحطج بعيوني أنا "
تركت الجهاز مِن أيدي ورحت ألبَس ملابسي .. تكَشخت على آخر مُوديل ، لِبست فُستان لون أبيض وحذاء كَعَب بيضه ونَزلت شَعري الي يوصل لخَصري وسويته ويڤي ، حطيت حُمره ماروني ومَسكاره ورتبت باقي المكياج .. طلعت مِن الغُرفه طلعَت بوجهي أُمي ..
:- ببرود .. وين رايحه ؟
:- لـبيت صَديقتي بَنين .
عافَتني وراحت .. تجاهلتها ورحت .. أجَرت تَكسي ورحت .. دكيت الباب مَرتين .. صوت ناعِم وحلو كــال ..
:- ريم : مِنو بالباب ؟
:- مَروه : آني
فتحَت الباب وأبتسمت بوجهي .. ضَليت صافنه مِن الجَمال الي شايلته سُبحان الي خِلقها .. العـيون خُضُر وشَعرها الأصفر وعيونها الي بيهن جَره شلون السيف بقيت مرَكزه بجمال تفاصيلها .. بصوت هادئ وحِلو .
:- ريم : تفَضلي عيوني .
:- مَروه : بتوتُر .. بَس العَفو آني صَديقة بَنين .
:- تَفضلي دُخلي بَنين جَوه .
:- فتت بتَرَدُد .. مِن شفت بَنين رَدتلي روحي .. رحت أركض حضنتها والدموع تنزل عشره على عشره .. حضنتني بكُل قوتها ..
أنت تقرأ
رسالة عشق
General Fictionخوف ، ضياع ، حُب ، فراق ، عشق ، هُيام ، كُل هذا حدَث في مُده قَصيره وفي عُمراً صغير جدًا .. باقيلك خَيال بطَرف رمش الِعين گلبي اليحِب واحد ما يحب إثنين يالجافيت روُحي شغَيرك عالروح عُمر ماي الجُرف ما غسَل وجه الطين فَززت الهُموم وكَبرت الصَفنات...
